ماني عارفه اتخذ قرار ياليت تساعدوني الله يوفقكم

[اللهم لك الحمد]

بسم الله الرحمن الرحيم
اللهم صلي وسلم على سيدنا ونبينا محمد وعلى اله وصحبه اجمعين
السلام عليكم ورحمة الله وبركاته

اخواتي راح ادخل في موضوعي على طول وحابه تقترحون علي وش اسوي



انا متزوجه ماصار لي سنه عمري 24
وزوجي متزوج قبلي وحده وعندها 6 اطفال وهي بالرياض وانا في ابها

وطبعا زوجي عمله وارتباطه هنا في ابها

لما تزوجت طبعا دخلت في البيت اللي هي كانت ساكنه فيه
وغيرت اثاثه وسويت تعديلات وتعبت عليه كثيرررر
والحين الشيخه تقول تبي تعيد مع زوجها ابو عيالها طبعا انا انصدمت لان زوجي قال بيجيبها هنا في البيت على قولته مؤقت لحد مايدور لها بيت يسكنها قال لي اذا حابه تروحين عند اهلك تعيدين عندهم روحي اذا ودك شهر نص شهر وبعدين بجيبك ؟؟؟ بس اهلي بمنطقه ثاانيه ؟؟؟؟ويقول انو هذا بيتها قبل مايصير بيتي ؟؟؟؟؟
قلت له في البدايه خلاص انا بروح عند اهلي بس شرط ماتدخلها لبيتي قال لا


بصراحه لو بطلع من بيتي راح اتعب كثير اغرااااضي كثيره وحامل وماني عارفه كيف اتخذ قراااار هل اصدقه واروح عند اهلي او اجلس في بيتي واصر على انها ماااتدخله نهاااائيااا
لان صارت بيننا مشاكل بسبب هالموضوع
انا حلفت له واقسمت انها لو تدخل البيت سواء بحضوري او بغيابي انو يطلقني ...!!

للعلم شرطي الوحيد من المحكمه انو يكون لي بيت شرعي ومااااحد يدخل عندي

زوجته راعية مشاكل وزوجي كان ماخذ وحده قبلي وتطلقت بسببها


الله يستررررررررر


ارجوووكم يابنااات ساااااااااعدوني اطلع بحل واقدر اتخذ قرااااار يوصلني لنتيجه

انتظر ردودكم على احر من الجمرررر

[**سماسم**]

أنتي قلتيها يالغاليه بيتها قبل ..
يأما تخلينه يطلعج بيت بروحج غير هذا البيت ..
أو أنج تروحين لأهلج وأخذي الأغراض إلي أنتي مغيرتها حتى لو تطلبين من أهلج يساعدونج ..

[اللهم لك الحمد]

بس هيا اساسا تقول ماااتبي البيت اللي انا فيه بس بتجلس مؤقت حتى تاثث بيتها الثاني

مشكوره اختي على مرورك
وانتظرر باقي الاراء حتى ماتسرع بقرار واندم

[#عيــ الجوريه ــون#]

ياهلابك يأختي ،،

إقصري الشر مادام زوجته راعيت مشاكل ،،

البيت بيتها وأنتي جيتي وغيرتي فيه كل شي ،،،طيب حطي نفسك مكانها ،،

إذا تبين الرأي ،،خليه يطلعك أنتي في بيت أو شقه وإتركي بيتها لها ،،كل مره بتجي من السفر بتجي في بيتها ،،وأنتي بتطلعين لأهلك ،،

وإذا تعبتي في شيل الأغراض خلي أحد من أهلك يساعدك ،،
وبكذا سواء جات ولا راحت بتجلسين في بيتك أنتي ،،

[امل بعيد]

الله يفرج همك وكربك واصبري وادعي الله والعاقبة لك ان شاء الله وصفي النية وادعي ربك الكريم يعطيك على قدر نيتك الطيبة

[جمره غضى]

طيب عندي لك رأي

غرفه نومك اللي بالبيت قفليها ولاتخلينها تدخلها ابداااااا
والاغراض اللي تخافين عليها .. هدايا صور اي شي ثمين بالنسبه لك خبيه في غرفه نومك

وقولي لزوجك شوووف انا احبك ومستعده اضحي واتنازل عشااانك انت بسسس ركزي على هالكلمه راح تخليك تكبررررين في عينه

وراح ارووح عند اهلي .. وماعندي مانع انها تجي البيت

لكن البيت مثل مارحت منه .. ابغى ارجع فيه .. وهو على خبررري
مو ارجع القااااه بوضع غير اللي تركته عليه
لايتغير شي من مكاااانه .. والفرش والكنبات كلهااااا تفهم زوجتك انها تحااااااافظ عليها وتنتبه من الصغاااار يخربون شي ..

اذا وافقت على شرطي انا ماعندي مشكله اخليها تجي البيت

وفهمي زوووجك باسلوب حلو ان البيت تعبتي عليه ..


( هذا اهم شي انو البيت مايخرب .... ومااااااعليك من الباقي

لان على قولتك راعيه مشااااكل .. انتي كبررري عقلك ولاتخلين الموقف هذا يخلي بينك وبين زوجك زززعل

دامه قال بيجيب لها بيت .. وهي ماراح تجلس الا فترره مؤقته ...
خلاص استغلي الموقف وخلي زووجك ياخذ عنك فكره حلووه


انا هذا رائئ ...... وان شاء الله يعجبك

[رَسـمتڪَ حــِلّـِم ♥]

انا مع سماسم .. بس صح انتي تعبانه بالبيت .. الرأي بيده هو اللي مفروض يحكم عقله ويرضيكم انتم الاثنين ..


فهميه بهدوء انك ما تبغي مشاكل بس ما تبيها تأخذ راحتها ببيتك وكذا .. وإن شاءالله يفهم ان الشغله فيها حساسيه .,


موفقه

[حياتي انا]

انا من رائيي انو البيت سار حقك
ومو من حقها انها تدخله وقولي لزوجك سويلها بيت ثاني
وجيبها اما بيتي ماتدخله ابدا

[زينة الحياة الدنيا]

انا من رائيى ان الموضوع ما يتحل الا بالتفاهم وخصوصا انك حامل فى طفل جاى فى الطريق فحاولى تسمعى كلام زوجك وتتفاهمى معاه

[اللؤلؤة اللامعة]

سبحــــــــــــــــــــان الله