غير مسجل تعالي نتساعد في ترتيب المطبخ وتنظيفة !

[**سماسم**]

ماشاء الله تبارك الله ..
تنظيف يفتح النفس تسلم يدينج يالغاليه ..
ومعاج حق تنظيف الشغاله موب مثل تنظيف صاحبه البيت ابد واستغرب من الي توليهاا امور بيتها واطفالها الله يصلح حالهم ..
مطبخج يفتح النفس يالغاليه ربي يبارك لج فيه ..
ابسألج بخور الوليد وين ينباع حبيت شكله ..
تسلمين يالغاليه على الحلى الحلو ربي يسلم يدينج ويعطيج ألف عافيه شكلها مره مشهي ابي طريقتها ..
ومتشوقه لطريقه المندي
,,

[أم رزاان]

يسلم عمرك سماسمنا الغالية
وبخور الوليد هذا بأخذة من مجمع الراشد عندنا
لو عندكم الراشد بتلاقية فية !

وهو يجي طقم في علبة خشبية

فيها .. عطر ،، بخور ،، لوشن للجسم ،، وخمرية

وسعر الطقم كامل بحدود 300 ريال

والبخور لوحدة بـ 70 ريال

والحلى والمندي أبشري بعزك ياقلبي

إن شاء الله أنزل قريب طريقتهم .. وفديتك على هالمتابعة يالغالية

[ندوووش]

واوووووو خطير هالموضوع

ان شاء الله استفيد والكل يستفيد منه

ادواتتت التنظيف تقريبآآآآ نفس ادواتي الي استخدمهاا لتنظيف

ووفكرة صاابون لكس ان شاء الله بجربهاا عندي كم قدر يبغاالهم شغل

ههههههههههههههههههههههههه

اناا طريقتي في التنظيف حلووه وسهله ومو متعبه ابد

يوم كاامل اخصصه لغسل الملابس اناا اغسل مره وحده في الاسبوع

اليوم الثااني انظف البيت من كنيس وتمسيح وغسيل حمامات وانتم بكرراااامه

وغسي المغااسل

وبعدهاا امسح التحف وارفوف والمراياات واذا خلصت كنست ومسحت البيت
ولازم كل اسبوعين اغسل البيت غسيل كاامل

المطبخ عندي دايم نظيف لاني انظفه اول بااول بعد كل وجبه
وفي الليل قبل لاناام انظفه تنظيف كامل من شطف السيراميك وتمسيح الدولايب بمنظف القزاز
لان دولابي استيل لونه اسود وفضي
فيباان فيه الوسخ ع طول عشاان كذا لازم امسحه كل يوم
لانه جديد ومااصدقت اسويه ومسويه فيهاا يعني مهتمه

ههههههههههههههههههههه

واخر شي البخوووووووور اذا نظفت البيت لازم ابخر واذا ماابخرت احس مااكني نظفت

ابغاا منكم خدمه ياليت تسااعدوني فيهااا

اناا عندي الصااله مسويتهاا جلد معنهاا جديده مالهاا الا شهرين الا فيهاا بقع بسيطه

حاولت انظفهاا ماانظفت واداواة التنظيف والمويه علمة ع الجلد اش اسوي
وكيف انظفهاااااا

[أم رزاان]

هلا ومية غلا ندوووش
ماشاء الله طريقتك حلوة بالتنظيف
وأنا اشوف فعلاً أن التنظيف اول باول يريح كثير
وبالنسبة لسؤالك يالغالية فية صابون خاص بالجلد اسمة saddle soap
ينظف ويلمع الجلد وتلاقية في السوبر ماركت الكبيرة او محلات الجلود !

[ندوووش]

يسلمو يااعسل ياارب يجيب نتيجه

لاني مقهوووووره توهاا جديده ولسى محد شااف بيتي بعد التغير والتعديل

[شهد محسن]

بصرآحه الموضوع يجنن
وليا رجعه

[سمآأإسيمو]

موضوع اكثر من رائع
بصراحة مرة يحمسس ع النظافه والترتيب ..؛
بس انا حاليا عند اهلي عشان حامل وولادتي قربت :( < الله يسهلها يارب
بس ان شاء الله بعد ما اخلص الاربعين ارجع لبيتي بحممممماااس
واحسن الشي التنظيف اول باول
عشان ما تتعبي وعلى طول يكون بيتك مرتب
ويسعدك ربي ام رزان ع موضوعك الحلوو ..

[أم رزاان]

ندوش الغالية
الجلد حلو بس مشكلتة انو اي شي يبان فية !
إن شاء تجربي الصابون وينفع معك

الغالية شهد محسن
في إنتظار عودتك يالغالية ليكتمل الموضوع بوجودك ومشارتك

سماسيمو .. ياااارب تقومي بالسلامة
وتولدي على خير وأنت وصغير بكل الصحة والعافية
وتجي تشاركينا :)

[أم رزاان]

من الأمور الأساسية الي
جعلتني أثبت على مسار التغيير في حياتي للأفضل
وأنظم وقتي ويصبح بيتي نظيف مرتب
ونفسيتي مرتاحة ومطمئنة .. هي عدة أمور !

1- الصلاة في وقتها
2 - كثرة الإستغفار
3 - الإكثار من الصلاة على سيدنا محمد وجعل اللسان رطباً بذكر الله على الدوام
تارة بالسر وتارة بصوت مسموع ليشجع من حولك على ذلك !!

4 - النوم مبكراً والإستيقاض مبكراً
5 - تنظيم الوقت وعدم الفوضوية بالشغل ! " مهم "
6 - عدم تأجل اي عمل لغير وقتة ! " يعني اليوم حددت أني أتفرغ لتنظيف
وترتيب غرفة النوم .. التزم بهذا العمل ولا اؤجلة ابداً
7 - إحتساب تعبي وما اقوم به عند الله !
8 - عدم الإعتماد على الخدم والشغالات في أعمال التنظيف والترتيب بل متابعتهم وتوجيههم


والله الذي لا إله إلا هو عندما مشيت على هذة النقاط تغيرت حياتي 180 درجة
واصبح بيتي ومملكتي كأنها جنة
ونفسيتي جداً مرتاحة واصبحت اعشق التفنن في الطبخ ودخول المطبخ
اتفنن في لبسي ونظافتي لجسمي والإعتناء بنفسي !
أصبحت قريبة جداً من زوجي وابنائي !
أصبحت أحب وينشرح صدري للزيارت واستقبال الضيوف !
احس وأشعر بالغبطة والسعادة وأنا ارى كل من حولي يسألني عن طبختي الفلانية
وطريقة ترتيبي للمكان الفلاني في بيتي !
او عن رائحة عطري وبخوري وصبغة شعري !

التغيير وترتيب بيتك وتنظيفة حلو يا أخوات وله لذة لا تضاهيها اي لذة
فقط نحتاج للعزيمة والإرادة والتوكل على الله .. وأن يكون دافع التغيير نابع من ذاتك !!

[ندوووش]

خطواات وطرق رااااائعه

اناا صرااحه تجيني فترات اكسل وفعلآ اذا اجلت اتعب في الشغل بعدين

متااااابعه لك ولنصااائحك يالغلا