تجمع حوامل ليبيا

[ميمونة]

ومازال نوصي عالحلو والرزاطه والعبمبر نفكر في الركن الشرقي

ربي يعاوني

مازال نبي ندير مخلل ومسير نستني بس نص الاسبوع الجاي بالك يروحي الاربعاء هما ربي يرجعهم بالسلامه

[تمر حنة]

هي تفضلوا عيــــــــون وام وســــــــــــونة وميمــــــــــونة الليلة عشاكم عليا غير خلوا شوية ليقيـــــــــــــــــن لانها الحاجات هذي هي تحبها هلبة

[عيون زوجي]

ميمونه يا احبيبه قريتها مشاركتك
المزين يلي نمشيله هو مروة متاع الفرناج ماعنديش غيره لانه قريب وما نعطلش على صغاري
بس من تجربتك فكني منها هالنادين ويلي زيها خليني عالمعروف خير
اليوم مرت عم بوي ماتت الله يرحمها ابعيدة شوي لكن قريبه مش عارفه كيف انوضح
المهم الاربعاء الجايه عندي عرس خوت مرت خوي نمشي ولا لا
انا انحسه عيب بنات عم بوي زعلانات على امهم وانا في العرس

[ام وسونة]

صحيحة ياميمونة تفرقيهم وانتم متهنين وامك

وبوك راجعين بالسلامة يارب

وخيه عيون اسمعي ديري اللي انتي مقتنعة بيه

راهو العمر واحد

مرات ضيع منك الفرصة تقولي ياريت فلهدا هكي مامنا يحبوا

ينصحوا ههههههه اني امي لين دهشت معاي

بدت معاش تكلم فياهههههه فقدت الامل

[ميمونة]

تموره صحيتي غير عرفينا علي هالوجبات

عيون والله انا نحسه قريب وانت زيدي شوف روحك

ام وسنه تسلمين حبيتي وانت عالبال فهمتي هههههههههه

[تمر حنة]

ربي يعاونكم يا ميمــــــــــــونة ويفرحكم بشوفتهم صحيحين وطيبين
عيــــــــون عظم الله اجركم وبخصوص الفرح امشي حتى شوية باركي وروحي مش لازم غداء او عشاء باش ترضي الطرفين

[ام وسونة]

هههههه فهمتك ياميمونة

وخيه عيون نحس فيها مش حلوة اللقطة وفي متل يقول

اللي يخاف يخاف علي روحه لانه تبدا ليها اسبوع في

العرس صح ولا

صحيتي يازيتونة علي الاكلات لكن بالنسبة ليا اني شبعاااااانه

[ميمونة]

اه حتي انا هكي نحسه قريب هلبه ياعيون وانت زيدي شوفي

تموره عقبالك انت وراجلك

[عيون زوجي]

مشكورات عالرد يا غاليات
حتى انا نحسع عيب نمشي نبارك على قولة تمورة ونروح
ميمونه يارب يوصلوا اهلك بالسلامه وعقبال حجتك انتي وصاحب النصيب يارب
ام وسونه حتى انا زيك انطنش ومرات يعدبني ضميري لما ايكون الفلق كبيرررررر هههههههههه واول ما انوض ننسى
تمورة مشكورة شبعانه انكلم فيكم وفي يدي خبيزة فيها جبنه شيدر سخنتها بماكينه التوست وكق كابتشينو رغوته اتجنن اتفضلوا معانا
لاني درت 4 فناجين لراجلي وخوه وبوه وراجل اخته متشحورين يخرطوا في الزيتونه
ميمونه ناسكم شكلهم هلبه بديروا يوم عزومه معين للكل والا كل واحد يخبط وايخش على كيفه

[ام وسونة]

ربي يسترناااااااااااااااااااااا