الله يعطيكم لين يرضيكم ردوا علي تكفووووون (ابر الكلكسان )

[@@الجوووري@@]

السلام عليكم

بنات , كروشات
انا اراجع عند دكتور محمد محمد خليل بقوى الامن وعند دكتوره بمستوصف اهلي

تكفووووون ردوا علي من قد استخدمت ابر الكلكسان لسيوله الدم عشان وزنها فوق 90 كيلو << هاذا اللي قاله الدكتور يقول لو وزنك 90 مااعطيك ابر وعطانياها لمده شهرين الي ان ادخل اول يوم بالتاسع ثم بيولدني قيصري

طيب على اي اساس اعطاني وهو مايدري انا ابولد قيصري والا طبيعي ولما راجعت الدكتوره قالت هو احتياطا لمنع تجلط الدم بس انتي وزنك مازاد مع الحمل

المصيبه ان الابر تجيب هشاشه عظااااام والدليل انه عطاني الكالسيوم اكله مرتين يوميا والكالسيوم يقوي عظام الراس حقت البيبي فعشان كذا يبي يولدني قيصري

وقالي احتمال يجيك تسمم حمل وانا ولله الحمد ماظهرت علي اعراضه او يجيك تجلطات بالمشيمه او لاقدر الله تولدينه ميت الله لايقوله


وحتى لما قلت له عطني اسبرين بداله قال الاسبرين ماينفع ؟؟؟ مدري وش قصده والدكتوره تقول انا لو ابعطيك اسبرين عطيتك ببدايه حملك مو الحين لاني بالاشهر الاخيره


سؤالي متى استخدمتوا ابر الكلكسان باي شهر ؟
وهل انتوا بكريات يوم استخدمتوه والا قد اجهضتوا؟
وهل استخدمتو معه اسبرين ؟
وهل اوزانكم لها علاقه بالابر ؟؟
اللي عندها اي معلومات عن ابرالكلكسان تكفووووووووون لاتبخل علي تراني بجد بحااااجه لاي معلومه ولاتقولون راجعي الدكتور لانه من سابع المستحيلات تعرفون مواعيد الحكومي




للمعلوميه يوم حللت عند الدكتوره قالت فيك فقر دم حاد وشويه التهاب بالبول لما حللت عند الدكتور قال فيك سكر مرتفع ومافيك التهاب

[أم لمآر]

لاحول ولاقوة الله بالله ..

الله يسهل عليك ..

والله مو عآرفه أيش أرد عليك ..

مآأعتقد الأبره لهآ علآقه بالوزن ..

أختي بحملهآ وصل وزنهآ فوق التسعيـــن ومآأعطوهآ هالأبرآ وولدت قيصري لأن المويه قلت والحوض صغيركآنت تآخذ الاسبرين بس ..

أعذريني كلآمي متلخبطه بس مآأدري ليش أعطوك هالأبر مستغربه ..

الله يقومك بالسلامه ..

البنات يفيدوك أكثر ..

[@@الجوووري@@]

الله يسعدك على مرورك

[|| أم عزوز ||]

عملت بحث بالنت عن هذا الموضوع وجمعت لك كم معلومة
انو تاخذينها مو عشان زيادة الوزن اذا كان عندك حالات اجهاض سابقة
واذا عندك تجلط بالدم كمان يعطوك اياها عشان يوصل الدم للجنين

اما بالوزن اختي ماشاء الله فوق التسعين ماتاخذها ابدا وكثير وزنهم كبير ماياخذونها

وكمان شفت كم حالة بالنت من الي يستخدموها قالو انهم ولدوا طبيعي طبعا اذا ماصار لاسمح الله مشاكل الي تستدعي ولادة قيصرية مثل يكون الجنين راسه فوق او تنقص الموية ومن هالكلام

بعدين اذا هو مفكر يعمل لك عملية ليش يعطيك لأنو العملية ينزل دم كثير وقت العملية ولازم الدم مايستمر بالنزول
صراحة غريب امر الدكتور

شوفي اذا انتي ماعندك حالات اجهاض سابقا لاتستعجلي بموضوع الابر
وثاني شي اذا رحتي مراجعة للدكتور لاتسكتي وتسمعي
اسألي كللللللللللل شي يدور براسك ترا الي في بطنك ابنك ومو بسهولة الوحدة تحمل
والدكتور ماراح يحس فيك لانو مو حرمة مثلنا

مو شرط اذا كان دكتور خلاص كلامو يمشي وبيكون صحيح دائما

اسفه طولت عليك والله يحفظ لك جنينك ويرزقك بالولادة الطبيعية الميسرة

[نبع المحبة]

الله يسهل عليج الحمل والولادة يارب

[Baby doll]

ماعندي اي فكرة عنها .. بس على اي اساس الدكتور يقول ممكن يجيكي تجلطات
انا برأيي تروحي تكشفي على حسابك عند استشاري كبير واسألي ولا تسكتي على نفسك ابدا .. المستشفيات الحكومية سيئة للغاية ترى..

الله يتمم لك على خير حبيبتي .. ويقومك بالسلامة ..*

[شمعة أمل]

بصراحه ماعندي اي فكره
بس من رأيي تروح لكذا دكتور ولازم تسألي ليش اخذها وايش الفايده منهااا
وعليك بالدعاء
والله يسهلك ويسهلنااا يارب ولاده طبيعيه

[زهرة البنفسج]

حبيبتي انا اخذتها بحملي لاني كنت اجهض قبل كذا يعني ماينزل الجنين بس مايكتمل نموه لان الدم مايوصل للمشيمه
وجلست 8سنوات ماعندي اطفال طبعا كل شي بإرادة الله اولا واخيرا
ومن اول حملي الاخير اعطتني اياها الدكتوره كل يوم قوتها 2000
وتعلمت اضربها بنفسي تحت الجلد زي ابرة السكر مره بالفخذ ومره في اعلى الذراع
اخذها لين قبل الولاده بيومين
والحمدلله ولدي كويس وولدت طبيعي بس تعبت مررره
لان الدكتوره قالت عمليه بس انا رفضت
بس مااخبي عليك عظامي الحين تعورني بس استخدم كالسيوم
اذا حالتك تستدعيها خذيها وتوكلي على الله
نسيت اقلك كنت استخدم معاها اسبرين 81 كل يوم حبه

[@@الجوووري@@]

اللهم من دخل موضوعي اسعده وارزقه وحقق له مايتمنى يارب العالمين

[@@الجوووري@@]

لا اله الا الله