مين جربت الولادةبسليمان الفقيه او الالماني

[((ام ليان))]

السلام
زوجة اخو زوجي ولدت في سليمان فقيه بس بصراحة ما ادري اش اسم الدكتورة
اما عن السعر زوجها في الشركة وطبعا مجانا بس عليهم نسبة قليلة مثل العلاج
الاهتمام بصراحة تمدح فيهم

[طفلة الورد]

انا بكريه وبولد بالالماني ان شااء الله
وابي استفيد مثلك ي ريت احد يفيدنا

[احلى من العسل]

كل الشكر والتقدير لمن مربصفحتي وترك تعليقه ومازلت اطمع بالمزيد والله لايحرمني منكم ابدا

[..ام بدر..]

حبيبتي انا ولدت بولدي الاول قبل 3 سنين بفقيه وكل شي حلو وكانت دكتورتي فاطمه العتيبي

وبصراحه بسبب زحمتها في حملي كله راجعت عندها مرتين عشان بس يكون عندها ملف لي وتقبلني وقت الولاده...اول مراجعه لي عندها كانت لمن عملت تحاليل الحمل كنت تقريبا في 4شهور والمراجعه الثانيه كانت بالتاسع عشان تكون عارفه وضعي كيف...وبصراحه الدكتوره طيبه وحبوبه وشاطره وخياطتها رووووعه

حملي هذا برضو ان شاء الله في فقيه ومستحيل اغيره...بس مراجعاتي عند الدكتوره سحر ملودي وهي شاطره وفي مستوى الدكتوره فاطمه العتيبي يعني كلهم شاطرت وكويسات...وبالنسبه للولاده راح اسأل عن فاطمه اول شي لاني جربتها ولو ماكانت فيه راح اسأل عن الدكتوره سحر لانو يمدحو خياطتها..........واسأل الله العظيم رب العرش العظيم ان ييسر لنا ولاداتنا ويسهلها علينا ويرزقنا الذريه الصالحه

[دلوعه موت]

مستشفى فقيه اتنين من اخواتي ولدو فيه روووووووووووووووووعه عنايتهم

[عمتووووووو]

حبيبي انا جربت ولادة فقيه قبل سنه ونص في حملي الأول
ماراح تلاقي مستشفى زي فقيه يريحك وقت الولادة اذا كنتي شايله هم آلام الطلق والولاده
والله العظيم ماحسيت الا بآلام الطلق فقـــــط اما الدفع ونزول الراس ماحسيت بشي يذكر,,,, افتكر وقت نزول الراس حسيت كأني اتبرزت وانتي بكرامة وبعد كدا خدروني ولا حسيت بخياطة ولا نزول مشيمه ولا شي الحمدلله

هذا احلى شي في فقيه , وكل اللي اعرفهم ولدو فيه مايغيروه
و بالنسبه للعنايه ممتازة جدا
انا ماكان عندي دكتوره معينه , لأن على حظي الدكتوره اللي تابعت معاها سابت المستشفى وفتحت عياده خاصه , وكنت وقتها في السادس , واتعاملت مع اكثر من دكتورة,,,, اللي ولدت عندها اسمها شيرين هي اخصائية و مررررره حبووووبه ولززززوووه وكفايه وجهها يشرح قلبك

وفي حملي دا زوجي الله يهديه مايبغى فقيه عشان الحفريات والتحويلات الكثيره اللي في الطريق,,,,, خايف تجيني ولاده ومايقدر يوصل في الوقت المناسب
ماتابعت الا مره وحده عند د.نسرين البزرة وبرضها انسانه رائعه وتحسي انو قلبها عليكي


انتي استخيري وربي يختارلك الخير
وسامحيني طولت عليكي :)

[رحيل!]

ان شاءالله ادا ربي تمم لي على خير حولد في فقيه عن الدكتوره فاطمه

[ANGEL~]

انا كمان ولادتي فى بنتي كانت فى فقيه .. ولادتي قيصريه بس انا من زمان محدد ليا العمليه

والحمدالله ربي سلمني بنتي جات فى غير موعدها وعندهم عنايه بالخدج ..

جلست اسبوع ومرتاحه الحمدالله .. بس انا على حساب الخطوط يعنى يشمل كل المصاريف

مادفعنا غير فرق الغرفه .. دكتوري مرا ماشالله شاطر اسمو شادي مسيحي للأسف انصحك تروحي الخدمه روعه ..

[عمتووووووو]

سلاام
Angle
باين انك ولدتي في فقيه من صورة بنتك في توقيعك الله يخليها لك
نفس اللفه واللون اللي يلفو بيها المواليد (انا كمان عندي بنوته)

دمتي بخير

[احلى من العسل]

الله يسعدكم دومن وابدا على الردود الجميله بس غريبه ماحدولد بالالماني ويقلنى كيف عشان نسوي مقارنه بينهم اناعندي بطاقه تامين تدخلني الالماني وسليمان فقيه واغلب المستشفيات الي بجده