تكفون اللي عندها خبره باعراض الحمل وتفسير الاحلام تدخل ساعدووني تكفوون

[رحيق القلوب]

السلام عليكم ورحمة الله وبركاته
كيفكم صبايا اولا انا عضوه جديده بالمنتدى وهذي اول مشاركه لي وحبيت اعرضها بالمنتدى عشان ابغ احد يريحني ويوقف حيرتي
نبدا انا جاتني الدوره خامس يوم بعيد الفطر المبارك اخر اليوم بالليل وطهرت يوم 11 ودورتي مو منتظمه مره تفرق بالايام المهم احس بالشهر هذا الحين بالام بظهري مره ومي مستمره تقطع وترجع وحرقاان انا محتاره شاكه اني حامل بس انا عندي مشكله معليش ع التوضيح بس عشان توصل الصوره وقت الجماع احس ب.... يدق بشي اتوقع انو رحمي بس خفت ويسبب لي مغص بعد الجماع وزوجي كمان يقول احس بشي يدق فيني ويعورني شوي وخفت ودقيت على وحده من صحباتي واسولف لها تقول يمكن رحمك مايل يمكن مقلوب ما اعرف الامور هذي وامي تقول بلا وسوسه ومحتاره بس افكر بالموضوع ذا وفوق هذا الاعراض اللي شرحتها لكم وانا ما استخدم اي مانع وابغ احمل شرايكم بنات المجربات ايش يعني وابغ اروح للدكتوره بس بحكم دوام زوجي مرره مو فاضي يقول الاسبوع الجاي وهكذا ويقول بلا وسوسه مافيكي الا العافيه وما ادري هل هذي اعراض حمل والا التهاب والا شي برحمي محتااره وتحلمت قبل كم يوم اني لابسه فستااان مررره حلووو وملون وجالسه وجنبي اختي لابسه لبس حلو بس مو زي فخامة لبسي وبعدين جات بنت اخوي لابسه فستان مره مو حلو وقديم مع العلم ان اختي متزوجه وحامل وبنت اخوي متزوجه وعندها اولاد تكفوووووون اللي ماتفهم بالاحلام لاتفسر اخاف تفسر شي مو زين ويقع تكفون ساعدوني وش ذي الاعراض هل ممكن حمل والا ايش مع العلم ظهري مرره يعورني وحرقان شدييد وباقي ع دورتي تقريبا 11 او 10 ايام والله يوفق ويسعد اللي ترد علي وتريحني انتظر ردودكم اللي عندها خبره او مرت بذا الشي وهل هو عادي كل الحريم يحسون بذا الشي والا بس انا وعندي مشكله

[دلع الأحساء]

إذا انتي اول مرة تحسين بشي يدق فا يمكن حامل

لان انا لما احمل زوجي يحس بشي زي الي يدق في الرحم واحس بألام واطلع اخر شي حامل


انشاء الله تكوني حامل

اما اذا من زمان فا اتوقع رحمك مايل او مقلوب لان الرحم الي مو ع طبيعته تحسين بألام وقت الجماع ونغزات شديده ياالجهى اليمنى يا اليسرى من البطن
وربما يصل الالم الي الفخوذ

[!راما!]

حتاا انا لما احمل
انا وزوجي نحس ان في شي يدق
واخر شي اكون حاامل
ان شاء لله تكوني حامل
اما الحلم لله اعلم

[رحيق القلوب]

هلا حبايبي يعطيكم العافيه ع الردود الله يسعدكم بس انا ابغ اعرف حالة الرحم انها عادي الوضع يعني كل وحده تحس بذا الاحساس احيانا انا خصوصا بوضع الفارسه احسه مرره يعني تنصحوني اروح للدكتوره والا الموضوع عادي وانا احس فيه من طهرت من الدوره انا قلت يمكن عشان الرحم لسا مارجع مكانه ومن الخرابيط هذي بس لساتها مستمره الحاله والحرقان وظهري ما احسه الا لما احمل ببدايات الحمل لان سبق لي الحمل مرتين مره بولدي الله يخليه لي ويحفظه عمره سنتين وقبل 4 شهور حملت وسقطت من اوول شهر

[نورا الامورة]

يالغلا بالنسبه للحلم ما ادري عنه ...

ثانيا انا كثير اوقات احس زي ماقلتي بشي يدق من جوا ومره كنت احس بالم بسيط من جوا يدق بعدين في اخر الجماع حسيت بضربه قوووويه جوا بالمكان اللي قلتي عليه زي الدق بغيت اموووووووووووت وابكيييييييييييييي احس تشنننننجت مالي قادره انزل رجولي ولا اتحرك وحالتي حاله قعدت اكثر من نص ساعه كذا وزوجي محتار ايش يسوي بعدين يوم رحت الدكتور قال هذا عنق الرحم وانتي في ايام التبويض فيكون حساااااس وسويتو حركه معينه خلته اماااااام العضو مبااااشره ( عفوا عالكلمه) عشان كذا حسيتي زي التشنج ... ولللان احس بهالشي بس مو مؤلم لكن نحسه احنا الاثنين وعادي ما كنت حامل ... انتظري بس يجي موعد الدورة ولاتحتاري ولا تتشككي ... انا الحين فايتتني الدورة 8 ايام وحللت وطلع سلبي لكن الدكتورة قالت يمكن حامل انتظري اسبوع بعد وحللي ... الله يرزقنا جميعا بالذريه الصالحه يارب

[رحيق القلوب]

ااااامين يارب الله يسعدك يانورا الاموره احس طمنتوني من ناحية الرحم بس باقيه شكوكي بالحمل ان شاء الله نطلع حوامل والحمد لله على كل حال يعني الوضع تمام والكل يحسه احس طمنتوني الله يحقق امانيكم يارب وانتظر مشاركات ثانيه عشان نتبادل الخبرات ونستفيد يعني حتى لو اتكرر الاحساس عادي ماافي مشاكل بالرحم ولا ياثر عليه

[rasha_054]

حبيبتي ان شا الله تكوني حامل ويفرح قلبك يارب... وانا هالشهر عندي اعراض الحمل واحس بهذا الالم بس ما استفسرت عنه...والحمد لله طلع كمان من اعراض الحمل ... يااااااارب يكون حمل

[رحيق القلوب]

هلا عيوني rasha_054 الله يرزقني ويرزقك بالحمل السليم المعافى
اسعدني مرورك

[rasha_054]

حبيبتي رحيق ان شا الله تبشرينا بحملك القريب ويتمم عليكي بكل خيييييييييييييييير وكل وحدة تتمنى ..

[رحيق القلوب]

صبايا الحرقان مره مره فضيع ماسكني مايروح مين جربت انو ببداية الحمل قبل الدوره تحسه فضيع والام الظهر زايده باسفل الظهرمرره
يعني اخذ دوا للحرقان ياثر والا لا ؟
بالله مين ماره بحالتي وطلعت حامل او العكس انا بسال عن هذي الاعراض قبل الدوووره تكفون قولو لي علما انو بحملي الاول الحرقان ماسكني طووول فترة حملي هل هذا طبيعي انو الواحد يحس بحرقان يوميا بدون حمل يعني اللي اعرفه انو يكون اكل اكل معين بس انا على طوول معليش ع الشرح الطويل بس ابغ احد مجرب حالتي