تجمع الجزائريات المتأخرات في الحمل و أهلين بالتونسيات الغاليات

[راما2013]

السلام عليكم انا عضوة جديدة اسمي راما وعمري 25 سنة

[alma021]

لبنات اللي سقساوني الوصفة ها هي
14 حبة تمر طري جدا ومن الاحسن تمر المدينة واللي ماتقدر ش تحصل على تمر المدينة المنورة معليش اي تمر عادي انا استعملت تمر عادي وكدالك قريباتي اللي حملو
وتجيبي بدور الجزر اي زريعة الزرودية من عند العطار قوليلو انا حابة اكلهم وحداري يعطيكي بدور الجزر اللي مطعمين للزراعة فيهم مواد كيماوية انتي قوليلو اللي صالحين للاكل
المهم حبات التمر انزعيلهم النواة من دون ماتفتحيهم ثم مرريهم على بدور الجزر لحين ميغطوهم كليا وكما قلتلك 14 حبة يعني 7حبات لك و7حبات لزوجك يوميا الصبح باكرا تاكلو حبة حبة على الريق مع نية الحمل والاستغفار كثيرا
ابدئي هالوصفة من 3 او رابع يوم للدورة لمدة 7ايام وان شاء الله تجربوها وتحصلو على نتيجة ان شاء الله
هالوصفة بقولو تهيئ للبويضات جو دافئ للتلقيح والله اعلم
فهي ادا مانفعت مارح تضر
انا جربتها بنات ولكن شهر واحد فقط وانا من طبعي مانعاودش نجرب
جربوها انتم لعل وعسى تجيب نتيجة معاكم
وعلى فكرة بنت اخو زوجي هي اللي جربتها الاولى وحملت من اول شهر دارتها والان عندها طفل ماشاء الله عليه
ولا تنسوني من صالح دعائكن

[alma021]

الظاهر انو ولا واحدة راهي هنا اليوم يا درا بواش راكم مشغولين ادن انا نقوم بالواجب ونرحب براما
اهلا راما مرحبا بيك معانا عرفينا بنفسك

[lamia zina]

شكرا الما على الوصفة و التوضيح

[oum abderaouf]

السلام عليكن
الف الف الف مبروك حبيبتي خولة يترباو في عزك و الله قلبي كان معاك هذا وين قدرت نفتح النات ضعيفة
فرحتلك حبيبتي الف مبروك
شفتي كيفاش كن ماراجلك دار اكسيدون و نخلعتي ماتولدي على 7 اشهر هههه حنا نقولو الخلعة تولد الحامل
الحمدلله حمدا كثيرا ربي يشافي راجللك دروك يريح كي يشوف الاميرات قدامو لربي يحفظك و يحفظهم انشاء الله
العقوبة لينا قاع يا رب اللهم فرح قلوي المنتظرات و المشتاقات للامومة يا رب

[oum abderaouf]

اهلا راما حبيبتي ان شاء الله تكوني فال خير علينا قاع عرفينا عليك

[ندى الوردة]

مساء النور والسرور ع الجميع
عجوزي ماجاتش اليوم غدوة تجي ان شاء الله

[ندى الوردة]

اختي راما مرحبا بيك بيناتنا معرفة خير ان شاء الله

[ندى الوردة]

الما يعطيك الصحة ع الوصفة بارك الله فيك

[أم صهيب2]

بونجوغ عليكم ولا بونسواغ كي راكم بخير
شوية مريضة وما قريت الارشيف والله

كي راكم بخير