تجمع لحوامل شهر جمادى الأولى 1433

lody · 04-03-2012, 02:14 AM

اقتباس:

المشاركة الأصلية كتبت بواسطة white sugar

لودي ليش انتي فكم اسبوع ؟

انا بكرا اخر يوم لي في الاسبوع 38 وبعد بكرا ادخل الاسبوع 39
دكتورتي تبغاني اولد طبيعي بدون محرضات ،، بس خايفه على موية البيبي لانها مره قليل على الحفه عشان كذامنعتني من الحركه نهائيا والجماع ..
وانا ودي امشي عشان اولد بسرعه ،، معرف شسوي والبلوه اني بكريه

noni · 04-03-2012, 02:15 AM

وربي فيني حووووول

معليش الدلع انت الي طلبتي الارقام
وكتبت في الرد بنت العز
العتب على النظر

شذى وينها اليوم يارب تطمنا عليها

noni · 04-03-2012, 02:17 AM

لودي ان شاء الله حبيبتي تولدين بدون طلق وتحريض

ذكرتيني بام بدر كانت متخوفه زيك
والحمد لله ماشاء الله ولدت طبيعي

white sugar · 04-03-2012, 02:18 AM

حلو ردك يستاهل .. والله شي يقهر
انا عن نفسي قايلتله مافي طبيخ ولا نفيخ مدام مافي شغالة
ولا هوا راضي يخليني اروح لاهلي ويجي معايا
اساسا هوا يتغدى في العمل بس في العادة لما يرجع اكون طابخة لانو غداه في الضهر ويرجع بعد المغرب

جا مسكين جيعان قلتله ماطبخت قلي خلاص حاكل تفاحة وانام خفيف
حزنت عليه وقمت سويتلهم عشا مع اني تعبانة من شغل اليوم
نفضت البيت وغسلت الغسيل .. وجلست اجهز الشنط حقت البحر
غير ولدي نكت الدولاب كله ورجعت ارتبه .. بس قلتله بعد ما نرجع حروح على اهلي خلاص طفشت

white sugar · 04-03-2012, 02:28 AM

احلى حاجة النفسية داون وجالسة اقرا قصص تجيب الهم والغم
بالله شفتو احلى من كدا

noni · 04-03-2012, 02:29 AM

والله نفس معاناتي هههههه
امس تخانقنا على الغداء قلتله اذا وقفت تجيني دوخه
لقيته داخل علي بخضار يقول ابي ايدام
وسويته من غير نفس
وحطيته له ورحت نمت انا وبنتي
وعصب يقول تركتوني لحالي
ويوم جاء بالليل قلت يا انك تريحني من الغداء يا بروح لامي ههههه
عاد مثل زوجك مو راضي يخليني اروح لاهلي
ولا راضي ياكل عند اهله
احترت معاه
واختي تقول لاترحمينه شيلي ملابسك وتعالي لامي هههههه
بس بالاخير ارحمه واجلس اقول بنتركه انا وبنتي طول النفاس خليه يشبع مننا

المخملية · 04-03-2012, 02:32 AM

افكر اتصل على زوجي واخاااصمو واطلع حرت الحمل فيه
البنت هذي مشتركين فيها
انا عليا الحمل والتعب وهو عليه يتحملني
ايش رايكم مو فكررة؟ >>> برا

كنت احس بالثامن مغوص مع التاسع اختفت
ايش الهرجة

noni · 04-03-2012, 02:33 AM

سكر قصص ايش؟
لا تسوين مثلي في حملي الاول مابقى قصه عن القيصريه ماقريتها
ومن كثر خوفي من العمليه
ولدت قيصري

المخملية · 04-03-2012, 02:36 AM

نوني على فكرة سألت ماما عن المصع
قالت احنا نسميه المشع
ههههههه جنب بعض
اسامي مدري كيف

وايت تعوذي من الشيطاان وبلاشي قصص تجيب الهم

white sugar · 04-03-2012, 02:38 AM

اصلا احنا ايش اللي بالينا غير طيبة قلبنا
والله الصراحة الصراحة بلاش افتري على زوجي هوا مراعيني بالمرة
بس تعرفي الرجال وتناحتهم
ماتعتمدي عليهم فشي اقلها في البيت انتي تتعبي وتنضفي وترفعي من هنا
ويجيكي هوا مهدود من الشغل الله يكرمك الجزمة عند بابا البيت والشراب جمب الكنبة فغرفة التلفزيون
والملابس على السرير وازا قلتيله ليش ما تترتب ( ازا رايق قام يمزح معاكي ويرفع الحضيرة اللي سواها وهوا ساكت
عشان ما تزعلي ) (وازا جاي متكفرن من الشغل تار عليكي )

واخر شي ما نستغني عنهم .. بس والله وضعنا صعب

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجمع حوامل اللي موعد ولادتهم في شهر محرم 1433	غزاله شقرا	إستفسارات مرحلة الولادة	19214	05-15-2012 01:11 PM
تجمع الأمهات اللاتي سيلدن بشهر ربيع الثاني 1433	leeean	إستفسارات مرحلة الولادة	7436	04-17-2012 04:42 PM
تجمع النساء اللاواتي سيلدن بشهر ربيع الأول 1433	Om KHaled	إستفسارات مرحلة الولادة	3124	03-05-2012 01:33 AM
تجمع وفضفضة حوامل شهر * صفر *1433	Om KHaled	إستفسارات مرحلة الولادة	2540	02-11-2012 09:48 PM