دردشة بنات ليبيا , دردشة حوامل ليبيا , تجمع بنات ليبيا

[أثري في مدادي]

كان حاسوبي مريـــــــــــــــــــــــــــــــــــــــــــض

مقترحك أكثر من رائع
وكلامك درر
والحقيقة الغائبة عنا
أن الطمأنينة والسعادة والسكون
في طلبنا للعلم الشرعي
فهو النور في الظلمات
وطوق النجاة

ففي الأيام الماضية أقيمت دورة في مسجد بالسراج واتنظمت فيها
كانت مدتها ستة أيام من العصر للعشاء
في الآداب الشرعية والعقيدة الصحيحة
كانت أيام بالرغم من ضغطها إلا أنها راااااااااااااااااااااااااااائعة
تشعرين أنك تسيرين في الدرب الصحيحّ
وها أنا أدلو بدلوي معك

شن رايكم في الآتي

حفظ مجموعة من الأحاديث النبوية وأقترح الأربعين نووية
وتكتب كل وحدة فينا الحديث المقرر وبعد أن تكمل كتابته تقوم بتصحيحه بضمير "" طريقة التصحيح الذاتي "
ثم تضع عدد الأخطاء
مثلا كل اسبوع ثلاثة أحاديث وفي نهاية الاسبوع نرى أينا أقل أخطاء في العرض ؟؟؟

مدارسة السيرة النبوية عن طريق
حفظ قصيدة رائعة فيها سرد لكل أحداث السيرة بشكل مجمل لا الطويل الممل ولا القصير المخل
وأقترح الأرجوزة الميئية في ذكر حال أشرف البرية
وشرحها للشيخ عبد الرزاق البدر
نخصص عدد من الأبيات حفظاً
مع دراسة شرحها ثم نلتقي ونتدارسها بطريقة سؤال جواب
القصيدة خفيفة الظل أحفظها لأبني الآن وهو متقبلها جدااااااااااااااا

ولابد من الانتباه لصحة وسلامة من نأخذ عنهم ديننا
ففي السيرة نخشى من الإسرائيليات مثلا
وفي العقيدة نخشى من الفرق الضالة
وفي التاريخ نخشى من المستشرقين
فلابـــــــــــــــد
من الاهتمام بصفاء النبع
فهذا العلم دين فانظروا عمن تأخذون دينكم بن سيرين

[أثري في مدادي]

الباين بترقدوا

طيب لنا لقااااااااااااااااااااااااااااااااااء

غداً

ولابد من تنسيق برنامـــــــــــــــــــــــــــــج
فالعمر يمضي سريعاااااااااااااااااااااااااااا

[ليبياقلبي]

مساء الخيرات هلا والله يب اتري وينك ليك وحشة كبيك كيف حالك انت وسنافرك وانا ياحنا بنبشرك حاي الحمد لله احسن من قبل بس والله نعاني كعادة ادعيلي وطلعلي ايفاد وبنطلع بنكمل قرايتي اهو بداية في وراقي
ام معاد ووووووووووووووووووووووينك انت خيتك ليكم وحشة
ام فروسي ماشاء الله برطانيا ربي يوفقككم\\
شموسة شن جوك
سوسو ربي يوفقك في قرليتك
اوشي وجوهرة شن اخباركم

[goldrose]

صباح الخير
كيف حالكم كلكم
انا في نهاية السابع وقبل اسبوعين مشيت للدكتورتي و قالتلي الماء اللي حولين البيبي زايد شوي قالت يمكن عندي سكر حمل
طلبت مني تحليل السكر الثلاثي وقالت لي لازم تجيني كل اسبوعين لان المية زايده
انا خفت هل في خطر عالجنين طمنوني
وانا درته التحليل والحمد لله قال اخصاي التحاليل طلعت النتيجه طبيعيه وامس العشيه كان موعدي مع الدكتوره مشيت واعطتني ابر كرتوزن علي خاطر رئة البيبي قالتلي لان احتمال ولاده وقالت راس البيبي لوطا والماء زايده
ولما روحت للحوش شفت الجهاز طلع اني في الاسبوع 34و5 ايام وموعدي يوم 11-6
وعلي حساب الدوره انا المفروض 30 اسبوع و2 يوم موعد الولاده 12-7
الفرق شهر علاش طمنوني وانا بكريه ماعنديش هلبه معلومات
بالله عليكم اهو عودته السؤال وردوا عليا ولو بدعوه

[وجه القمرر]

صباح الخير على احلا تجمع لبنات بلادي

[وجه القمرر]

قولد روز انشاالله ربي يطمنك ويفرحك باحلا بيبي ويكون سليم معافى يارب

[وجه القمرر]

ياناس قولولي شن الحل مع الوحم والله لاماكله ولاشراب كان التغديه والله رحت جلده عالعظم الحمد لله عالكل حال والصبر من عندك يارب

[dr.loly]

صباحو من طرابلس
تحديدا فندق باب البحر
ماشاء الله ع الهدرزة الحلوة وين نغيب يومين نلقي 18 صفحه فايتيني عمرها ماصارت خخخخخخخخخخخخخخخ
توا بالصدفه لقيت نقالي عالق ع الواي فاي تبع الفندق خط اسرع من البرق
طبعا اول امس وصلنا 9بلبل بعد قانونا الخطوط الليبيه وصلنا سته صبح بس ماعطوناش بطاقات لصعود متاعين الواسطات هدوما
عموما كالعادة زوجي اشحور وروحنا لهلي كلم صاحبه حجزلنا ف البراق ساعه خمسه عشية عدينا المطار وصلنا تسعه ونص وامس تمينا اجراءات التاشيره وبعدها جانا واحد من اصحاب زوجي الواجد هنا شالنا حوشه عازمنا... مراته ماشاء الله حانطه وعسولة
تعبت واجد بالغدا والعشا لان زوجها حلف لزوجي انا نتعشو وروح بنا 12ونص بلبل للفندق
دارت بالغداء رشدة بالبصله ومصارين وامبطن وكباب وسلاطات والعشا رز بالخلطه وفاصوليا وبيتزا وسويسرول دجاج
وكانت لطيفه بكل ونصحتني بحاجات واجد عالطلعه هم طلعوا من سبع سنوات.....وبكرة مروحين ساعه 3ظهر لن شاء الله

[sosolibya]

السلام عليكم صباح الورد


جنودة فكرة راااااااائعة وماشاء الله عليك راقية ومايجى منك غير الفائدة

[sosolibya]

اهلين بحبية قلبى ام فراس ليك وحشة الحق فاقدينك



ومشكورة انت وليبيا قلبى على التصويت