تجربتي بمستشفى عرفان

[علو]

سلام بنات انا بالثامن الان وكنت ارجع من بدايه حملي بمستشفى قريب من بيتي والحين عشان دخلت الثامن قلت خليني اروح مستشفى كبيرة عشان قربت الولادة المهم رحت مستشفى عرفان هناك في تقريبا 7 دكاترة من رجال ونساء استشاريين بالنساء والولادة رحت عند دكتورة إيمان بغدادي حسبي الله عليها وكشفت علي بالسونار وراح وجهها ألوان وانا أقولها وش فيه وزوجي اعتفس يقولها خير وش شفتي قالت حجم الراس اكبر من الجسم وان كمية الدم الي بالراس كبيره بالنسبه للحبل الصري الي ليتغذى منه النونو وعاد دوروني انا بس قلت معقولا ان دكتورتي الاولى شاكرة ما شافت هالشيء الخطير المهم صارت حالتنا حاله انا وزوجي بهالخبر وقالت دكتوره إيمان لازم تصوير رباعي الأبعاد وسالتنا انتم كاش ولا تامين قلنا لها لا كاش قالت مافيش مشكله لعملكم خصم وكنها متجمله من جيبها حسبي الله عليها المهم خرجنا عشان نروح لغرفة التصوير الرباعي وزوجي قعد بقولي لا تسويه بيتكسبون مننا هالعالم المهم انا مصره والدموع اربع اربع ودخلنا الغرفه وقالو لازم 850 ريال تدفعوها قبل ما نبدا لا وزوجي شاف ان الي بيسويها لي رجال وزعل زيادة المهم زوجي دفعها وقالي كلمه وحدا ان ترى بكون عشان تتاكدي ان ما ورآهم غير الهذرى الزائدة وفعلا سوينا الاشاعه وقال الدكتور زي الفل مافيش حاجه المهم كعينا حول الألف بهالمستشفى ولا استفدنا شيء وبس وربي لا وكل ذا ويوم رجعنا للدكتورة قالت الحمدلله اطمنا عليكي*مااااالت عليها

[ssos02]

هذي سياسة المستشفيات الخاصه موغريبه عليهم

[رينآد]

مستشفى الخآص دائمآ كذآ
عشآن يآخذوآ فلووس ونصب على نآس
بس طآيحين يخوفوهم
كآن لآ تسرعتي ورحتي تتأكدي من مستشفى ثآني بسونآر عآدي
لآن لو في شي كآن آنتبهت دكتوره الآ قبل
بس يلآ حمد لله آنه بخير وبسلآمه هذآ آهم شي والفلوس تروح وتجي
والله يسسهل عليك وعلينآ
/
آدعي آولد قريب

[**سماسم**]

فعلاً هذي سياسة المستشفيات الخاصه ..
ربي يسهل عليج يالغاليه ويقومج باسلامه أنتي ونونو
,,

[علو]

ربي يسهلك ام الياس ومشكوره عالرد. سماسم نورتي الصفحه بتواجدك وفعلا سياسه هالمستشفيات مرره مخيفه

[طبيبة القلوب]

اعوذ بالله منهم ..
خيتو هذا درس لكي عشان لا تخافي مرة تانية ,,, وتكوني مقتنعة انو الدكتورة الاولى لو لا سمح الله شافت شي كان خبرتك ..
مو مشكلة فداكي الفلوس...
الله يقومك بالسلامة

[ام تركي و سديم]

هذي سياسة المستشفيات الخاصه موغريبه عليهم

حسبي الله عليهم ونعم الوكيل

[اللؤللؤة البيضاء]

حسبي الله عليها الله يعوضكم

لكن المستشفيات ماوراهم الا انهم يوسوسو فينا

لكن ثقتنا بالله اكبر من اي جهاز

واسال الله لي ولكل حامل الذرية الصالحة السليمة والمعافاة بدون زيدة ولا نقصان

فهو الكريم رب العالمين الذي احسن كل شئ خلقة وبدأ خلق الانسان من طين

[أإأم ع‘ـــزُوـوزُ]

أهم شي إرتحتي

وروحي شوفي لك دكتوره ثانيه وإبعدي عن الخصوصي ...

ووالله يسهل عليكي ولادتك يارب ....

[بــ أم ــدر]

هذي طبيعة المستشفيات الخاصه ولو كان عندك تأمين انوا سووو اكثر من كذا،،،
وفداك الفلوس انتي والبيبي اهم شيء تطمنتي ولاتستعجلي مره ثانيه استشيري اكثر من دكتوره ،،،
ويارب تقومي بالسلامه انتي والبيبي^_^