تجمع الحوامل الي بيولدون في شهر ذو القعده ^_^

تاج راسي ابوي · 09-09-2011, 01:01 PM

كيفكم كروشات
جمرة غضى النور نورك ياقلبي
متى كانت اخر دوره لكي انا اخر دوره بدايتها 18_1

جمره غضى · 09-09-2011, 01:46 PM

^^

انا اخر دوره 19/ 1

بعدك بيوم *ـــ*

انتي بكرريه ... ؟؟؟

رمش الغلاا · 09-09-2011, 06:39 PM

اهلين كروشات شخباركم
ماما زوز زيييين تعدل الوضع وعقبالي يالرب
اني خلاااص ستمليت من الثقل وبتوكل على ربي وراح ابتدي من اليوم امشي

جمره الله يعينش بالصراحه صعععععععب

الله يسهل علينا يارب

رمش الغلاا · 09-09-2011, 06:41 PM

يبنااااات مستانسه بالتوقيع
بدأ العد التنازلي صار تحت 30
حلوووووووو

عشيري2000 · 09-09-2011, 08:00 PM

بنات فيه طريقه تدليك تسويها الوحده في اخر الثامن على التاسع وهي انها تدلك اسفل الفخذ مع

المنطقه الحساسه انا كنت قاريتها من فتره ب معد لقيتها اللي تلقاها تعطيني ارابط الله يعافيها لان

الطريقه حلوه تساعد على تمدد وارتخاء العضلات وقت الولاده

جامعية · 09-09-2011, 08:51 PM

هلا بنات شخبااركم

والله يا كرووشات مرررة متعبني الاسهال اكرمكم الله الآن لي اسبوعين تقريبا وهو مستمر معي غير ان البواسير التهبت بسببه وصارت متورمة وتوجعني اذا جلست
وآآخ من مغص الاسهال بعد الاكل والبطن مشدود ع الآخر يمكن اروح ذحين للطواري واشوف اش حيصير

جمورة الله يعينك ع الحووسة بس حلوو الموهيم انك نقلتي من شقتك الاولى لاني مثلك متوحمة ع شقتي مووت

زوزو الف مبرووك تعدل راس النونو وعقبال الولادة الميسرة

ام جنى الله يعين والله كلنا نعاني من نفس الشي صعوبة النوم من الثقل وآلام العظام

عشيري قلبو مااعرف والله طريقة التدليك بس الاكيد ان تمارين كيجل تقوي العضلات وتسهل الولادة كثييير

r4m الله يحييك معانا ومتى موعد ولادتك الاكيد عشان اضيفك لقائمتنا ؟

smo · 09-09-2011, 08:58 PM

مرحبا كروشات
كيفكم ؟؟ الله يهون علينا جميعا
انا مثلكم موعدي في ذي القعدة والحين على مشارف التاسع ان شاء الله
بس المشكلة الرأس فوق
ما ادري اذا فيه تمرينات او شيء يعدل الوضع ؟؟
لاني قلقاااااانه حدي

الله يعين ويهون علينا جميعاااااا

والسلام

r4m · 09-09-2011, 11:49 PM

عشيري
ماعرف التدليك هادا وانا بكرية بس اسال اخواتي كتير
هما وصوني علي زيت السمسم قالولي ادهني جسمك كلو بيلو كل يوم قدما تقدري
او زيت الزيتون يخلي عضلاتك مرنه وجسمك مرن حتي بعد ولادتك ماتتعبي كتير

انا كنت اسويه بنص حملي وكنت كويسة بس من السابع تقريبا تركته لاني اقرف من الزيت والنتيجه الان احس عضلاتي تالمني كتير زي الحوامل البقيه واحس بشد في رجولي وانتفاخ وكدا
فلازم ارجعله وقلت اقلكم عليه

جامعيه
والله ياقلبي حسابي حسب موقع بيبي سنتر انو ولادتي في 6 اكتوبر
والدكتورة تقولي 12 القعده والسونار يقولي 10 اكتوبر
بس الدكتورة الي راح اولد عندها بكرة ان شاء الله موعدي بشوف واجي اقلك ^^

سمو
لو دخلتي التاسع المشي يساعد علي نزول الراس والحبي كمان يعني الحبو والسجود
بس لاتسويها الا لمن الدكتورة تقلك طيب ياقلبي؟ لانو لازم تتاكدي انك دخلتي التاسع ووزن الجنين كويس

جمرة
خخخخ دحين تنصحي بعدم النقل؟
ياقلبي الله يجعله مسكن خير عليكم يارب وتتهنو فيلو وتستقبلي طفلك بخير هناك ^^

شوفي ازا باقيلك شي خلي الشركة تكملو لك ارحمي نفسك
والترتيب رتبي مع شغالات واطلبي اخواتك يساعدوكي ولا اي احد ممكن تطلبي منو لاتنسي انتي حامل ياقلبي لاترهقي نفسك لسه وراكي ولاده ونفاس وبيبي واء واء ^^

احبها حب
ازا يتمغط البيبي مع الم زي الم الدورة او حاجه كدا هادي تعديلات الرحم للولادة
وازا بدا يتحجر والم الدورة بدا ويزيد هادا بدايه الطلق
انا ساير يجيني الالم دا من نهايه رمضان للان وكلماله يزيد

فانتي لمن يجيكي لازم تتمددي وترتاحي مرة الين ينتهي دفعه وحده
بس لو بدا الم الطلق انو زي مغص الدورة علي الم في فخدك او ظهرك والطفل يدف او يتحرك كتير او يتحجر
يسير اتحممي بمويا دافيه لو طلق منجد بيزيد وتبدا الولاده لو طلق كداب بيوقف ان شاء الله
او
اتبخري في كمون كامل ... اختي اليوم تقولي جربتها في ولدينها هيا واختي التانيه
يجيبو كمون كامل ويتبخرو بيلو لو طلق بيزيد وتتهسلك الولاده ان شاء الله
لو ماهو طلق ولاده علي طول يوقف ترتاحي ان شاء الله

بنات اختي قالتلي حاجه حلوة مرة
خليلك الفتره هادي مدام قربنا ولاده تمر جاهز دايما
اولما يجي التعب وبدايه الم الطلق حتي لو كان كادب او تعديلات رحم وانتي تحسبي طلق
خديلك كاسه مويا فوريها عالنار وصبيها فوق مجموعه تمر كدا
وخلي التمر يدوب شويا واشربي المويا هادي علي طول تعطيكي قوة وطاقه
سواء ولاده ولا لا .. راح يفيدك ويهون عليكي الالم

خدي زنجبيل بس حار مع كاسه حليب دافيه عشان يسرع الولاده
لاتشربي قرفه ابدا الا بعدما يتفتح الرحم بمسافه كويسة ولا راح يزيد الطلق والرحم مقفل وتتعذبي

خديلك كاسة حليب دافيه وسبع حبات حب البركة مع عسل واشربيها اولما تبدا علامات الطلق الحقيقي

جمعت المعلومات هادي اليوم لانو جاني طلق وبدات اتعب مرة واحس ظهري بينكسر وفخودي مع تحجر الطفل وحركته الزايده اول شي
فعرفت انو هادا طلق مو تعديلات الرحم الي حكوني عنها خصوصا انو تحممت وزاد الالم بعدها
بس لسه الطلق مو منتظم يعني مافي ولاده لكني جمعت معلومات من الان احسن شي

ام جيان · 09-10-2011, 12:16 AM

السلام عليكم
التحجر مره متعبني لدرجة مااقدر اتنفس وصار مصاحب لمغص خفيفف
صرت شايله هم الولااااااااااااده

وكمان خايفه كتييييييييير لان بطني صغيروووووووون
كاني بالخامس الله يفرجها يارب
بس طمنوني هل حجم بطني طبيعي

%ريحانة الدنيا% · 09-10-2011, 01:55 AM

بنات
من جد وكمان أحس النفسيات عندي متقلبه أحيان أكون رايقه ومبسوطه وأحيان بس اتنرفز من اي شي وأعصب على اتفه شي حتى ملابسي اللي علي مو طايقتها
كل شويه بنفسيه غير
الله يريح خواطرنا يارب
ماما زوزو فرحتلك والله الحمد لله
جموووره زي ماقالولك البنات جيبي احد يساعدك ياقلبي
الزم ماعليك صحتك
جامعيه الله يهون عليك ياعسل روحي دكتورتك او كوليلك موز او حاجات توقف لك الاسهال شوي واول ماتطلعي الله يكرمك من الحمام جففي المنطقه عشان البواسير
والله يسهل عليك يارب
ام جيان انتي ماسألتي دكتورتك كم وزن الجنين
لازم تكوني عارفه وزنه عشان تتطمني ياقلبي
بس عموما في حريم كثير مايبان بطنهم كثير خصوصآ لو كانو بكريات

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجمع ......... الحوامل ............ (( البكريات ))	دلوعة فوفو حبيبي	إستفسارات حوامل من الشهر السابع إلى الشهر التاسع	4430	01-02-2012 11:34 AM
تجمع الحوامل اللي بيولدون شهر شوال 1432ه	ميرندا فراولة	إستفسارات مرحلة الولادة	10233	12-31-2011 05:18 AM
تجمع الحوامل	نعومه	إستفسارات حوامل من الشهر السابع إلى الشهر التاسع	312	12-16-2011 10:23 PM
تجمع الكروشات اللي موعد ولادتهم شهر * رمضآآن * 1432	ابغى نونو بحضني	إستفسارات مرحلة الولادة	42975	09-01-2011 06:36 AM
تجمع ......... الحوامل ............ (( البكريات ))	دلوعة فوفو حبيبي	إستفسارات حوامل من الشهر السابع إلى الشهر التاسع	2	10-31-2010 07:38 PM