بعد الولاده بشهرين وللحين ابكي منها عادي ولا هذا اكتئاب!

[Nourah-c3]

بنات سار لي والده تقريبا شهرين وللحين اذا اتذكرتها ابكي واحس اني مخنوقه مو بكى عادي حتى لما اشوف اي فيديو او اي شي يذكرني فيها ابكي بشهاق مو بكى بسيط انتو كلكم كذا ولا وضعي مو طبيعي

[ياهم ربي كبير]

انا كنت مكتئبة باول نفاسي وكنت ابكي وأي شيء يأثر فيني
بس الحين الحمدلله تحسنت ..
النفاس معروف بالاكتئاب
بس انتي عديتي فترة النفاس دامك قلتي شهرين
مادري والله ، بس ماقلتينا وش اللي يبكيكِ بالظبط عن الولادة ؟؟؟؟؟؟؟
الله يسهل لك الأمور يارب

[ام النوني]

اللي اعرفه يجي بفترة النفاس اكتئاب اما بعد النفاس لا ، الله يعينج اختي حاولي تنسين امر الولاده الحمد لله ربي قومج منها بالسلااامه خليها مجرد ذكرى

[Nourah-c3]

كل شي. فيها لما اتذكر الغرفه والدكاتره واككككثرر شي لما اتذكر الطلق الصناعي وكل شي لاني دخلت المستشفى 7 صباح واخذت تحميله الطلق 11 ص واستمممر الطلق الين الساعه 10 ليل وبعدها جلست ابكي بقوه ولما شافني الدكتور قال الرحم خلاص مو مستحمل اكثر من كذا الطلق حامي ومفتوح 3 سم شق الكيس ونزلت المويه واعطوني ابره الظهر وامي والدكاتره ماسكين كتفي الطلق ينفضني والدكتور يبغى يحط ابره الظهر بس للاسف م حطها ليه من بدري عشان يبدا مفعولها قبل الطلق الحامي وانا كنت بعالم ثاني واللي زاد خوفي اكثر منظر الدكاتره كلهم فوق راسي ودكتور العمليه كان عندي وكنت اترجاه ابغى عمليه ولما اتذكر كيف كانو يتناقشون يبغو يدخلوني العمليات و الدكتور يقولل انتظرو شويه وهما يقولو الجنين نبضه ضعيف تعب خلاص وانا المخدر والابره والاكسجين ولا شي منها قدر يهدي الم الطلق طبعا وقتها زادو جرعات الطلق كمحاوله اخيره وخلاص لما جاب الدكتوره الورقه نوقع عالعمليه قال الدكتور الثاني دقيقه بس اشوف ولما شاف لقيه 10 سم والراس اخيرا نزلت قال لي دفي باقوى شي لان الجنين م رح يتحمل اكثر ولا تصارخين وانا ي ويلي ي انا قسم بالله اني انتفض نفض وومثبتين رجولي بالسرير وبعد معاناه لما طلعت بنتي صدمني شكلها لونها مسود خلاصص احسبها ماتت اعوذ بالله طبعا الاسبوع اللي قبله دخلت الولاده مرتين وم كان عندي ولاده لان الرحم بس ييفتح 2 سم والمره الثانيه فتح 3 ورجع 1 سم اخر شي رحت لهم على موعد الطلق الصناعي وسويته والحمدلله

[Sokr]

يمكن لانه كان يومها الم وتعب مراا
فسارت ذكرى مو حلوه
خلاص لاتفكري في ولادتك
فكري انها عدت على خير وربي رزقك بطفل
واهو شي وراح خلااص
الحمدلله على كل حال

[سماء الاحساء]

الحمدلله على السلامه وربي عداك الشر وتنسي مع الايام

[ملكتني بهمسك]

الحمدالله سارت ذكرى ربي يحفظ ولدك بتنسي مع الايام والمره الثانيه اطلبي ابره الظهر عشان ماتحسي بطلق بس انسى وفكرى بطفلك الي جبتيه نحنا زيك نفتكر بس خلاص ننسى مع الايام