¤ô§ô ~أحلى تجمع حوامل التوأم 2011~ ô§ô

ام جومانة · 03-21-2011, 10:35 PM

هلا والله بدموع الشوق كيفك انتي ياقمر وشواخبار الثقل والتعب معاكي؟

ام جومانة · 03-21-2011, 10:37 PM

مها الله يسلمك ياحبيبتي انا تمام الحمدلله
انتي شخبارك مع الحمل ؟والله يعفيك من الكحه

ميرة الورد · 03-21-2011, 10:38 PM

هلابك دموع الشوق وبكل المتواجدين دموع انتي في كم حامل

دموع الشوق · 03-21-2011, 10:40 PM

الحمدلله حبيبتي اليوم احس بألم وثقل زاااااااااااايد كل يوم اكثر من اللي قبله الله يعينا

دموع الشوق · 03-21-2011, 10:41 PM

حبيبتي ميره الورد انا لي 29 اسبوع واليوم دخلت في الثلاثين
ليش ماتسوي لك توقيع انتي ؟

ميرة الورد · 03-21-2011, 10:47 PM

ماااااااااااااااا اعرف اسوي توقيع بعدين ايش الفايدة منة

ميرة الورد · 03-21-2011, 10:49 PM

بنات انا مرررررررة تعبانة من الثقل وما اقدر انام نومي متقطع وكلة تعب فية حل الاني باقي في الاسبوع 30 وبيزيد الثقل اكثر وانا لازم اكون في الفراش وما اتحرك صلرلي شهر كذا والله تعبت

دموع الشوق · 03-21-2011, 10:54 PM

عشان مااحد يسألك انتي في اي شهر معظم البنات يسونه اذا ماتبغيه براحتك أنتي وش مسويه مع الثقل والتعب وعندك اولاد من قبل ؟
الله يتم لك علي خير وسلامه*

الياه · 03-21-2011, 10:55 PM

مســـــاكم خير وورد

شخباركم حبايبي، عساكم بخير وصحه وعافية
أنتم وكل من يعز عليكم
وشخبار حبايبنا التوينز

أشكر كل من سأل عني سألت عنكم العافية
لا آراكم الله مكرووه في غالي

الحمدلله يسركم الحال، وصحتي أحسن من قبل
راحت الحمى وبقى الزكام وشوية بلاعيم
والله يعيني على التهاب الجيوب الأنفية
وعانيت من "عصبه = شد عضلي" من تحت كتفي
لين نص ظهري لدرجة أني مب قادرة ارقد ولا ايلس
ارتاح بس إذا وقفت، بس حطيت مطارة ماي دافي
واحس عمري احسن
والحمدلله

يومي اليوم طويـــــــل
وكله آكشنات
نشيت الصبح وكشخت بنتي عندها حفلة عيد الأم
ورسمت على ويها

تستطيع أن ترى الصورة بحجمها الطبيعي بعد الضغط عليها

وأخوها غار منها وطلب ارسم له
وتأخرت في الطلعة
وعندنا امتحانات ومافيني اتأخر وعلى حشرة الأدارة
المهم طلعت وأول شي أوصل ولدي الحضانة
وولد أخوي بس الحمدلله اليوم كان ولد أخوي غايب
وعقب بنتي وعقب أوصل الدوام
واسوق وما عرف كم كانت سرعتي
بس الأكيد كنت طايرة

ما انتبهت انه في سيارات واقفة
وماشية على الخط السريع
واتفجأة بوجود حرمه كبيرة تقطع الشارع
مسكت بريك من قوة البريك كان الصوت فظيع
والحمدلله عيالي رابطين الحزام
ومادريت الا ولدي يصيح
وماعرفت شو صار، عقب انتبهت أنه الكرسي
اللي عداله تسكر من قوة البريك
الحمدلله ما تسكر عليه

كان بيني وبين الحرمه شعره
الله كتب لها عمر جديد
والله موقف كل ما اذكره ما عرف شو يصير فيني
وماقدرت اخبر حد باللي صار
عشان ما انهزب لأني أستهال الهزبه
ومصادرة السويج والليسن

في ذمتي عيالي الأثنين والأرواح اللي في بطني
بس ابليس استغفر الله ما اتوب عن السرعة
اسبوع اسوق بالهداوة وعقب انسى عمري
وداومت وكان عندي مراقبة واستأذنت عشان حفلة بنتي
الساعة 11م " ما استانست لأنه بداية يومي كانت صعبة"
وعقب خذتها وسرت يبت ولدي من الحضانة
وصلت البيت، والله العالم كيف كانت حالتي
واتفجأة بوجود افرازات لونها على بني محمر
واشتغل ابليس بالوساوس
وبديت احسن بمغص، وما عرفت شو اسوي
احترت وتعوذت من بليس، قلت بريح شوي وبشوف اذا
استمرت الأفرازات للمسا بسير المستشفى
والحمدلله اختفت الظاهر كان هالشي بسبب خوفي من موقف
الصبح، ما ادري أوهم عمري بها الشي بس عشان ماخاف

وسلامتكم طولت عليكم
والسموحه

ميرة الورد · 03-21-2011, 10:58 PM

والله توي اعرف ليش التوقيغ بس ما اعرف اسوية اما عن التعب فحدث ولا حرج وانا ما عندي عيال بس هذا حملي الثالث الاول ولد واجهضت في السادس ومات وبعده بنت واجهضت في السابع ومات والمشكلة انة بدون سبب حتى الدكاترة مايعرفون السبب بس الحمدللة هذا انا حامل بتوام ربي عوضني

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أزياء حوامل 2011 , أفخم الموديلات و آخر موضة ملابس حوامل لعام 2011	ايلاف	الموضة و الجمال	13	10-06-2014 09:07 PM
أزياء حوامل 2011	غلا الشوق	الموضة و الجمال	4	02-08-2012 02:47 AM
ازياء حوامل 2011؟	الحبوبه	الموضة و الجمال	10	02-16-2011 04:07 AM
ازياء حوامل 2011 ملابس حوامل صور حوامل ملابس افضل الملابس للحامل	غلا الشوق	الموضة و الجمال	13	01-02-2011 10:02 PM
أحلى ملاااابس للحاااامل 2011	Mقمة البرااااائهM	الموضة و الجمال	4	04-24-2010 04:38 PM