تجمع الجزائريات المتأخرات في الحمل و أهلين بالتونسيات الغاليات

[سهام فرنسا]

المشاركة الأصلية كتبت بواسطة alma021

راكي كيما انا سهام راجلي مايحبش العجين فالصيام درك وريتهالو قلتلو نديرها اليوم قالي خلي حتى مور العيد وديريها باللحم نتاع الكبش ياك تجي بنينة باللحم ولا بالجاج خير هو ثاني كي شافها سخف عليها مسكين ثاني راه جوعان وراح للخدمة دوك بسييف

كيف كيف تحبي بالجاج تحبي بالحم المهم بنينة أهئ أهئ أهئ
ههههههههههههههه

[احلى شيء الاموموة]

المشاركة الأصلية كتبت بواسطة alma021

راكي كيما انا سهام راجلي مايحبش العجين فالصيام درك وريتهالو قلتلو نديرها اليوم قالي خلي حتى مور العيد وديريها باللحم نتاع الكبش ياك تجي بنينة باللحم ولا بالجاج خير هو ثاني كي شافها سخف عليها مسكين ثاني راه جوعان وراح للخدمة دوك بسييف

تجي تهببببببببببببببل باللحم نتاع الكبش ...نقصيلو الشحمة برك ...بصحتك سلفا...سخفتوني اللعابة ساحت...احنا رانا نوجدوا فيها للعيد ثاني عيد نطيبوها في الغذاء..نهار الاول عصبانة...وانتم واش تديرو...؟؟؟؟

[alma021]

ايه مليحة هادي كل واحد يدير العادات نتاعهم فالعيد

[احلى شيء الاموموة]

لبنات والله ما قدرت ننوض ونخليكم ....من قبيل وان نقول ضرك ننوض حكمتوني ...والله القعدة نتاعكم ما تتشبعش منها ...ما تتصوروش قداش حابة نشوفكم صح ونقعد معاكم ..نشوف هذيك الوجوه الطيبة...ربي يجمعنا في الجنة ...اي من بعد ان شاااء الله خلييييييييييييييييوني نروح ...

[alma021]

نبدا انا الاولى نهار العيد الصباح يروح الزوج تاعي لصلاة العيد نورمالمو يصبح صايم حتى يذيح الكبش انا ثاني مانقدرش نشرب القهوة بلا بيه حتى يجي كي يجي من الصلاة يشرب قهيوة بالقاطو ومبعد يبدل حوايجو وللعلم راجلي غير العام اللي فات تعلم يذبح مقبيل كان خوه يذبحلنا الكبش وانا فالوقت اللي يروح فيه للصلاة نوجد السلاطة نغسلها ونخليها بجيه ونوجد باش ندير شرمولة نتاع الكبدة ياك علابالكم وحدي كلشي عليا العام الاول نتاعي عيدت عجوزتي الله يرحمها معايا وشيخي ثاني ميت الله يرحمو المهم يبدا هو يذبح ويجو يعاونوه خاوتو واول شي يعطيني البوزلوف نبدا نشوطو وكي نكملو نخليهولو هو باش يقطعو ومبعد يعطيني الكبدة والرية نروح ندير الفطور وكي نكمل الفطور باش نرجع للدوارة والله غير تعب كبيييييييييييييييير نقيها كي نكمل نسيق ونقي الحالة دايما نكمل مور الظهر ندوش وهو ثاني ونحطو الفطور وكي نفطر نريح ساعتين ولا هادي ادا ماجاونيش ضياف

[سهام فرنسا]

حنا اليوم ثاني عيد نديرو عصبانة و كسكس و يجيونا لافامي يتغداو كامل كيف كيف و من بعد يروحو لدار أخرى و يذوقو اللحم تاع كل دار ههههههههه
و حتى اليوم الثالث باش نديرو الشخشوخة

[سهام فرنسا]

المشاركة الأصلية كتبت بواسطة alma021

نبدا انا الاولى نهار العيد الصباح يروح الزوج تاعي لصلاة العيد نورمالمو يصبح صايم حتى يذيح الكبش انا ثاني مانقدرش نشرب القهوة بلا بيه حتى يجي كي يجي من الصلاة يشرب قهيوة بالقاطو ومبعد يبدل حوايجو وللعلم راجلي غير العام اللي فات تعلم يذبح مقبيل كان خوه يذبحلنا الكبش وانا فالوقت اللي يروح فيه للصلاة نوجد السلاطة نغسلها ونخليها بجيه ونوجد باش ندير شرمولة نتاع الكبدة ياك علابالكم وحدي كلشي عليا العام الاول نتاعي عيدت عجوزتي الله يرحمها معايا وشيخي ثاني ميت الله يرحمو المهم يبدا هو يذبح ويجو يعاونوه خاوتو واول شي يعطيني البوزلوف نبدا نشوطو وكي نكملو نخليهولو هو باش يقطعو ومبعد يعطيني الكبدة والرية نروح ندير الفطور وكي نكمل الفطور باش نرجع للدوارة والله غير تعب كبيييييييييييييييير نقيها كي نكمل نسيق ونقي الحالة دايما نكمل مور الظهر ندوش وهو ثاني ونحطو الفطور وكي نفطر نريح ساعتين ولا هادي ادا ماجاونيش ضياف

كيما حنا فوطوكوبي ههههههههههه

[alma021]

كي نصلي العصر نعاود ندخل للكوزينة ندير البوزلوف نطيبو وندير ثاني العصبان راجلي يموت فيه والضيف اللي يجي نشدوه يتعشى
ومبعد غي نغسل الماعين نرقد كي الميت هدا النهار الاول بززززززززززااااااااااااف فيه التعب راكم عارفين كي يكون الواحد لوحدو
اما النهار الثاني نوضو الصباح نبداو نقطعو الكبش كي نكملو جوايه 10 نتاع الصباح نديرو الشوا امممممممممممم والكبش بيان سور نصدقو منو شوي ونخبي شوي فالكونجيلاتور وندير الفطور هداك اليوم طعام ولا كسكسي كيما تقولو انتوما ونعرضو شوي فقراء ولا احباب المهم صدقة ربي يتقبلها ان شاء الله
وكي يفطرو نغسل الماعن وندوش ونروح نوجد روحي باش نروح لاهلو ولخياتو ولعشية كامل نروح لدارنا وخاوتي نتلاقاو قاع ثما اهئ اهئ اهئ تفكرت هدا العام ماما وبابا ماهمش هنا علابالي بللي الصماطة ربي يجعهوملنا فالخير يارب
هدا هو العيد نتاع الما ايا احكيولي انتوما

[alma021]

نسيت الصباح فالعيد نوجد بلا نتاع لاتاي وبلا نتاع قهوة ونحطهم فالصالون باش اللي يجي مانضليش كل وقت نحط ياك علابالكم كي ديري يدك فالدوارة ولا البوزلوف واععععععععععععع

[alma021]

هههههه في حياتي ماغسلتش دوارة ولا بوزلوف ولا كليتهم كنت نعيفهم قبل مانتزوج كنت نهرب لماما ونقولها انا ندير الفطور وكي تزوجت عدت نغسلهم نوووووووورمال وراني ناكلهم اممممممممممم شحال بنان سورتو العصبان