تجمع اللي بيولدون في شهر ذو الحجه

طفلة الورد · 10-22-2011, 06:19 PM

حبيبة موني ع قولك خليها ع ربنا احسن

يالله بررب بروح اتقهوى يمكن اتنشط شوي

Dado · 10-22-2011, 06:34 PM

حبيبة موني انا كويسه والنونو صح اسمو ايمن لسا ماوصلتي مرحلة التخريف لوووول

ايمون كويس الحمدلله وصار ياخد 5 رضاعات باليوم.. ولازم يوصل ل8 باليوم ويستغني نهائيا عن انبوب التغذيه اللي حاشرينو بخشمو ياحرام... حبيبي طفشهم هما يحطوه وهو يسحبو بيدو ويطلعو برا... قوي ولدي ماشالله لووول

اجوان انا رحت المستشفى وانا مو مجهزه شنطه خير شر... لا توترو نفسكم على اي شي ترا مرررره الموضوع سهاله.. ازا مررررره يعني انحكرتي ونقص شي الله يخلي ابو الشباب يرجع البيت ويجيبو

انا زوجي مسكين اتمرمط والله

اما الخياااطه ياحلاوه .. صح مابنكر انها اول اسبوع تألم الم مو طبيعي بس بعدين خلااااص زي الحلاوه

ونصيحه ابعدو عن الخرابيط والله هيا اللي تدمر
انا ماستخدمت ولاااااشي من الاعشاب وحتى كريم قالتلي الدكتوره مافي داعي بس اهم شي تغسلي بمويه دافيه وتتنشفي مزبووووووووووط

وبالبدايه عطوني بخاخ رغوه وكمادات تلج حقت اول اسبوع عشان تسكن الالم
بعد كدا ماحتجت لا مره ولا صبره ولا حكي فاضي

امي تتصل تبهدلني عشان كنت رافضه اخد شي .. بس الحمدلله كلو تمام

هونوها وتهون حبايبي

صح ايمون احتمال يطلع قريب عشان قالولنا لازم نجيب الكار سيت يعني قرب يطلع الحمدلله

ربي يسهلكم ويطمنكم ويريح بالكم ياااااارب

آفيض آحسآس · 10-22-2011, 06:56 PM

حبيبة موني :
فديت قلبك مآآعرف بآلميلآدي آعرف بالهجري 30 / 12

دآدو :
بآلعكس لآزم تجهز الشنطه مو مسسألة توتر بس هذآ شي ضروري تغسلهآ وتنظفهآ وتعطرهآ عشآن
بعدين البيبي مَ يتحسس من العطر ..
تخيلي تجيك الولاده وآنتي مو مرتبه شنطتك وآلله زوجك أوب عرف وش يحط وش يخلي وآنتي بتكونين
أوب في حآله أبد ..
عآدي ترتبهآ وتجهزهآ ومآرآح تضر ..

مشآعل :
حبي أنآ أكل الرطب احسه صحي ومآيجيب سكر ترى مدري احسآس بس
.........
وبآلنسبه للسكر انا موعدي الاسبوع اللي رآح السآعه 8 الليل وهبلتني الدكتوره لمآ حللتني دم قآلت من أمتى متغديه
انا هنآ طآح قلبي ببطني قلت السآعه وحده وأنآ خآنقتني العبره ، قآلت أكلتي شي بعد الغدآ قلت لآ من الخوف وآنآ
قبل مآآطلع للمستشفى ، شآربه شآهي حآلي ومآكله بسكوت وكذآ بس من الروعه نسيت اقولهآ
قآلت : السكر عندك 130 والطبيعي مآيتعدى 140 قلت : طيب كويس قآلت كويس بس انتبهي لنفسك

بعدين تذكرت اني كنت شاربه شاهي وفآلتهآ :)

عسله · 10-22-2011, 07:01 PM

اجوان
والله حكاية الخجل والزحمه لازم منها بس الكشف فيكي فيكي مافي فكه ههههههههه فانتي ارفعي الرايه البيضا واستسلمي ع قولت زوجي غمضي عنونك وسوي نفسك مو شايفه ومو حاسه بشي هههههههه

الصمت عشقي
هيا عشان تبغا تشوف الراس

ام السعد
والله ادا ع رجالنا انا لحد الان انحرج حبتين منه ههههههههههههه
اوما دكتور وي وي ماااقدرررررررر

قلبي مدينه

اطمني قلبو كويس وتمام التمام السكر عندك
<< سرت خبره فيه هههههههههههههه
كليجه اشوفها في المنتدى بس مدري لي ماتجي هنا
فيونكه مو ادكر انها قالت بتسافر حاجه زي كدا
انمار وساره مدري الله يكون بعونهم

وحكاية حركه البيبي صح طبيعي تقل لان المكان ضيق عليه بس اهم شي ماتقل عن عشر حركات

/

انا من كتر مااشرب موية زمزم املاح زادت عندي دحينا خلااااص وقفت منها

Dado · 10-22-2011, 07:12 PM

افيض احساس مزبوط كلامك الشنطه لازم منها بس انا ماجهزتها لاني ولدت بدري بالسابع وماكنت عامله حسابها

بس اللي بقصدو انو الوحده لا توتر نفسها ولا شي وكل وحده احتياجتها شوي تختلف
عني انا ماقدرت البس بيجاما كانت تتعبني لما اروح الحمام الله يكرمكم لسا حشلح وحرفع مررره صراحه متعبه مع الم الغرز والم الجسم ماحيكون فيكي حيل
بس صاحبتي حبت البيجاما اكتر

انا كل اللي احتجتو قميصين .. ملابس داخليه من المستشفى عطوني كومة اندرو وير عجيب شكلو مره اهبل زي الشبك بس مرررره كان مريح

اصلا كانو مجهزينلي شنطه عند غرفتي فيها الاندرويرات والكمادات والفوط والمعجون والفرشه وكل دي الحوسه
وملابس نونتي ماجبت سي لانو حبيبي بالحضانه وماكان يلبس حاجه

جهزو الاساسيات اهم شي

غلا الرووح · 10-22-2011, 07:59 PM

واخيرا يعني زبط الخط

مشكوورة قلبي مدينه

انا غسلت الملابس ولا لي خلق اكويها

بروح لاهلي اليوم وناااسه*

آفيض آحسآس · 10-22-2011, 08:00 PM

دآدو :
آهآ انتي وآلده بآلسآبع !
وش درآني عبآلي ولآده بآلتآسع ومستعده ، آلحمدلله على سلآمتك فديتك ، حلو قلتي لنآ عن البجآمآ
لآني حآطه بجآمآ اجل اشيلهآ وآحط قميص او روب خفيف ...

يآآلله آلله يسهل علينآ ونولد بسهآله :)

Dado · 10-22-2011, 08:05 PM

الله يسلمك يارررب

عقبالك حبيبتي وكل الحوامل

ربي يسهلكم انشالله ماتشيلو هم ترا والله سهااااله
عالافل بين اهلكم
انا بغررررربه وكانت سهله بس تعب نفسي جاني عشان ولدي مو عندي
بس والباقي كلو تمام

قلبيــ مدينهــ · 10-22-2011, 08:06 PM

مشاعل ...ألف شكر لكي ع التوضيح ...الله يسعدك ويحققلك امانيكي!!!

قلبيــ مدينهــ · 10-22-2011, 08:07 PM

عسله ....تصدقي اليوم الدكتوره حددت لي الموعد 7/12 كل مره موعد....

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجمع الحوامل اللاتي سيلدن بشهر رجب 1432	يالبيه ياانا	إستفسارات مرحلة الولادة	13690	07-03-2011 03:39 AM
تجمع الحوامل اللاتي سيلدن بشهر محرم 1432	عاشقة الجنه	إستفسارات مرحلة الولادة	4013	01-09-2011 10:02 PM
تجمع الحوامل الاتي سيلدن في ذو الحجة	بيوني	إستفسارات مرحلة الولادة	3806	01-09-2011 10:00 PM
تجمع الحوامل الاتي سيلدن شهر 5 (صحبه طيبه )	مرمر احمد	إستفسارات حوامل من الشهر السابع إلى الشهر التاسع	1	11-29-2009 02:27 AM