استشارة بخصوص الطلق الصناعي

[Park bom]

صباح الخير للجميع
انا في الأسبوع 35 يعني الاخير من الثامن وعندي موعد الاسبوع الجاي مع دكتوري
وبحكم اني مو من الرياض وموعيدي في الرياض طلبت من الدكتور الشهر اللي فات يولدني
بطلق صناعي او قيصري
وانا جربت الطلق الصناعي قبل عام ونص لولدي في نفس الاسبوع بس كان الطفل مريض
وما راح يعيش وكانوا يبغون يولدوني من الثامن بس رفضت لين دخلت التاسع وطبعا حطو لي تحميله ولدت وكان وزن الجنين كيلو وموب نازل كان فوق حتى لما انولد المعروف اول مايطلع الرأس هو جاء ع ظهره سبحان الله ،،،
،،،،،،،،،،،،،،
انا عارفه ان الطلق الصناعي صعب ومرهق بس خايفة لاني قرات اكثر من تجربه فيه بعضهم يقول يتفجر الرحم و وزن الجنين لو كان كبير مايصلح ومن هالكلام
وانا الحين ولله الحمد طفلي كامل وصحته جيده ونازل في الحوض وراسه تحت

ابغى اللي جربت الطلق في التاسع تقول تجربتها لان انا كان طفلي زي ماقلت مريض ومافيه مويه .كيف كانت الآلام وطريقة التحريض للولاده وهل شق كيس الجنين يؤلم ومتى يشقون الكيس وكم الفترة اللي استغرقت فيها لين ولدت وهل تنصحوني فيه في هالاسبوع يعني الاسبوع الاول من التاسع
ملحوظة
المستشفى اللي راح ألد فيه مدينة الملك فهد الطبيه طريقة تحريضهم كان تحميلة في شريطة حطوها لي الساعة 4 العصر وعلى الساعة 12 بديت احس بالالام ولما فتح الرحم 3 سم عطتني في المغذي تقول انه مهدي وانا ماشوف انه هدى بالعكس زاد الوجع وجت مره ثانيه وحطتلي والساعه 7 ص عطتني ابره مسكنه ونمت ماصحيت الا على الدفع الساعة 10 ...


وبس كثرت عليكم بالكلام 😁 تحملوني

[حياتي توأمي]

حبيبتي الطلق الصناعي مين قال انه يفجر الرحم !!!!

لاطبعااا معلومه خاااطئة
وبعدين ليش تطلبي قيصريه اذا كانت ولادتك طبيعيه الأولى فالأفضل تكون الثانيه طبيعي

وليش تطلبي انتي الطلق بما انك بأول التاسع

اصبري لحتي يجيكي طلق طبيعي او اذا كان من الضروري تسوي صناعي فالأفضل بالاسبوع 37 او 38 مو من الاسبوع 35 !!
وبعدين مو الكل اللي يعطوهم طلق صناعي

اللي يعطوها اللي تكون فات موعد ولادتها مثلااً او اللي عندهااا مشاكل صحية كسكر حمل وو ,,,,الخ


وربي يسهل امورك

[Park bom]

المشاركة الأصلية كتبت بواسطة حياتي توأمي

حبيبتي الطلق الصناعي مين قال انه يفجر الرحم !!!!

لاطبعااا معلومه خاااطئة
وبعدين ليش تطلبي قيصريه اذا كانت ولادتك طبيعيه الأولى فالأفضل تكون الثانيه طبيعي

وليش تطلبي انتي الطلق بما انك بأول التاسع

اصبري لحتي يجيكي طلق طبيعي او اذا كان من الضروري تسوي صناعي فالأفضل بالاسبوع 37 او 38 مو من الاسبوع 35 !!
وبعدين مو الكل اللي يعطوهم طلق صناعي

اللي يعطوها اللي تكون فات موعد ولادتها مثلااً او اللي عندهااا مشاكل صحية كسكر حمل وو ,,,,الخ


وربي يسهل امورك

انا ابغى ألد في الرياض لاني من برا الرياض بحكم عملي والمنطقة اللي انا فيها مسكرين قسم الولاده
بسبب اخطاء صارت ولما شرحت لدكتور وضعي قال خلاص

[υм вtℓαα]

والله شوفي الطلق الصناعي اسرع بس الممممم مايحتمل مجرد مايعطونك يبدا يشتغل
ويعطونه اللي عنده مشاكل صحيه اوو وضع الجنين او تاخرت الولاده

فانتي ليش تطلبي قيصريه اذا كانت ولادتك طبيعيه خلي كل شي يجيك طبيعي

انا اخذت الطلق الصناعي بولادتي الساعه 6الصبح و10ص ولدت

يعني ع حسب

الله يسهلك ويقومك بالسلامه

[إحساس إمرأة]

شوفي يالغلاا انا ماشاء الله جبت 5 كلهم بالطلق الصناعي
الرحم عندي ما ينفتح الا بالتحاميل
و فات موعد ولادتي ... و تنويم قبل ولادة بيومين
و دااائما عطوني 3 مرات كل 4 او5 ساعت
و بعدها ماشاء الله امشي بعد ساعة من تحميلة و انفتح رحمي بعد 3 تحميلة 6 او 7 سنتي
و ع طول جهزواني ع غرفة ولادة
و الحمدلله بفضل الله بعد 3 ساعت او 4 بكثير الا نونو قدااامي
في واحدة من بناتي ماشاء الله ساعة و نصف الا انا ولدت

تساهيل كلها من الله سبحانه
توكلي على الله يالغلاا و الله ييسر لك ولادتك يااا رب
لك تحياااتي

[التائبة لله(ام محمد باذن الله)]

ما عندي علم حبيبتي
بس البنات ما قصروا الله يعطيهن العافية

[أم ريومه]

انا ولاداتي كلها بالطلق يحطونها في المغذي

الحمل الاول حطولي ساعه ٤ العصر وولدت س ٤ الفجر

وثاني حمل حطولي في المغذي ساعه ٥ العصر وولدت س ١١ ليل بسرعه ولدت الحمدلله

ومتعبه الآلام بس الحمدلله التساهيل من الله

[nour karim]

البنات ماقصرو الله يسهل ولادتك يارب فقط بالنسبة لشق الكيس الجنين حبيبتي هذا الشئ الوحيد اللي ماتحسي به ابدا سهل جدا لانهم لا يشقونه الا عندما ينفتح عنق الرحم حوالي 5سم يعني لا تخافي منه ابدا بالتوفيق