يمّه احبّه ... فديت ابوه قبل امّه ...!

[مخمليه الأحساس]

"]

يمّه عليه إن زعل ... واذا رضى يمّه

يمّه ذبحني غلاه ... وشلّ وجداني

يمّه غرامه طريقي ... ولازم اتمّه

شيٍ من الله على غفلة تغَّشَاني ...!!

اشهق على ضحكته واشفق على ضمّه

واموت منه إن جفى ... وإن جاني احياني

إن كان درب الشقى يمر من يمّه ...!!

والله لكمّل شقاه " إن الله احياني "

اقول ياسيدي ... ويقول ياعمّة ...!

كلٍ ذبحه الوله في عشقة الثاني



مقدر اخبّي عليه ... اكتب ويقراني

قمت اشتكي للغلا ... واصيح واخمّه

ياشين بلوى الهوى ... الله لا يبلاني

يقول لي بالهوى مذهب ولي ذمّة

واقول بصرك ... ولكن لا تعداني

ابي طريقك يصير لوجهتي يِمَّة

ومنين يممت وجهك غصب تلقاني

يزمني بالهوى ... زمّة ورى زمّة

قطّع وريدة وخاطه وسط شرياني

مبطي اذا خفت صحت وقلت " يايمّه "

والحين اذا خفت صحت وقلت " ياحصاني "

لا واهني من قرب منه ... ومن شمّه

ماكن ربي خلقه الا على شاني ...!!

جيته وكلي من الاشواق ملتمّة

امشي من الصبح لين ان عشقه امساني

ياحلو لوعة شقاه ... ويا حلو سمّه

والله ياهو بالهوى " من جد وراني "

ادمى عيوني ... وحنى يديني بدمّه

وعلى طريق الوله اقفى وخلاني

يمّه احبّه ... فديت ابوه قبل امّه ...!

يهزني هز ريح ... وزلزل اركاني

وش فيه اذا البنت تعشق...؟! ... الهوى قمّة

خليني اعشق قبل ما تابس اغصاني

يهمني حيل ... وادري فيني اهمّه

حتى اسألي روجي الوردي ... وفستاني


اهدااااااء خااص
الى حبي وحيااتي[/color](زوجي)..ابو اسامه




دعواتكم لي..

[ام تميم 66]

يعطيك العافيه

كلمات في غاية الروعه...}
في أنتظار جديدك

[مخمليه الأحساس]

الله يعافيك ياقلبي نورتيني ياعسل..

[ياسمين الشام]

كلمات في غاية الروعة تسلمي غاليتي

[~~لحن الحياة~~]

[مخمليه الأحساس]

شكرا لتواجدكم ماننحرم

[أميرة الصمت]

واااااااااااااو روعة يعطيك العافية

[مخمليه الأحساس]

الله يعافيك ماننحرم ياارب