حملي و حماتي ؟؟؟؟

[زهرة العين]

الله يكون بعونا ام ياسمين و يهدينا و يهدي علينا ها الحمايات

[Um sara1]

المشاركة الأصلية كتبت بواسطة om yasmina

اللهم امين حبيبتي شكرا الك
ولا انا بصراحة كنت بعرف انو لساتنا بزمن الاستعباد
بس هيك صار
انا حاليا تركتلها البيت وعايشة مع زوجي لحالنا ومع هيك
مو تاركتني عيش حياتي مبسوطة
تتصل فيه وتقلو كلام متل السم وانا هلأ حامل للمرة الثانية
وبتكرر نفس الي سوتو فيني بالمرة الاولى
بس هالمرة انا اخدت قرار اني واجهها
واالقرار الي اخدتو هوا,,,,,انها ما تشوف وشي ابدا
ابنها يروح يشوفها بس انا ابدا مارح تشوف وشي لين يتعدل سلوكها
ماني مستعدة لخسارة ثانية

احسن قرار

انا هذا نظامي اذا شفت الجو مايناسب اسحب نفسي واعيش

والاهم انك ماتسبيها قدام زوجك اكيد هي نازله طالعه تحكي فيك بس اذا جا عندك وشافك ماتذكريها الا بالخير يعرف الفرق بينك وبينها فضفضي لناس تثقي فيها الا زوجك بالنهاية أمه مراح يرضى عليها

[زهرة العين]

اي و الله و انا هيك عم عم حاول ساوي مع انو ملاحظ كل اخطائها و عارف منيح طبع امو لانو قبل مني كانت عندها 4 كناين و لا وحدة كانت منيحة معها يعني شايف المشاكل لي صارت مع زوجات اخوانو سابقا
بس كلو بالصبر يهون

[Om yasmina]

ربي يهديهم
ما بعرف هما اذا بيرضو يصير لبناتهم هيك
استغفر الله
الناس نسيت انو اخرها في حساب
شو بدهم يحكو لله عن هذا الظلم؟؟
انا ما بسبها قدام ابنها انا ما بسب حدا اصلا
بس مشكلتي ما بقدر اكبت عواطفي قدام
ما بقدر اعمل حالي اني بحبها او نسيانة شو عملت فيني
بس ينذكر اسمها بتغير لوني وبعصب
زهرة انتي شو عملتي؟؟
لساتك بنفس المشكل ولا حكيتي لزوجك؟؟

[زهرة العين]

ايه حبيبتي حكيتلو و شايف منيح و ضعي مع الحمل حالي ما عدت طايقة
بس عم يصبرني . بس انا ما عدت تحملت و حكيت اليوم لامي عصبت عليا و قالت ليش ضلك هيك ما بتقعدي معها و لا تعي ع البيت و الله محتارة

[bellamamita]

لا تروحي بيت اهلك بلا رضا زوجك
الله يهديها بس كيف مقالو البنات لو طلبت منك اعمال صعبة قلي لها ما فيني انا حامل وروحي من وجا مشان ما تسمعي شو راح تقول مع الايام راح تعرف انك غير مطيعة و شخصيتك قوية مراح تاديك ثاني

[Om yasmina]

لا تردي على امك اوعك تروحي بيت اهلك
دام زوجك بدو ياكي وبيحبك ليش لتروحي
الله يكون بعونو واقع بين نارين نار امو ونار زوجتو صعب الوضع عليه
بس الك شغلة
احكيلو انو الدكتورة قالتلك انو امراض الاجنة بتجي من النفسية الوحشة
وهادا ما بيبن قبل الولادة ولو ضليتي زعلانة هيك انتي والبيبي رح تكونو بخطر,,الله لا يقدر طبعا انتي بس احكي
حاولي تظهريلو خطورة الموقف وكيف انك محتاجة تكوني مرتاااحة كتير
وانو القصة ما بتتعلق بأمو بس
مممممم يعني جو البيت كلو او المنطقة او الحي بيحسسك بعد ارتياح
فهمتي؟؟

[زهرة العين]

ربي يحفضكم بنات
ام ياسمين مو بس متل ما حكيت هي في الفترة الاخيرة ما بتحكي معنا و طافشة من البيت ما بتجي و ما بتاكل طبخي لهيك امي قالت تعي ع البيت لما يجهزلك بيت لحالك ابقي روحو معو و ادا ما تحمل مسؤوليتو و عمل شيء ليحافظ عليكي ظلك هون

[Om yasmina]

اووووووووعك مع احترامي للست الوالدة بس تفكيرها غلط
كتير ازواج بعتبرو انو الزوجة لما ترد على اهلها وتسمع كلامهم اكتر منو
انو هوا مو ساوي عندها شي وانا من شهر بس شفت حالة مشابهة وبعرف كيف بيفكرو فيها الرجال
ضلي متمسكة فيه وزنيلو على ودانو كل يوووووم
احكيلو انك بتحبيه وحابة العيشة معو ومستحيل تتخلي عنو مهما صار..يعني كلام الحب بلين القلب
بس قوليلو بردو انك محتاجه انو ياخد موقف مشان ابنو
مثلا اذا كان بيشوفك انتي كويسة
حاولي تخوفيه ع ابنو قوليلو شكلو مو هامك حالو يعني للولد
احيانا بجيب نتيجة

[Om yasmina]

بخصوص حماتك حاولي تعامليها بنفس البرود
لا تحسسيها ابدا انو طفشها هامك بشي
حسسيها انو حالها مش فرقان معك متل ما حالك مش فرقان معها
لانو لو حست انو هيك انتي بتضعي رح ضلها تطفش كل شوي
لتعذبك