قصتي مع التكيس عالمبيض.. بالشرح الممل.. 3

[أم دجانة]

فالدكتور خرجني من المشفى على مسؤوليتي.. وقلي إنو الحل الوحيد للتكيس هو إما يصير حمل أو تاخدي حبوب منع.. انا قلتله بدون حبوب منع وطلعت عندي أكياس.. فكيف مع الحبوب؟؟ ﻷ ما بدي حبوب.. قلي خلص بتراجعيني بعد عشر أيام لنعيد التحليل ونعيد التصوير.. لما رجعت.. قلي لسا الرحم فاضي والحمل راح نهائيا صارت نسبة الهرمون كتير كتير صغيرة وحتى الدم يلي كان بقلب الكيس نزل وصار بدالو مي عادية...

أنا هون اتطمنت ورجعت عالبيت ودخلت منتدى اسمه جنة الأعشاب وطلبت وصفة لمنع التكيس.. وهي((ملعقة حلبة كبيرة ، ملعقة مسمار قرنفل كبيرة، ملعقة زنجبيل مطحون كبيرة، ملعقة قرفة (دارسين) مطحونة 100 غرام حشيشة الملاك، 100 غرام زوفا, 100 غرام رجل الأسد) كلهم بينطحنوا وبينخلطولوا سوا وكل يوم بتاخدي منهم معلقة على كاسة مي حارة وتحليها بالعسل وبينشربوا قبل وجبة الغدا بنص ساعة)) وبإذن الله بتروح التكيسات وما أخذت أي أدوية كيماويو ولا موانع حمل ولا خرابيط.....

وبعد خمس أشهر من هالحادثة رحت عالشام(هون صرلي سنة من أول حادثة أو أكتر بشوي) وتفاجأت إني طلعت حامل ورحت عالدكتورة وصورت وطلع الجنين بقلب الرحم ومافي كيس ولا في شي .. والحمد لله رب العالمين أنا هﻷ بشهري التامن... الله يتمملي على خير....

ادعيلي اولد طبيعي وييسرلي حملي وولادتي... وأنا آسفة إذا أزعجتك برسالتي الطوييييييييييييييييييلة.. بس حبيت تعرفي كل ملابسات قصتي...

وبس...

الله يهون عليك ويشفيك ويعافيك من عنده يارب..... متل ما صار معي... وأحسن إن شاء الله

[احبك ماما]

الله يتمم عليك على خير ويفرح قلبك

[فل وياسمين2009]

الف سلامه عليك وماتشوفي شر ان شالله

[أم دجانة]

الله يسلمكم...

مشكورين للمرور..

[سموة الشوق]

ماشاء الله تبارك الرحمن


الله يتمم عليكي وتولدين بالسلامة غاليتي


والله يرزقك أحلى ذرية يارب

[أم يزن الحلوة]

الحمد لله على كل حال...وربي يتمم لك حملك وتقومي بالسلامة...
ويسلموا على الإفادة الحلوة منك..