الكشخه في التمايم ؟

[نوووره]

بسم الله الرحمن الرحيــــــــم

موضوع حساس والبعض ينقد ويتشره عليه وانا حابه اخذ رايكم
وهو (شياكة الحرمه النفاس في التمايم)
والحين بعضكم بيقول وشهي التمايم معناها (العقيقه)
عندنا تجلس الحرمه النفاس بوسط المجلس والبيبي جنبها في سريره
وتكون لابسه عبايه ولافه شيله وتحط كحل جوه لعين بس بس ماتحط ظل وألوان ..

أنتم وش رايكم ؟ مع او ضد كشخة النفاس

[كل الحلى]

بصراحة أنا أول مره أعرف هالشيء أنهم يسوونه بالتمايم !!!!

لأن تمايم ولدي ماسوينها تصدقنا فيها كلها

لكن أنا مع الكشخة في النفاس بغض النظر عن الدافع

وليش ماتتكشخ ليه هي في عزاء عشان تلبس عباية وتلف راسها بشال..!!!!

أحس هذي عادات متخلفة

بالعكس المفروض إذا كانت بتستقبل أحد وهي بصحتها تتكشخ وتتزين ليش لا..؟!!

وهذا رأيي

ويعطيك العافية على هالموضوع

[شمايل بنت الدمام]

يكوون عندنا نسويها ب استراحه وانواع الوناسه والكشخه
كنه عندنا عيد ليه نحزن ونجي ب العبايات عزاء هو

شاكره موضوعك المتميز

[اخت حمودي]

ررررررررررررررررفع

[ام الدلع]

أول مرة أسمع في هالشي ..نحن ما عندنا هالعادات ..
بس شكله عادات حلووووه تنسى الحرمة نفسية الولادة و التعب شوي ..

[ام اسراء]

انا عادي استقبل الناس البس روب نفاس حلو واستشور شعري
واحط كحل مع قلوس للشفايف شوية خدود وبس
ام عند اهل زوجي عيب عندهم يقولو عشان ماتنحسد الحرمه
انا عادي اوسويه
مشكوره على الموضوع

[نوووره]

مشكورين على الردود
وفعلا هذا الشي عادي بس عند الناس الأوله يخافون من الحسد عشان كذا ماتتكشخ الحرمه الوالده كثيرر
بس الله الحافظ وكمان ماتبالغ في الكشخه كنها عروس

[شموسه]

لكن أنا مع الكشخة في النفاس بغض النظر عن الدافع

وليش ماتتكشخ ليه هي في عزاء عشان تلبس عباية وتلف راسها بشال..!!!!

أحس هذي عادات متخلفة

بالعكس المفروض إذا كانت بتستقبل أحد وهي بصحتها تتكشخ وتتزين ليش لا..؟!!

وهذا رأيي

ويعطيك العافية على هالموضوع



مع رايه انا كل تمايمي اكشخ والبس واروح صالون بعد

[حسايف]

احنا نسوي التمايم بعد ماتطلع الحرمه من نفاس يكون احلى ونسويها كنها عرس بس بدوووون معاريس ههههه

اكشخي عادي بس خلي كشختك نعومه مو اوووفر ترى عيون الناس ماترحم

[أم جهآد]

انا رأيي اذا كانت العقيقة بعد اسبوع من الولادة اشوف انها تريح بسريرها وتلبس جلابية حلوة وتضبط شعرها ومكياجها يكون مرة خفيف والوان فاتحة .. اما اذا كان بعد النفاس لا تخلي على قلبها شي من لبس ومكياج بالذات اذا صار باستراحة والمعازيم كثير ..