تجمع اللي بيولدون في شهر ذو الحجه

[Dado]

وعليكم السلام ورحمة الله وبركاته .. منورتنا اخت موف

بنات الاسواق لااااااتطاق كل ما انزل الاقي جده كلها برا
زحمه بشكل مو طبيعي .. ارجع ابطل من كل شي وارجع بيتي
ابغا اشتريلي فستان عشان الطياره لانو الرحله 21 ساعه والبنطلون ماحيريحني بس ماااافي امل زحححححححمه
زوجي صحاني الصباح عشان يوديني بس ماقدرت لانو قبل الفطور يكون معايا غثيان مميت

لو تعرفو محل مرتب يبيع فساتين خفيفه وحلوه دلوني عليه بليييييز

[اجوان]

دادو,,
روحي نيو لوك شفت عندهم فساتين قطن مريحه بس انا شفتها من شهرين عاد ماادري للحين موجوده او لا..

[Dado]

انشالله حروح وانشالله الاقي يارب .. مرررره شكرا حبيبتي

[حبيبة موني]

عسله

ماشاء الله صاحب زوووجك مررررة goooood

انا مستنيه اولد عشان اشووف زوجي ايش حيسويلي خخخخخ

ايوا صح اجواان مامتي اشترتلي فستان من نيو لوك لزووووووز

دادو جربي سنتر بوينت في حاجات مريحه عندهم

[ام عبدالله 86]

مساء الخير على الموجودين
هلا موف ...منورة
بنات عندي الم في صدري مع كل نبضة وصوت النبضات عالي وسريعة و ماني قادره انام... طبيعي ولا اروح المستشفى ؟؟

[اجوان]

ام عبدالله,,
اتوقع هذا اقرب شي انو خفقان والخفقان ممكن من اسبابو ارتفاع ضغط الدم او انك يمكن تكثري قهوه,,عموما لو استمر معاكي ومضايقكي روحي احسن لك ,,وقدامك العافيه طمنينا :)

[قلبيــ مدينهــ]

ام عبدالله جاني هذا الألم وانا في الخامس يمكن اجهدتي نفسك انتهي وقللي من اكل المقليات ...والله يشفيكِ!!

[موف]

هلا وغلا بكل اخواتي وشكرا لكل من رحب فيني
والف سلامه عليك يا ام عبد الله

[اجوان]

موف,,
حياكي معانا,,متى ولادتك انشالله :)
وبنوته ولا ولد؟؟

[Dado]

سلامتك حبيبتي ام عبدالله

باركولي واخيرا اشتريت فستان للطياره لوووووووول
رحت على سنتر بوينت ولقيتو بوجهي الحمدلله
اختي كانت بالمول وقلتلها تشوفلي بنيو لوك بس شكلو خلصو للاسف فطرت على سنتر بوينت ولقيتو الحمدلله وطبعا على طريقي اخدت كم شغله للبيبي

ما قدرت امسك نفسي مع اني مقرره اكمل كل شي من امريكا بس ما اقدر انزل السوق وما اجيبلو شي

عندي سؤال في احد مفكر يجيب مشد البطن؟؟ لقيتو بسنتر بوينت بـ72 ريال بس ماعرفت ايش هرجتو لو مهم او لا لاني ماقيد سألت عنو احد

وشي تاني لو تبغو كريم بالمرز اللي بزبده الكاكاو تلاقوه هناك بجميع انواعو
انا كنت اشوفو باماكن تانيه بس يبيعو اللوشن لكن بسنتر بوينت لقيت اللوشن والزبده وكمان لوشن لبعد الولاده عشان يشد جسمك بسرعه وحتى كريم الرضاعه مدري ايش يسوي بصراحه