تجمع اللي بيولدون في شهر ذو الحجه

[اجوان]

طيب ام عبدالله ايش حتسمي والله دوش راسي موضوع الاسم زوجي ذوقو مره صعب ولازم الاسم يعجب كل العيله !!

[سبحانك ربي ما اعظمك]

كتبت مشاركه ومادري وين طارت
المهم بنات عندي سؤال ضروري بشهر التاسع
كل اسبوع مراجعه ولالا
لان اخر مره رحت بنص الثامن واعطاني ورقة اشعه وقال تعالي بعد اسبوع
والحين دخلت التاسع توي
بس باقي مارحت مراجعتي
فقلت مره وحده اخلي مراجعتي لبعد العيد
مو احسن منها اكون مشيت بتاسع 2 اسبوع
واستفيد من الاشعه برضو وش رايكم ذكيه صح خخخخخخخخ
لان كل مااروح يقيسو نبض والضغط
وحده طيب وش تبين بعد ههههههه
ادري اطولها وهي قصيره وسلامتكم

[ام عبدالله 86]

والله يااجوان الى الان مااعرف انا يئست منو خلاص كل مااقولو على اسم يقولي موحلو
..وفي كل مره ازعل ..وعلى ايش ربنا مسميها من قبل ..ولما تجي حتتسمى من ربنا ..
لكن يمكن رغد .....يمكن
وجه الطفوله ...روحي احسن كل اسبوع ودا المفروض

[أم ســـــامر...]

صباح الخير
اخباركم وكيف النفسيات؟؟

حلا جدة..
مبرووووك ياقلبي وربي يحفظ لك ابنك وعقباااااالنا يارب..

[اجوان]

وجه الطفوله,,
روحي عالاقل دوبك دخلتي التاسع روحي موعدك ,,انا مثلك احس المواعيد مالها داعي خصوصا انو كل شي سليم بس زوجي مره عندو لازم اروح ولا لو عليا مااروح الا لمن احس بولاده..

ام عبدالله,,
من جد مايعجبهم ولا اسم انا زوجي كمان تعبت معاه مافي ولا اسم يعجبو بعدين فجاه يجيب اسامي غبيه احسو يستهبل عليا ..


ام سامر,,
هلا والله كيفك زمان عنك..

[أم ســـــامر...]

هلا بيك اجوان
انا الحمدلله منيحه بس الالم ياااااااااي ودي يزيد كمان
حجز لي زوجي موعد اليوم بروح اطمن ينزل مني شيء
شفاف وفيه لزوجه من امس الصباح مدري وشو دا والم بالبطن والظهر
ودي اروح وتقول مفتوح لو نص سانتي>>تفرحني بس

[اجوان]

ام سامر يارب يسهل عليك وتكون ولاده وتبشرينا ..

انا امس باليل كلو فيني الم ببطني وظهري بس بعدين حسيت انو من المكيف ههههههههههههه
والدكتور يقولي مو مفتوح ولا ربع سانتي ههههههههه

[أم ســـــامر...]

الله يسمع منك اجوان
والله مرررا خايفه اروح واتحطم طفشت انتظر الالم يقوا>>لاحقه عليه هههههه
وكمان كان نازل مرا وطلع فوق شكله غلطان يبي يطلع من فوق..
سويت الاسبوع الي راح تخطيط قالت مافي طلق الحين ماادري شو بتعمل
ربك يعينناااااااااا

[اجوان]

دحين انا عملوا لي تخطيط بس لقلب البيبي وكمان الاسبوع الجاي راح اعمل مثلو ثاني ,,ايش فايدتو ؟؟؟؟

[سبحانك ربي ما اعظمك]

على سيرة الاسماء
والله انا محتاره اكثر من زوجي
كل مايجيب اسم اقول حلو وبعدها اغير رايي
والمشكله ولد وبكر يعني لازم اسم له هيبه وحلو بنفس الوقت
لانا بنتكنى بذا الاسم