تجمع الجزائريات المتأخرات في الحمل و أهلين بالتونسيات الغاليات

[احلى شيء الاموموة]

المشاركة الأصلية كتبت بواسطة أمة الرحمان السلفية

ولله ياختي ماني مليحة اليوم قريب العصر عيطتلي صحبتي قتلي بلي صحبتنا وليدها ولااد سلفها زوج ماتو طحو في بير زوج ثلث سنين وحد عام وانا وليت في حالة عيطت لرجلي جاء ورحنا وملي جيت وانا مانيش مليحة

ربي يرحمهم اختي امة وربي يصبر اهلهم عليهم ...عندك الحق والله خبر يقطع القلب...انا ما نعرفهمش غاضوني ...يااا رب الهمهم الصبر والسلوان واجعلهم من اهل الجنة شفعاء لابائهم يااا ارحم الراحمين....غير بالشوية امة واش تعملي ..هذي حال الدنيا..الموت بيد ربي صح الموت صعيبة ما نملكو غير الدعاء ونترحمو عليهم ...

[احلى شيء الاموموة]

[أمة الرحمان السلفية]

والله ياختي قلبي رهو يتقطع تخيلي صحبتي عندها أربع ذكورة علي بعظاهم هذ صغير ثلث سنين يموت عليا وصحبتي عزيزة عليا بزاف تحبني كي شغل أختي تعرفي انا دخلت وشفتها وانا خلاص وليت غير نبكي وهيا الحمد الله صبرة قعدة تحمد في ربي وتستغفر وسلفتها عندها غير هذوك زوج قعدت وحدها وحد عام ولاخر ثلث سنين وصبرة انا شفتها قريب دخت وهيا نظت تسلم عليا وتقلي ادعيلي ربي يحوظني ويصبرني هذي حاجة ربي تخلعت الحمد الله علي قظاء الله إنا لله وانا اليه رجعون غدوة يدفنهم ربي يصب مليهم وصحبتي كيفاش ريحة تعيد مسكينة يارب رحمتك

[أمة الرحمان السلفية]

[احلى شيء الاموموة]

والله ياا امة اختي ..الموت صعيبة ومرة...مي واش يعمل العبد لازم يصبر ويسترجع ويحتسب ...انا لله وانا اليه راجعون ...ربي يصبرهم..ويعطيهم القوة وربي حنين ورحيم بعبادو...ربي يخلف عليهم بالضناية الصالحة...
صح يعيدو عيد صعيب مي رحمة ربي واسعة ربي يرزقهم الصبر ..وربي خلق الموت وخلق النسيان...وكيف يقولو كل مصيبة تبدا صغيرة ومن بعد تكبر ...غير الموت تبدا كبيرة ومن بعد تصغر...يااا رب ارزقهم الصبر والرحمة...

[احلى شيء الاموموة]

[أمة الرحمان السلفية]

بارك الله فيك أختي انا رني غير نتخيل فيهم و العيد سماط راني في حالة ورجلي حلف فيا قالي لوكان تبكي بزاف وتمرضي تشوفي وانا الله غالب مقدرتش

[أمة الرحمان السلفية]

[أمة الرحمان السلفية]

[احلى شيء الاموموة]

امة اختي راني حاسة بيك ...راني جربت واش معناها واحد يفقد واحد عزيز عليه ..كي نسمع بواحد مات دمعتي تجري وحدها وقلبي نحسو راح يخرج من بلاصطو..مي الانسان يتفكر لي رحمة ربي واسعة وكلنا على طريق واحدة ربي يرضى علينا ويغفر لنا...استغفري وشوفي اهلهم كيفاه لقيتيهم صابرين ...ادعيلهم بالخير والرحمة.. هذا واش يفيدهم ..والانسان المومن يمتحن في هذي المواقف الصعبة ...ربي يمتحن صبرنا وقوة ايماننا...لازم يكون ايمانك قوي وتمني بحكمة ربي ..وبقضاءه وقدره...ربي سبحانو له ما اعطى وله ما اخذ ...يعطي بحكمة وياخذ بحكمة...رانا غير حنا نشوفو قدامنا وربي عالم بالغيب.....ما تزيديش تبكي حنونتي امة ...ان شااء الله تفوتي عيد باهي مع راجلك ويكون راضي عليك...واتركي الخلق للخالق سبحانه وتعالى...هو لي يسير في الدنيا بحكمتو...