تجمع لحوامل شهر جمادى الأولى 1433

[ذبلت ورودك]

م ـــرحبا احلى كروشات
كيفكم اليوم ..؟
ام رزان شوفي ضغطك اذا كان مرتفع والتورم شديد
بكفوفك هذا خطر لازم تروحي ع المستشفى،،،
الاشعه رباعي ابعاد مو ضروريه بس انا كمان ابي اسويها
بالنسبه للتجهيزات والمفرش انا عندي حقات ولدي صار لها سنه ونص
بس وسرير البيبي كمان يعني لو كانت بنوته باآخذ كم قطعه حلوه وبجهز
اعشابي وكريماتي ،،
بنات احس أني بديت احلو وبشرتي رجعت زي قبل والشعر بجسمي قل مره
لما أجي أنظف ايدين مافيه شيئ
بطني طالعه لقدام والجوانب فاضيه وبديت احس بثقل البيبي ع عظمة العانه
واحس أني خفيفه الحمدلله ،،

[سهاد-الروح]

مساء الخير بنوتات اخباركم ياحلوووات
ام رزان كلام ذبلت ورودك صحيح احيانا التورم يكون ضغط الله يشفيك يالغالية وتطمنينا عنك ..
بنات وش اخبار البيبيهات معكم البارحة لحد الظهر والبيبي بس يرفس مدري وش يبي خفت له فترة مايرفس كذا ... يحفظه ربي يبرز عضلاتة ههههههههههههه
بنات كل وحدة تقول وش ناوية تسمي البيبي تبعها
انا ان شاء الله (محمد)...

[ذبلت ورودك]

هلا سهاد كيفك ،،؟
ياقلبي عليه حمودي الله يفرحك بشوفته سليم معافى
انا لو جت لي بنوته بسميها تولين 

[متغربه]

وحشتوني يالغاليات.. كيفكم؟؟
سروؤه.. لا تخافين أنا متزوجه ولد عمي واختي ماخذه اخوه، واخواني ماخذين بنات عمي والحمد لله كل اطفالنا سليمين يارب لك الحمد والشكر والمنه، توكلي على ربك والله يقومك بالسلامه يارب..
قمر.. كيفك يا عمري، الاكتئاب في الفتره هاذي من الحمل لا بد منه لأنها اطول فتره وممله لأبعد حد وطول الوقت تنتظرين متى تخلصين والثقل توه يبدى صح، أنا يجيني هالاكتئاب من فتره لفتره والغربه تزيده عشان كذا أحاول ألهي نفسي بأي شي أحبه.. اذا شريتي اغراض البيبي بتنبسطين بتحسين الموضوع قرب، وبالنسبه للخياطه التجميليه انا ما سويتها ولا مره ورغم هذا كل شي تمام، بس ودي اجربها لأن اخواتي جربوها يقولون ان المنطقه تطلع ضيقه لدرجة الاحساس بالألم وقت الجماع وكأنك بكر، وهذا طبعا بس أول الفتره يعني ترجعين كنك عروس ..

[متغربه]

سهاد الروح.. والله اني محتاره بالأسم امي تبيني اسمي محمد على الوالد الله يرحمه وأنا ودي بعد، بس كل اخواني واخواتي مسمينه وفيه عندهم صغار نفس الأسم، ودي يكبرون شوي واسمي الجاي أن شاء الله محمد، زوجي يبي ياسر وأنا نفسي في جواد.. وشكلنا في النهايه بنسمي محمد افضل واشرف الاسماء..

[ريم11]

كيفكم يااحلى كروشات ان شاءالله بخير

متغربه اخبارك ..؟ اختبارات الحمدلله كلها حلو باقي واحد يارب يكون مثلهم..
سهاد-الروح .. ماشاءالله ولدك زي ولدي ماشاءالله بس يرفس الله يحفظهم يارب ..
ام رزان .. كيفك يالغاليه من التورم ان شاءالله احسن الحين ..
ذبلت ورودك .. اخبارك يالغاليه .؟

اما عن الاسم زوجي يبي يسمي على اسم ابوه الله يرحمه
انا مااابي احسه قديم ولي مطمني ان اخواته كمان رافضين انه يسمي على اسم ابوهم
ان شاءالله يقتنع ويغير الاسم يارب

[عنقودة]

سلام صبايا وحشتوني كثير من زمان عنكم
ام رازان الف سلامة عليكي يالغالية طمنينا عنك
سهاد الروح ولدك زي بنتي بس يرفس وبقوة كمان هههههه
وبالنسبة للاسم والله لسى محتارة انا مررررة عاجبني تولين بس قالو مكروه مدري ليه
فسويت موضوع لاني محتارة بين دانة وليان وبديت اقتنع ب ليان لكن انصدمت ان وحدة من قرايبنا ولدت قبل اسبوعين وسمت بنتها ليان

[سهاد-الروح]

اخيرا رجع المنتدى كنت بمووووت من الطفش والله اتونس وانا هنا
الله يسعدكم بنات وش اخباركم واحد شاف ام رازان الله والله مشغووووووولة كثير معها الله يطمنا عليها
هلا متغربة كيف حالك .. اممممم الله يعينك يالغالية احس يحير اذا كل العايلة مسمين محمد بس اهم شي اتفقي مع زوجك واسم محمد مابه شي حتى وهو قديم يبقى شرف لنا لانه اسم نبينا وبعد انتي اسم ابوك الله يرحمة يارب ...

ريم لاتحاتي انا زوجي كان مخيرني بين اسم اببوه واسم اخوه الله يرحمة بس اسم ابوة ما عجبني مع ان اخوي بنفس الاسم وشفت ان محمد حلو وبغض النظر على انه بيكون ع اسم اخوة الله يرحمة كمان شرف لي انه اسم نبينا محمد علية افضل الصلاة والسلام
وانتي حاولي تقنعية بالحسنى شوي وبالدلع شويتين وهيك حركااات بيرضى وفي النهاية لاتزعلي حالك الاسم كاتبة ربي من قبل ما يخلقة والله يكون بعون الكل ....

حبيبتي عنقودة انا اعرف معنى اسم تالين ....اتوقع التالين لكتاب الله
اما تولين ما ادري وش معناة
وليان احسة كثير مسمين ليان بس دان مع انة كثير الا انة يجنن مررررررة >>>وجهة نظر ...
انا كان نفسي ببنت كنت بسميها دانة او سهاد ...اذا قررتي ع اسم قولي لنا
او اجمعي كذا اسم واطرحيهم وسوي تصويت ع الاكثر ...والله يفرحك فيها يارب...

[عنقودة]

هلا سهاد الروح كيفك يالغلا احنا عندنا في العايلة مافي ليان او دانة مع انه موجديد بس مافي ابد الا الحين لما ولدت قريبتي وسمت مررة انقهرت وتولين مررة عاجبني

الله يتمم لك حملك على خير ويفرحك بشوفة حمودي سليم معافى ياارب

[سهاد-الروح]

اميييييييييييييين عنقووودة وياك يارب وكل البنات
بس ماقلتي وش معنى تولين ... الاسم بالمعنى ...