تجمع حوامل المدينة المنورة

[مدام الهام]

فين بنات المدينة طمنوني عليكم

[دلع]

حبيبتي انا دايم موجوده
رهوفه شكلها ولدت الله يسهل لها..

انت كيف الحمل معاك ان شالله مافيه تعب

[ام هاشـم]

السلام عليكم يا بنات المدينة احلى بنات
كيفكم يارب تكونووا بخير ومبسوطين يارب
انا جديده في المنتدى وفرحت لمن شوفت موضوع تجمع حوامل المدينة

حبيت اسال عن مستشفى الولاده احسن دكتورة فيها لاني في الاسبوع التالت من الشهر التاسع وكيف الولاده عندهم و الخدمات والاهتمام واهم شي عندي النضافه لاني اقرف من اي شي وزوجي مصمم اني اولد في الولاده يقول انوو خايفه عليا من المستشفيات الخاصه لانهم يلعبوو بالبكريه
فأنتووو ايش تنصحوني يا حبايب قلبي ؟؟؟؟؟


معليش طولت عليكم بس من جد فرحت بالموضوع



تحياتي
ام هاشم

[دلع]

هلا فيك ام هاشم
انا ماجربت الولاده بس في ناس يمدحونه وناس يسبونه ..اولدي في المواساه مره ممتاز ولا تخافين ماراح يلعبوا فيك فيه استشاريه اسمها ماجده موسى ممتازه جدا ومريحه في التعامل وعندهم اهتمام ونظافه فوق الوصف...
اذا انت خايفه استخيري الله وروحي شوفي اذا مارتحتي ارجعي للولاده...
الله يسهل عليك يارب

[مدام الهام]

[quote=دلع;52937]حبيبتي انا دايم موجوده
رهوفه شكلها ولدت الله يسهل لها..

انت كيف الحمل معاك ان شالله مافيه تعب[/quot ااضاهر مافية الاانا وانتي انا الحمدللة تمام بس في شي مضايقني انو وزني ينقص وانا خايفة على البيبي يتضررويجي ضعيف مع ان اكلي تمامواكل فيتمينات بس مدري لية يمكن لاني اشتغل كثير والطبيبة تقول لازم تشوفيلك حل مايصير كدا بس ايش في يدي معني قبل الحمل كانت مليانة واحاول انحف لاكن الشكوى للة

[مدام الهام]

[quote=ام هاشـم;52996]السلام عليكم يا بنات المدينة احلى بنات
كيفكم يارب تكونووا بخير ومبسوطين يارب
انا جديده في المنتدى وفرحت لمن شوفت موضوع تجمع حوامل المدينة

حبيت اسال عن مستشفى الولاده احسن دكتورة فيها لاني في الاسبوع التالت من الشهر التاسع وكيف الولاده عندهم و الخدمات والاهتمام واهم شي عندي النضافه لاني اقرف من اي شي وزوجي مصمم اني اولد في الولاده يقول انوو خايفه عليا من المستشفيات الخاصه لانهم يلعبوو بالبكريه
فأنتووو ايش تنصحوني يا حبايب قلبي ؟؟؟؟؟
ياهلا فيك ام هاشم نورت تجمعنا واللة مستشفى الولادة الجديد مافية شي حلو انا اكثر البات الي اعرفهم يولدو فية لانهم يخافو من الخاص ويقولو كمان مافي فرق انا ولدت في القديم لاني كانت حالتي شوي صعبة فنصحتني طبيبتي في المستشفى الوطني اولد عندهم تقول اضمنلك انو عندهم حضانات وولدت في الشهر الثامن بس الي ولدني دكتور مدري ايش اسمة كويس وتعاملهم برضو كويس مدري لية يشتكو البنات منهم ولكلام هادا قبل اربع سنوات في القديم واكيد الجديد احسن وانضف بس انا هالمرة حاولد في خاص لاني بسوي عملية تجميل مرة وحدة فهمتي علية وموفقة انشاءاللة

[دلع]

اهلين الهام
انا مدري سوما وشوشو والباقي فينهم؟

حبيبتي انت كلي كويس وخلي الريجيم بعد الولاده اهم شي مايطلع نقص عند البيبي ولا شي..انا ملاحظه انك خايفه تتخني انت خلي التفكير والخوف بعد الولاده..انا زيك ماكنت اكل وخايفه يتغير جسمي و..و..واخر شي جاء وزن بنتي كيلوين وربع مره صغيره وضعيفه تكسر الخاطر..المشكله انو بعد الولاده رجع وزني طبيعي زي قبل الحمل عشان كذا لو احمل ان شالله اهم شي عندي صحة البيبي..
انتبهي لنفسك وللبيبي وطمنيني........


كيف البرد معاكم موووووووت صح؟؟

[MISs SoMa]

آلسلآم عليكم يآآحلـى كروشآت
آخبآركـم ...؟!!
يوووه مـ زمآن عنكم وآلله مرآ وحشتوني بس وآلله إنشغلت
مع آلجآمعه آختبآرآت وبحوس وقرف ,,,
طمنوني عنكم مدآم آلهآم & دلـع
آكيد رهـف ولدت ربي يسعدهآ
ويتمم عليهآ فرحتهآ ,,,
بنوتآت آنآ مـ لمآ دخلت آلسآدس آحس بـ جوع
منو طبيعي يعني آكل دحين بعد شويآ آحوس نفسي ميته جوع
لدرجة آنو مآآقدر آوقف وتجيني دوخه خفيفه
دآ شي طبيعي ولآ إيه ...؟!!

[مدام الهام]

المشاركة الأصلية كتبت بواسطة دلع

اهلين الهام
انا مدري سوما وشوشو والباقي فينهم؟

حبيبتي انت كلي كويس وخلي الريجيم بعد الولاده اهم شي مايطلع نقص عند البيبي ولا شي..انا ملاحظه انك خايفه تتخني انت خلي التفكير والخوف بعد الولاده..انا زيك ماكنت اكل وخايفه يتغير جسمي و..و..واخر شي جاء وزن بنتي كيلوين وربع مره صغيره وضعيفه تكسر الخاطر..المشكله انو بعد الولاده رجع وزني طبيعي زي قبل الحمل عشان كذا لو احمل ان شالله اهم شي عندي صحة البيبي..
انتبهي لنفسك وللبيبي وطمنيني........


كيف البرد معاكم موووووووت صح؟؟

اللة يسعدك دلوعة انا اكل على قد بطني مراح ازود والبيبي انشاءاللة بخير طفشت من كثر ما اتهزاء اهم شي اكل مفيد صح الاعلى فكرة كم بيبي عندك ومانك ناوية تحملي المنتدى يغري هههههههه يخلي الوحدة غصب تحمل فين البرد احس مافية عندنا فالمدينة برد ابدا ندمت اني اشتريت ملابس برد اشتريت السوق كلة واخرتها ملبست شي ولاعيالي راضين يلبسو يقولو حر مستحيل يلبسو الجكيتات مدري يمكن حينا دافي انا ساكنة في الاسكان مقابل البيك هههههههههههههههههه

[مدام الهام]

المشاركة الأصلية كتبت بواسطة miss soma

آلسلآم عليكم يآآحلـى كروشآت
آخبآركـم ...؟!!
يوووه مـ زمآن عنكم وآلله مرآ وحشتوني بس وآلله إنشغلت
مع آلجآمعه آختبآرآت وبحوس وقرف ,,,
طمنوني عنكم مدآم آلهآم & دلـع
آكيد رهـف ولدت ربي يسعدهآ
ويتمم عليهآ فرحتهآ ,,,
بنوتآت آنآ مـ لمآ دخلت آلسآدس آحس بـ جوع
منو طبيعي يعني آكل دحين بعد شويآ آحوس نفسي ميته جوع
لدرجة آنو مآآقدر آوقف وتجيني دوخه خفيفه
دآ شي طبيعي ولآ إيه ...؟!!

اهلين سوما كيفك واللة لك وحشة بس معذورة دراسة وتعب الحمل اللة يكون بعونك كيفك وكيف الحمل معاك انشاءاللة كل شي تمام واحساسك بالجوع دا شي طبيعي جدا اصلا معروف شهية الحامل تنفتح بالشهر السادس بس كلي اكل مفيد انا واللة اقوم من عز نومي من الجوع اكلي خيارة او تفاحة وكاسة لبن وموية وارجع انام وكمان اتغدا وبعد خمس دقايق احس نفسي ما اكلت شي بس انا ما اعطي نفسي وجة حتى ما اصير دبا عالفاضي معن وزني مازاد بالحمل الاكيلو بس اما عن الدوخة حبيبتي انتبهي لايكون فيكي فقر دم روحي الطبيبة تسويلك تحليل دم وخذي حبوب الحديد حلوة مرة للدوخة وسلامتك