تجربتي مع مغص البيبي

[**لولا**]

السلام عليكم ورحمة الله

اسعد الله اوقاتكم

في البداية احب اقول مبروووك للي عندو بيبي والله يعيييننا ع تربيتهم ويدينا الصبر

بالنسبة للمغص كتير عانيت منو ، حاليا ولدي عمروو شهر ربي يخليه
في البداية طبعا ماكنت فاهمة دا مغص ومستهونة بموضوع الغازات وكنت بعصب لما يبكي لساعات مقدر اهديه بس بديت افتح عيني لدي النقطة وجربت عدة اشياء

اول شي كنت استعمل له دوا دنتينوكس وقطرة سالينال لما يبكي كثيير اعطيه ووراه اشربو موية شوية بس مادري مالاحظت شي او مني مركزة

ثاني شي سرت ادهنو يوميا بالليل زيت زيتوون جسمو كامل حتى راسو واكوفلو وينام الحمدلله لاحظت انو يرتااااح مرررررة وتاني يوم احممو وارجع ادهنو بالليل وكنت اركز ع منطقة البطن الف حول سرتو باتجاه عقارب الساعة حتى وهو يبكي اعملو دا المساج هالسريع وكل ماغير له الحفاظة يكون جنبي الزيت وادهن عالسريع واضغط حتى تخرج الغازات
وكمان طريقة تمسيج البطن من جميع الجهات باتجاه السرة بيديني الاتنين اجمع بطنو حول السرة والحمدلله هدا كثييييير

واخر شي طحت فيه الزيت الاخضر الاندنوسي والله انووو سحرررررر من يوم تجيه المغصة ادهنو ولا دقايق يهدا وينااام مرتاح


ولما يبكي احملو ع كتفي واضغط ظهرو ع صدري وامسح عليه وادور فيه شوية ويهدا وانومو ع ركبتي ع بطنو


اهم شي مسااااج البطن كل ماغير الحفاظ مرة يساعد قبل لايجيه مغص قوي وكمان حركة اثني فيها رجلينو ع بطنو مع الضغط ع بطنووو اسويها تقريبا 4 مرات باليوم وكل ماحاول يطلع الغازات اعملها له واساعدو مررررة خف كتييير وماسار يتعبني بالبكا


ودايمن عالظهر او العصر اعطيه رضعة يانسون وشمر وكمون واحيان ينسون وكراوية هذي يوميا وطبعا يكون قبلها راضع الصباح ولما يصحى تاني اعطيه
واشربو موية مخلوطة بموية غريب بين الرضعات

واهم شي التجشؤ لازم لاززززم قبل الرضاعة وبعد واحيان مع البكا الشديد يدخل هوا ومع اللهاية
فلما الاحظو جيعان ومو قادر يمص ويبكي اعرف انو يبغا يتجشأ وفعلا احملو ويطلعها وبعدين يرضع ومرتاح
سبحان الله معدت الاطفاال صغيرة مرة وشوفو قد ايش الهوا اللي يطلع مع التجشؤ اكيد يتعبهم كتيررر

والطريقة الصحيحة هي تحمليه ع الكتف وراسو عالكتف وبطنو على صدرك ومستقيم والمسح من تحت لفوق مع ضغط خفيف حتى تيطلع الهوا كامل اما التربيت يكسرها وممكن ماتطلع كاملة وتبقى تمغصو
لازم يتجشأ طول الوقت حتى وهو شبعان وقاعد مبسوط ربي يسعدهم


انتهى

وان شاءالله تستفيدو من تجربتي

[مرتقى]

تسلمي يا عسل مبروك ما جاكي يتربى في عزك

أما كمان أسوي مثل ما تسوي فعلاً ريحتني حبيبتي و الحمدلله

[محبوبته]

مبرووك ماجاك لولا يتربى بعزك وعز ابوه يااااارب
اذكرك بتجمع الشهور الوسطى

فعلا الغازات والمغص تتعب البيبي
انا طفلي مايبكي كثير لكن يتعصر كل وقت ويطلع غازات بكثره
وصرت اشربه شاي الاعشاب نصحني الدكتور فيه

ويقولون رضاعة ايفنت ماتجيب غازات ابد ولايدخل هوا
راح اجربها وددي ارتاح ويرتاح حبيبي

شكرا ع النصايح

[روزآليندآ]

تسلمي يا عسل

[-قطر الندى-]

شكرا عالفائدة

[ارياام]

للحين بنوتي تعاني من المغص ..
اسوي لها المساج بس مو كثير لانه وانا اغير لها احيان بتصيح كثير فضطر اغيرلها بسرعه واشيلها ...
ربي يحفظهم

[o فرح عمريo]

موضوع راااااائع تسلمي حبيبتي ع النصائح
وانا كمان دائما بعد الرضاعه احملها واخلي راسها ع كتفي واشوفها كثير ترتاح وكمان اخليها على بطنها وانومها على رجلي
واستعمل قبل الرضاعه مي غريب كثييييير ارتاحت علي الحمدلله

[**لولا**]

العفو حبايبي
الله يسلمكم ويبارك فيكم

انا برضو استخدم رضاعة افنت احسن من بيجون بكتير وبرضو ماشية ع ادوية المغص وموية غريب والاعشاب

في رضاعة صغيرة مرة بلاستيك خاصة للادوية بسنتر بوينت ومرسوم عليها مقاسات المل مرة تساعدني احطها بفمو وماتطيح تثبت مع المص لانها مرة صغيرة وخفيفة لما اغيرله او امسج له ينشغل فيها احطله فيها موية غريب او دوا المغص

جربوها مرة تساعد