هنا تجمع حوامل الشهر (الاول والثاني والثالث)

[أم مدى]

شخباركم بنات اسفة لغيبتي
ماتدرون وش ضار لي قبل اسبوع رحت لمستوصف خاص عشان اعمل سونار
وخوفتني الدكتوره اول مرة قالت مو باين شي !!
وخفت انه حمل بدون جنين وقالتلي الدكتورة اشربي ماء وتعالي بعد نصف ساعه
وبعد نص ساعه قالتلي في كيس كبير جنب الجنين وحجمه كبير وقالتلي احتمال يكون كيس ماء او كيس لحمي قلتلها طيب البيبي زين؟
قالت البيبي مافي شي سليم وسمعتني النبض
من ركبت السيارة مع زوجي وانا صياح وبكي وحالتي حاله خفت انه بقايا من عواري الاول
ولي اربع ايام وانا على هالحاله
واخر شي زوجي قال مايصير كذا تعذبين نفسك خلينا نروح للمستشفى الحكومي ونشوف شيقولون؟
اول مرة رفضت خفت يخرعوني وبعدين تشجعت ورحت معاه
دخلت على الدكتورة وقلتلها عن وضعي ووريتها السونار
سوتلي سونار وماكان فيه لاكيس ولاشي والبيبي سليم وفيه نبض
قلتلها يادكتورة انتي متأكده قالت ايه وورتني شاشة السونار وتطمنت
قلتلها طيب يادكتورة ايش الكيس اللي كان موجود بسونار المستوصف الخاص
قالتلي هذا من شرب المويه

ياربي لك الف حمد

وابارك لكل الحوامل الجدد اللي انضموا لنا

[تناآآهيد العتب]

اهلين ام مدى كيفك
والله لك وحشه
وسلامات ماتشوفي شر
والله كثير يخوفوني من المستوصفات الخاصه وانا اراجع بس بالخاص
وش اسوي ؟؟!!
لكن الحمد لله تطمنتي وحتى ياام مدى لو صار اي شئ لاتخافين لان الله يريد لك الخير
واسال الله ان يتتمم حملنا بخير

[فليك]

الغـلا
والله ما اعرف لان تصوير عن تصوير يختلف و الكلمه اللي كتبتيها مو موجوده عندي

أم مدى
اهلين بالغاليه - منوره والله
سلااامتك و ما تشوفي شر يااارب - انتي بس توكلي على الله و استودعي جنينك
و الحمدلله ان طلع مافي شي


تناآآهيد العتب
شلونك غلاي - نورتي والله

[يكفي يازمن]

هلا بنات شخباركم مثل ماقلولي يا ام مدى والله خفت حيل الحكومه احسن

[فليك]

يكفي يازمن
اهلين فيكي - الحمدلله تمام بشوفتك

شلونك انتي ؟

[أم مدى]

هلا باختي فلك الله يسلمك يالغلا

يكفي يازمن هلابك اختي والف مبروك انضمامك معنا
والله انك صادقه الخاص ماعندهم مصداقيه كل همهم الربح المادي
بحملي الاول كل مراجعاتي كانت عند الخاص وبالاخير فقدت جنيني بالخامس

الله يثبت حملي وحملك وحمل الجميع وبفرحنا بشوفة اجنتنا ان شاءالله

[يكفي يازمن]

الحمد الله بخير

[فليك]

يستاااهل الحمد
يخليكم ربي

[أم مدى]

الله يسلمك حبيبتي تناهيد
ماتفقدين غالي ان شاءالله
والله يوفقك يارب

[الغـلا]

فليك مشكوره يالغلا



ام مدى ماتشوفين شر
وان شاء الله تشوفين البيبي بيدينج ياربـ 

تحياتي