كوني جميلة وأصمتي00
لكل البنات00موضوعي راح يتكلم عن الجمال,,بعيد جدآعن عناصر الجمال الحسيه00
مارح اتكلم عن الوصفات ولا أفضل الماركات
موضوعي معنوي ونفسي
الجمال صفه الكل يتمنى انها تكون فيه
يمكن الاهتمام بموضوع الجمال يكون شي فطري فينا لأننا بنات قبل ما نكون بنات حنا اناث00
بس كل بنت تقدر تكون جميله؟؟
الله يخلي الكوافيرات والصالونات تدخلين شبهه وتطلعين فلقة قمر
ماشاءالله مستحضرات التجميل ماتقصر كل عله فينا لها مستحضر خاص فيها
يعني الزبده كل أنثى تقدر تكون جميله لكن هل كل جميله تقدر تكون أنثى
بعض الاقوال عن المرأه,,
لاشي يرفع قدر المرأه كالعفه--أديسون
المرأه مثال الرقه والجمال--أفلاطون
لايوجد ارق من حديث المرأه المتعلمة--مدام روستايل
الجمال بلا فضيله كالزهره بلا عبير---لورد بايرون
الجمال بلا حياء ورد بلا عطر---بوشكين
الجمال هو الحسن في الخلق والخلق---افلاطون
كوني جميله وأصمتي أكوني أنثى00
لك الخيار طبعا تقدرين تكوني حلوه وجميله
وتقدرين تكوني أنثى بمعنى الكلمه00ومفعول الأنوثه اقوى ع الناس من الجمال المزيف
مارح أقول كيف تصبحين أنثى ؟ لانك اصلا أنثى
لكن راح اقول كيف تحافظين ع انؤثتك؟
1/ ابعدي عن المكياج الثقيييييل والمصطنع واللي يمحي ويغير كل ملامحك طبعا اقصدفي الحياه اليوميه
يعني كحل وبلاشر خفيف وقلوس وردي ناعم كوني دايما بسيطه
2/ اهتمي بنظافتك الشخصيه طبعا ماراح اقول وش اللي لك وش اللي عليك,بس كوني نظيفه من فوق لتحت
شعرك خلي ريحة الشامبو تفوح منه
جسمك رطبيه خليه ناعم املس زي بشرة الاطفال دايما
اظافرك اذا كنتي مو من النوع اللي يحافظ عليها كثير لا تطولينها لانها تتوسخ بسرعه ومنظرها بصير بشع جدا فقصيها احسن يطلع شكلها حلو ومرتب وتقدرين تحطين مناكير لون ترابي او ابيض او وردي بسيط مع لمعه يطلع شكلها حلو
3/ طهري فمك اذا تعاني من روائح كريهه استخدمي غسول او مويه وملح اهم شي لا تطنشين الموضوع
واذا كنتي من النوع اللي ياكل علك كليها بس من غير ماتحسسين كل الناس اللي حولك انك تمضغين علك ترا بيطلع شكلك بايخ جدا
4/تميزي بريحة عطرك كوني دايما متعطره بعطر منعش وريحته بارده وخفيفه ومميزه
العطور القويه خليه في الناسبات دايما
5/ رتبي حواجبك ما اقوالك نمصيها ولا شقريها بس ممكن بمحدد الحواجب رح يتغير شكلها
6/ حولي ماتضحكين بصوت عالي وتصفيق ادا كنتي في مكان عام ترا يطلع شكلك مو حلو
يمكن انتي تكوني حبوبه وطيبه وتحبين الفله وهذى طبيعتك تضحكين كذا لكن غيرك يمكن يحكم عليك بالخفه
رآق لي هالموضوع وحبيت انقله لكم
انشاء الله تستفيدون منه
05-21-2012, 08:52 PM
كوني جميله وأصمتي ؟؟
قلبي يهواك 
رد: كوني جميله وأصمتي ؟؟
رد: كوني جميله وأصمتي ؟؟
جديد منتدى منتدى الحياة الأسرية والزوجية
العرض العادي
