هنا تجمع حوامل الشهر (السابع والثامن والتاسع)

[أم ح ــنونـہ]

هلا مرهفه
اخيرا نضميتي لنا ^^
تو مانور التجمع يا قلبي
اه انا كمان مثلك بالضبط الله يعين

[أم ح ــنونـہ]

انا رحت اليوم للمستشفى
عشان اعمل التحاليل
قالوا لازم تكوني صايمه 4 ساعات
وانا الحمد لله كنت دوبي صاحيه من النوم هههه
واعطوني شراب زي الميراندا
وقالوا لي اشربه كله وبعد ساعه نسحب منك دم
وسحبوا مني دم كتييييير
عشان كانوا اربع تحاليل منفصله
بس الحمد لله ما جاتني دوخه ^^
والممرضه زي العسل كانت معايا
الصراحه كلهم ممتازيين في التعامل
الحمد لله

[أم ح ــنونـہ]

المهم بكره التحاليل راح يعطوها للدكتوره اللي تتابع معايا
وقالوا خلاص من دحين تقدروا تروحوا للدكتوره وتتابعوا عادي معاها
بس زوجي ماراح يقدر يوديني بكره
لانه اخذ اجازتين ورا بعض
وقلي ممكن يوم السبت
والله يسهل

[ام مراوي]

حيالله البنات الجدد الله يسهل على الجميع ان شاء الله

[أم راما ~]

قمة ..

الله يعافيك أختي وجزاك الله خير على دعوتك الحلوة .. الله يعينك ويسهلك يارب ..

[أم راما ~]

سوسو .. ان شاء الله ربي يسهل لك امورك ويتمم لك على خير


أنا كمان رحت لدكتورتي اليوم وطلع عندي صديد في البول وعطتني مضاد وفوار وقالت اشربي

سوائل .. مع اني والله اشرب لين اقول بس .. :(

[أم ح ــنونـہ]

ام راما
تسلمي ياقلبي
والله يشفيك ان شاء الله

[مرهفة الإحساس]

مشكورة يا بنات على الترحيب انا الحموضة والقولون جننوني ما اعرف انام ولا اكل ولا شي
مشكورة حبيبتي ام راما والله اشتقت لك كتير انا بنوتي همس بخير والحمدلله بس حركتها موب وايد يالا عادي انا اقول يمكن تكون بنوتة هادية متلي
الله ييسر لك سوسو حبيبتي وطمنينا عنك لما الدكتورة تشوف التحاليل

[أم ح ــنونـہ]

ان شاء الله يا مرهفه
بس زوجي راح يوديني يوم السبت
لأن عنده شغل :(

[قمه]

مرحب راما.. الله يعطيكي العافيه ويبعد عنك اشر,, سوسه الله يوفقك ويعطيكي كل ماتتمنين ..ام مراوي يهلا بيك انتي وضيوف الي معك ..مرهفه الاحساس حت انا الحموضه مجننتني بس ادكتوره عطتني حبوب والحمدالله راحت واالله يبعد عنك اشر ويسهلك.