تجمع حوامل ليبيا

[ميمونة]

البــــــــــــــــــــــسبوسه
6 أكواب سميد – 6 ملاعق كبيرة ممسوحة دقيق – كوب و نصف سكر

- كوب زيت ( من الممكن أن يستبدل بكوب سمن أو نصف كوب سمن و نصف كوب زيت )

– 3 أكواب حليب مكثف غير محلى – ملعقة كبيرة بيكنج بودر .

5 أكواب قطر ( لتر ) أو حليب مكثف محلى أو قطر مخلوط مع حليب مكثف محلى أو مع الحليب المكثف
– ملعقة صغيرة روح اللوز ( اختياري )


- حبات لوز مقشرة أو بندق أو فستق أو مبشور جوز هند للتزيين.

ينخل السميد و يوضع في صحن

له السكر و الزيت و كوبين من الحليب المركز

تخلط المواد جيداً مع بعضها وتترك ترتاح لمدة ساعة

حتى تتشرب حبيبات السميد المواد و تصبح طرية

بعد مرور الساعة يضاف للخليط السابق كمية الدقيق و البيكنج بودر


و كوب الحليب المركز المتبقي


تخلط المواد مع بعضها


ثم تمد بواسطة اليدين المبللتين في طاجين مدهون بالزيت و مرشوش بالدقيق


تقطع بعدها بواسطة السكين إلى معينات


و يوضع في وسط كل معين حبة لوز


ثم توضع في الرف الاوسط لفرن ناره متوسطة تشتعل من اسفل فقط


حتى تتماسك و تحمر من أسفل

عندها تخرج من الفرن و يمرر السكين على مكان التقطيعات السابقة

و ترجع إلى الفرن مرة أخرى لكي تحمر من أعلى

عندما يحمر وجهها تخرج و تسقى مباشرة بالقطر الساخن المنكه بروح اللوز

و تترك حتى تتشرب القطر و تبرد

[ميمونة]

علي طريقتي في تنظيف (( الدوارة ))

أهم حاجة وتعتبر نقطة اساسية لازم الدوارة تكون سخونة بمعنى اول ما يطلعوها على طول ديري شغلك في الاول طبعاً تتنظف من الفضلات كوييييييس وبعدين إنحطوها في اميه سخونة لمدة 10 دقايق وبعدين إنطلعوا المعدة بعد ما نحطوها في الكسكاس باش تنزل أميتها ناخدوا موس و نبدوا بسم الله طبعاً الطبقة اللي في المعدة بالطريقة هادي تزال بسهوووووووووووووووولة وبعدين إنتي وشني تبي تستعملي لإزالة الرائحة أني نستعمل في الخل
المهم بالنسبة للمصاريين إنظفهم بالمية وبعدين إنحط فيهم شب مدقوق مش ناعم حبوب تعرفوا والله ما تقعد فيهم حتى حاجة بدليل لما تقلبهم باش ......... ما نلقاش حتى حاجة كل المادة المخاطية تنزل مع الشب يعدين مصمصيهم و صبي عليهم شوية خل وخليهم يتنقعوا شوية وشوفي النظافة علي أصولها بياض ناصع ولا بياض كلوركس جربوا الطريقة و مش راح تندموا بالعكس رايح تدعولي لانها ساااااااااااااااااااااااهلة وما فيهاش تعب بكل
وكل عام وإنتم بخير و صحة وسلامة

[ميمونة]

ههههههههه حبيت ننقل لكم هالطريقه بالك فيه من يستفيد

[ميمونة]

مسجات العيد

الله يبارك هالعيد ... وفتكينا من هالعقيد ... وخروف جديد ولحم قديد ... وثوارنا بعتونا رصيد
****
الكبش ينوح بالقوية ... احليلي ياناري القوية ... بعد ايام بيضحو بيا .. لاتقعد كبدة ولا ريه
ورافعني بالعكارية وسط السوق يدلل بيا مخلي الكل يفتش فيا ... من سنوني لي كرعيا ... وبسوم رخيص يساوم فيا ...آه ياناري القوية كل عيد تجيني ليه
****
الكبش الليبي غنى وقال (( حتى فيها ذبح ونار محلى العيد مع الثوار ))
****

[ميمونة]

النعجه تندب واك عليا بيموت الغالي منهو بيه.


---النعجة دزت للكبش تقوله .بعد العيد أريدو حل،دبلةولا حتي تل.رد عليها الكبش قال .كان نجينا من القديد الدخلة رابع يوم العيد.

[ميمونة]

طريقتي في السويسروووووووووووول الحار
المقادير

4 بيضات , كمشة معدنوس , راس بصل متوسط , فلفل اخضر , فص ثوم , 5 ملاعق دقيق ممكن اتزيد ممكن تنقص , ربع ملعقة صغيرة خميرة كيكة ,ربع ملعقة صغيرة فلفل كحلة , ملح حاجة ربع او اكثر اشوية ملعقة صغيرة

الحشــــــــــــــــــــــــــــــوة


جبنة وزيتون وهريسة وجبنة شرايح وتقدري اتزيدي عليها اشوي ثن او تحشيها اي حشوة انتي اتحبية زي مفروم وجبنة شرايح او بطاطا مهروسة مع جبنة وهريسة وبهارات او----------------او بس المهم اتكون امعاهم الجبنة علي خاطر اتشد باهي زي الكريمات والشكلاطة في السويسرول الحلو.


الطـــــــــــــــــــــــــريقة


اول شي انجيب الخلاط الكهربائي(خلاط الفروبي) وانحط فيه الدحي او البيض والبصل والثوم والمعدنوس والفلفل والملح والفلفل الاكحل وانشغل الخلاط فترة وبعد مانلاحظ ان كل الخليط انمزج ودابت كل الخضرا انحط عليه الدقيق اشوي اشوي ومعاه الخميرة وانخلطهم باهي وايكون الخليط زي الكيكة يعني مش جاري ولا خاتر.


ناخد الطاجين وانحط فيه ورق زبدة وكان مش متوفر عندك تقدري تدهني بشوية زيت ورشة دقيق واتصبي الخليط وادخليه في الكوشة من تحت وبعد يتحمر تولعي عليه من فوق وهو يطيب بسرعة خصوصا من فوق



اول ماتطلعية من الكوشة اتحطيه علي فوطة واتلفيه كانه في وسطه الحشوة


وبعدين تفردية مرة تانية واتحطي عليه الجبنة والهريسة والزيتون وقطع من جبنة الشرايح واتلفيها مثل الروووووووووووول


واتلفي عليها الفوطة واتخليها لوقت التقديم باش اتكون الجبنة شدت روحها.

عاد وتقطعيها وتقدميها بالطريقة اللي تعجبك دوائر مثل السويسرول

[ام وسونة]

السلام عليكم

كيفكم اليوم ياحلوات

وخيه تمورة خيرنا احني مايجيش علينا لبيسة

بصدق اني حرجت ومانرضاش الا بالبسة مقومة

دبري رأسك مادخلنيش فيك ههههههههههههههه

[ام وسونة]

ياوخياتي مافيش حد يطمنا على وخياتنا

عيون وميرنا وام سعد وام رودينة وام لقمان

والله مشغولة عليهم وليهم وحشة

[ميراس]

وخية ام وسونة فوتيها تمورة زي مافاتتنا توا نطلع انا وياك ونشروا احلي حوايج انا وياك وبعدين بنطلعوا مرة وحدة نشروا علوش علوش مش فرخة

[ميراس]

ميمونة نبي طريقة الكعك المالح وتكون مية مية انا عندي كلها موجودة بالكتب والمدكرات وخليتها في ليبيا والحفظ مش تبعي