دردشة حوامل أهل الرياض - دردشة بنات الرياض - تجمع حوامل الرياض

ام ركوني · 06-02-2011, 05:05 PM

راجيتن الله ياقلبي انتي معليش توني اشوف ردك يالغلا

وانا ارجع بمستوصف واذا حسيت بشي رحت للمستشفى ...

بنات بسألكم اللي عندها خبره

الحين مدينة الملك فهد الطبيه الولاده فيها بفلوس ولا مجاني سمعت انه لازم واسطه صحيح ...

ام جنى2009 · 06-02-2011, 06:47 PM

كيفكم حلوات وشو اخباركم
ام ركوني مابعرف والله
ام الاسمر الله يخليكي يارب والقلوب عند بعضها

الدلووعه · 06-02-2011, 07:04 PM

ام الاسمر الله يسعد لي قلبك
والله يباارك فيك عقباال ماخلص الثامن واتدخل التااسع
والتجهيز مدري ليه احس بخموول !! بس اني جالسه ارتب واكتب الاشياء الي باخذها
وحددت الاماكن الي بروح لهاا
قلت بروح غرناطه اخذ من واحة الجلابيه جلابيه وقميص استقبال اظن بيكفيني اثنين
وباخذ للنونو الله يقر عيوني بشوفته من محلات الاطفال الي هناك مثل نكس ومذر كير وباخذ منهم سرير وواكايدي واذكر الدور الثاني كله اطفال بمر عليها كلهاا
وبعدين بروح الرياض غاليري بدخل سنتر بوينت الي عندهم وستي ماكس وباخذ لي بجامتين
وباخذ ملابس للنونو
واخر شيء بمر رويال مول بشوف قمصان الرضاعه ومحل العيسائي للاطفال وبشيكي على السراير للنونو وبشوف لي مفرش للسرير,,
بس من وين باخذ الشنطه حقت النونو ؟؟دلووني ابغهاا غاليه وعليهاا الكلام لاني بزور فيهاا بكون بقبالة عيد الاضحى
وباخر شيء باخذ اغراض الصيدليه والعطار
كذا تمام والا ناااقص شيء ياابنات ؟؟

أم ركووني اظن بلاش بس مدري عن الواسطه ,,
راجيتن الله الله يسعدك على تواجدك ’’
والكل مشكوورين بدون استثناااء

ام جنى2009 · 06-02-2011, 09:18 PM

ماشا الله عليكي مرتبة كل امورك يادلوعة

foofoo · 06-03-2011, 01:24 AM

مرحبااااا بنات كيفكم ؟؟

اشتقتلكم وحده وحده ان شاء الله انكم بخير ..

ام ركوني والله ماعندي فكره عن المدينه الطبيه بس اللي اعرفه انها بلاش ومدري والله عن الواسطه بس هاليومين كل شي صار بالواسطه ...

ماشاء الله الدلوعه وينك عني من زمان لما خلصت كتبتي جدولك الله يقر عينك بشوفت النونو ياربي ويسهل عليك وعلى كل حامل ياربي وتوقع ان جدولك كامل ان شاء الله البنات يردو عليك اذا ناقص شي ...

عشيري2000 · 06-03-2011, 01:48 AM

اقتباس:

المشاركة الأصلية كتبت بواسطة ام ركوني

راجيتن الله ياقلبي انتي معليش توني اشوف ردك يالغلا

وانا ارجع بمستوصف واذا حسيت بشي رحت للمستشفى ...

بنات بسألكم اللي عندها خبره

الحين مدينة الملك فهد الطبيه الولاده فيها بفلوس ولا مجاني سمعت انه لازم واسطه صحيح ...

لا ياحبيبتي مدينه الملك فهد من 5سنوات وهي اهليه يعني بفلوس

او فيتامين وااو

ام ركوني · 06-03-2011, 02:34 AM

ام جنى .. الدلوعه .. فوفو ..عشيري

يعطيكم الف عافيه

ذبحتنا هالواسطات كل شي بواسطه الله يعينا لنا الله

الصدر الحنون · 06-03-2011, 02:46 AM

صباح الخير عالأمهات وأمهات المستقبل
عسى الله يتمم الحمل على كل حامل ويسهل ولادتها وييسر أمورها
والله يرزق كل وحده تتمنى الضى وتقر عينها بشوفتة

ام ركوني · 06-03-2011, 03:20 AM

الصدر الحنون

حياك ربي يالغلا منورهـ

والله يسمع منك يارب

الصدر الحنون · 06-03-2011, 03:36 AM

اللهم آمين ونصيحتي لكل أخت تبي الحمل تقرأ سورة البقره يوميا بنية الحمال
وان شاءالله مايتم الشهر الا وهي حامل وهذا من تجربه خاصه
والأخت اللي تبي ولادتها تتيسر وسهاله تقرأ سورة الزلزله وقت الطلوق فقط
ون شاءالله اكون افدت