تجمع النساء اللاواتي سيلدن بشهر *ربيع الأول* 1433

[دلوعة ناصر]

بنااات انا احس كله بثقل في الجهه اليسرى كله احس الجنين جالس بالخاصره اليسرى .
وماحس توحمت بشي يعني ماكرهت شي ولاحبيت شي ..
اي صح بناات متى تبدون بتجهزون للبيبي انا عندي حمااااااس اني اروح للمحلات واجهز ع الراحه ما اضل بعدين اخذ اي شي..
شوي شوي من الحين شوفوا بنات واللي تشتري شي تورينا اياه
تحط صورته هنا
انا خواتي نصحوني اروح سنتر بوينت فيه اشياء حلوه وعجيبه للطفل فقلت بسوي زياره
بس مشكلتي ان قاعده ابني شقتي فهذا اللي شاغلني .. انشالله اذا صورت شقتي حطيت لكم الصور

[استغفر الله العظيم .]

ان شاء الله اني باكمل العلاج
بس العطاس ذبحني والله ما افكر اجهز شي الان احس اني مهمومة مو متطمنة
اليوم وانا ف الحمام جالسة وانتو بكرامة عطست عطسة حسبت البيبي خرج وجاني شد اسفل البطن موت والله احس اني مو مرتاحة خايفة مررررره
يارب رحمتك اشفني يارب وتمم حملي ع خير وقر عيني بشوفة ابني المنتظر وهو في اتم صحة وعافية

[دلوعة ناصر]

استغفر الله حبيبة قلبي والله حاسه فيج ربي يهون عليك ويريحك مما انتي فيه
ويذهب عنك هالعطاس والضر ياارب

[وما توفيقي الا بالله]

ياحياااتي استغفر الله الله يهوون عليك وأنا أختك ويتمم حملك على خير يارب
استودعي جنينك الله يوميا ..
دعواااتي لك ....

دلوعة ناصر أنا مثلك أفكر ابدا تجهيز بس محتارة أبدأ في ايش ..
ودي اكتب لي جدول وامشي عليه ودي اجهز قبل لااثقل مرررة ...

الله يهون علينا وييسر لنا ..

زوجة ماجد طمنيني كيفك اليوم ؟؟

[تحفتي الغاليه]

مرحبا حوامل استغفر الله الله يهون عليك حتى انا اذا عطست احس بطني تذبحني ومغص الله يتمم عليك ان شاء الله
دلوعة ناصر حتى انا افكر ابدى اجهز بس محتاره كثير بتجهيزات النفاس واللون اللي بستخدمه وزي كذا ابغى شي مميز مابغى وردي او ازرق الله يقومنا بسلامه

[عبير 99]

استغفر الله : سلامتك حبيبتي وماتشوفي شر وربنا يتمم حملك
وماتوفيقي :الله يسلم قلبك انا بخير الحمد الله مع الراحة وكثرة الاسترخاء فقدت الالم

دلوعة وتحفتي وكلكم : صراحة مادري احس مستعجلين حيل ع التجهيز
خصوصا مو اكيد جنس الجنين نفس السونار دايم يغلطون
حتى لو متاكدين من جنسة هم بدري
انا بصراحة افكر بالتاسع ان شاء الله اشتري غيارالمستشفى وشي خفيف
واذا طلع بالسلامة اطخ طخ له
يروحون خواتي طبعا لاني بكون نفاااس الله يكتب الخيرة

شرايكم ؟!!

[دلوعة ناصر]

زوجة ماجد اذا انك بكريه حلو انك تجهزين اول مره يعني متعه ان تجهزي مو خواتك احس افضل
وصعبه اصلا بالتاسع تجهزين لانك بتصير ثقيله ويادوب تشيلين روحك علشان تروحين سوق

وما توفيقي تصدقين بديت اشك انك معانا في الشهر الخامس لان ماباقي لنا شي وبندخل السادس وانتي شريطك ما تحرك عالرابع ....شككتك صح !!!
حبيبتي مكانك ومحلك انتي الداخله واحنا الطالعين

[عبير 99]

اهي صحيح متعه
بس والله الحين مررره اتعب لو رحت بس محلين
يمكن لو ارتفع يخف التعب
تصدقين ملابس الدوام خواتي يجيبونها لي
ما صرت اتحمل


وبرضوانا اخاف اشتري ومن غير شي يصير شي في الجنين
من غير شر ياربي

[Alih]

اهلين كروشات كيفكم ان شاء الله بخير
اولا استغفر الله انا حصل لي الشهر الي فات نفسك بس الحمد لله عدئ ع خير الله يحفظك انتي والجنين
ثانيا زوجت ماجد تراء ماراح تسوي شي بالتاسع راح تكوني تعبانة ومو قادرة ع الطلعة
انا مقسمة شغلي علئ الاشهر علشان ما اتعب هاذا الشهر رحت مذركيراشتريت الفرهولات الكاملة والبربتوز والصدريات وبعدها بسبوع رحت سنتر بوينت اشتريت قبوعات وملفات ومفارش
وبالشهرالسادس راح اطلع اشتري لي لبس وبعدها اسبوعين سرير البيبي ومفرش لي
والشهر السابع ابغئ اروح باباز ماماز اشتري بعض التكميلات
الشهر الثامن راح اشتري علاجاتي واجهزهم واغراض التقديم
الشهر التاسع اغراض الصيدلية والشوكلاتة
والله يسهل علينا
ثالثا دلوعة ناصر انا الطفل ظاغط ع الجنب الايمن

[وما توفيقي الا بالله]

دلوووعة ناصر بقووة شككتيني الله يهديك >>>>>جالسة تحسب ...
ياحياتي انت اساسا رفع ضغطي الشريط مايمشي نفس ماأنا عليه لي 10 أيام في الخامس
وموعد ولادتي 21-3 ان شاء الله ...

الله يطمن قلبك زوجة ماجد ويتمم لك ..