مامدى صحة السونار؟

[ورود الحريه]

شخباركم حوااامل اني وياكم ضيفه جديده انشاء الله اكون خفيفه عليكم
اني حامل بالشهر السابع وهاي المولود الرابع واتابع بالمركز قالو لي انه
ولد والحمد لله على النعمه الا جبتهم كلللهم اولاد واني بخاطري ببنت واحساسي للحين يقول انه بنت وصايره كلللش متخربطه خايفه اروح على عياده خاصة ويردون يقولون بنفس الكلام مع العلم اني قالو لي بالشهر السادس انه ولد واني اجيبهم كله ولاده قيصريه فيعني قرب الامل يتلاشى مني اني اجيب بنت
السؤال هل في احتمال انه يكون الدكتوره غلطانه ؟
مسامحه خواتي ثقلت عليكم بس حابه افضفض

[نونه الأموره]

ممكن تكون الدكتوره غلطانه .. أعرف وحده حملت ومن نهاية الشهر الخامس إلى الشهر التاسع وهم يقولون لها بنت وجاتها الولاده وولدت ولما بشروا زوجها إنه جاه ولد ماصدق قال يمكن غلطانين تأكدوا ههههه
لكن الحمدلله على كل حال وياأختي توكلي على الله واحمدي ربك على اللي يرزقك اياه وأهم شي يكونوا بخير وصحه وسلامه
والله بكتب لك الخير ويرزقك الذريه الصالحه*

[ام السلاف]

الله يرزقك النطفه الصالحه اهم شي

[Fuoonkh]

اللي اعرفه ان الاولاد مايخربطون فيهم على طول يقولون ولد ,
لكن ماتدرين يمكن هالولد يبر فيك اكثر من البنت الله يرزقك البنت الصالحه والولد البآر يارب ويخليهم لك ,

[ftoonah]

اهم شي الخلقه الكامله السليمه
ومااتوقع يغلطون بالولد

[ام مراوي]

ما اعتقد ان الدكتورة غلطانه والله يعطيك ما تتمنين

[بنت الاصيل]

لا ممكن يغلطو في الولد يشوفو الحبل السري ويفكروه العضو يعني كل شيء جايز يا اختي ويارب يكون السونار غلط وتجيبي بنت خلي املك علي الله انه علي كل شيء قدير

[ام السلاف]

انا بحملي الاول قالو لي ولد وانا بالخامس وجيتهم بالسابع قالو بنوته وسبحان الله طلع ولد والحمدلله ع كل شي...

[حزن الليل]

الله يرزقك ببنوته اجتهدي بدعاء وبس

[صغيره بالعمر]

الله يرزقك باللي تتنمين ولا يحرمك يارب