دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

[أميرة الوجود]

فليك والله لك وحشة يا قمر. والله التجمع بدونك مو حلو

حبي من جد الأيام طويلة وتتمطط كمان الله يعيننا

فراشة ان شاء الله احد يفيدك يا عسل


نسيم آه ياقلبي والله أوجعتي قلبي .ياربي رحمتك. انا سمعت من البنات ان المستشفى كويس. غريبة كيف كذا يتركوكي من غير مراقبة او انتباه. على قولك والله هي تساهيل من رب العالمين واللي مكتوب علينا لا هروب منه. أسأل الله أن يكتب لي ولكل الحوامل الأفضل

وأسأل الله أن يعوضك الخير يا قلبي على عانيتيه .بس انا جا في بالي سؤال .ليش رحمك طلع? يعني انا اعرف ان الرحم يتأثر من قوة الدفع ساعات طويلة. طيب انتي ما دفعتي غير مرة وحدة وطلعت بنوتتك الحمد لله. طيب أجل وش اللي صار. يارب ارحم ضعفنا .فعلا ربي كتب لك ولادة ميسرة لكن هم صعبوها عليك حسبي الله ونعم الوكيل.طهور ان شاء الله انهاأجر وعافية لك وتخفيف للذنوب .


الخياطة المفروض تسويلك اللي طلبتيه لانك رايحة خاص. المستشفى الحكومي هم بس اللي يسووا لك الخياطة على حسب الاحتياج. أما الخاصانتي دافعة لهم فلوس عشان يسووا لك اللي في راسهم .مستحيل.وبعدين وش فيها الدكتورة مغصوبة يعني? *انتي اذا رحتي المراجعة عندهم اتفاهمي معاها .وقوليلها تعيد لك الخياطة. لانه الوحدة لازم تسوي التجميلي بعد ثالث ولادة. احس خلاص المكان ماعاد يجمل بعدها.

عموما ياقلبي ان شاءالله ربي يعوضك بغفران الذنوب .ويفرحك ببر بنتك لك ويفرحك بيها .والله يانسيم. انا في ولادتي في ولدي ماتعسرت الحمد لله .بس في ولادتي في بنتي والله شفت الموت ألف مرة .وصرت خلاص أدعي ربي من كل قلبي اني اموووت. اقسم بالله ثلاث ساعات الطلق الصناعي شغال وموقادرة حتى آخذ نفس مافي فاصل بين الطلقات والله العظيم ما أعطوني كمامة ولا هم يحزنون ثلاث ساعات يقولولي دفي دفي وانا ادف مو راضية البنت تنزل ناشبة صرت اطير من السرير من قوة الطلق واضرب براسي واصرخ صراخ تقولي اش ذا الصوت اصلا مو صوتي اعوذ بالله لا وابشرك انا ياليت ماكان احد عندي الا على راسي عشرة انفار ثلاث دكتورات وممرضتين وخمس طالبات امتياز انفضحت قدامهم بطريقة الله لا يكتبها على احد ثاني يارب . وخلاص جابوا دكتور القيصري وبيدخلوني على غرفة العمليات. إلا بنتي حبيب تنزل وحتى ما نزلت تتزحلق لأ تنزل. شوي شوي والله اقعد ادفع ادفع وهي تنزل بصعوووووبة .ياربي رحمتك ،بس لو تشوفي بنتي ذلحين حبيبتي الله يحفظها مرة حنونة وتحبني عكس اخوها حبيبي الله يحفظه ويخليه يحب أبوه.
وفعلا بعد ما ولدت جاتني حالة ما ادري ايش اقولك. لا وما كان فيه مساعدة من احد بس خليها على الله هذا قضاء الله فمن رضي فله الرضى ومن سخط فله السخط. معليش حبيبتي احتسبي كل ما واجهتيه عند الله مايضيع عنده شئ وا نا ذلحين حاسة فيك والله .لكن سلامتك ألف سلامة. وطمنينا عليك اذا رحتي موعدك

["نسيم"]

بنت الشريف
حبي
الله يسلمكم من كل شر حبايبي ويطلعكم بالسلامة
وتكاليف الولاده حوالي 4500 ريال

["نسيم"]

اميره هلا حبيبتي
نزول الرحم انا زيك مدري اش الحكاية تعرفين عندنا دكاتره مايفهموك شي بس يشتغلوا على الصامت شوفي الغرب كيف يفهموا المريض كل مايتعلق بمرضه...
لكن اظن سببه تكرار الولادات هذي رابع ولاده لي او ضعف في العضلات السفلى وانا سبق وجاني نزيف على بنتي الاولى بس اخف من هذا اما الاولاد ماجاني عليهم الحمدلله
اما الخياطة فعلا زعلت عليها لاني كنت متعشمة يخيطوني ويضيقوني مره وفرحانه بكذا اجل اش نبغى في الخاص كان رحنا حكومي
بس بروح اكلمهم في المراجعة واشوف
آه ياقلبي عليك يااميره في بنتك الله ياجرك ثلاث ساعات دف والله صعبة بس ماعرفتي سبب عدم خروجها وليه ماشفطوها وريحوك فين ذي المستشفى؟
اما اطفالنا والله لاشفناهم نقول قليييييل كل اللي حصل لنا عشان عنونهم الحلوه ان شاء الله اموت بس هي تخرج سليمه وبخير الله لايحرمنا برهم واجر حملهم ولادتهم وتربيتهم ويجزي امهاتنا عنا بالجنة يارب
والله راضين بقضاء الله وقدره وان شاء الله تخفيف من ذنوبنا العظيمة
والوحده تسأل الله التوفيق لو هي بتولد في اصغر مستوصف جنب البيت
والحمدلله
ومشكوره اختي اميره على اهتمامك ودعواتك والله يسهل عليك ولادتك ويسخر لك الطيبين من عباده ويحنن قلب اهلك وامك عليك يارب

[أميرة الوجود]

والله ماأدري يانسيم ليش البنت نشبت كانوا الدكتورات يسألوني مامشيتي ? وانا طول التاسع وانا امشي واتحرك .وجهاز الشفط ماكان متوفر عندهم .هاذي مستشفى في ينبع .مستشفى الهيئة الملكية. حكومي .هم كويسين بس ما يحطوا همتهم إلا للبكرية اما الطفل الثاني وانتي طالعة والله مافي اهتمام وانا ما تلموا حواليني عشرة أنفار إلا بعد ماصرت حالة متعسرة. وكل المستشفى سمعوا صوتي. اقولك شئ يضحك ترى مرة صوتي ناعم ومرة نعومة حتى زوجي يقول اول شئ ذكروه اهلي فيك انك انوثة ودلع مو طبيعي .هههههاحمد الله انه ذاك اليوم ماسمع صوتي .كان حسب اني آدمية ثانية ههههههه*

آمين ياقلبي الله يسمع منك. ومشكورة.

[رائعة الكون]

السلام عليكم..
كيفكم يآبنآت مككه :) حبيت اسآل عن آلدكتور(آمل فآروق) آحد ولد من قبل عندهآ..وشرآإيكم فيهآ....والله يقومكم بآآإآلسلآمممه...

[رائعة الكون]

آلسسسسلآم علييييييكمـ ..بصرآإآإآحــه مبسسسسوطه من هآ التجمممع عجبتني آلفككره وآنشآءالله نستفيد من بعضنآ..أنا أول مره أدخخل بس شكل التجمممع جونان :) تقبلوا مروووري ......

[حبي]

هلا اختي رائعة الكون نورتي التجمع
وبصراحة يابنات الولادة تسااااااااااااهيل من الله
وكل تعب نتعبو ربي ان شاءالله مايضيع اجرنا
وتكون كفارة لذنوبنا اهم شيء صحة البيبي وصحتنا
والله يسخرلنا الدكاترة الطيبين

[4يو]

الف سلامة نسيم هذي السنة الولادت كلها متعبة مدري وش القصة انا مثلك نزل ارحم معايا بس قبل اولد نزل الرحم قبل البيبي صاحت الدكتورة وقالت وقفي لادفين ودخلت يدها مرتين وبعدين قالت دفي تخيلي بس نقول الهم لك الحمد والشكر على قضائك

[4يو]

هلا فيكي رائعة الكون بينا

[allmaza]

سلام بنات انا من الجزائر دخلت لعندكم عندي سؤال على تمرة تشبه الكيوي جابتهالي بنت خالي من العمرة و ما عطتني اسمها و انا حبيت تقولي شو اسمها و شو مفعولها
قاتلي تكسريها تلقاي داخلها بودرة تشربيها مع الحليب ايام الدورة