عملت منظار رحمي داخلي

[ابتسامتي سر سعادتي]

السلام عليكم ورحمة الله وبركاته
كيفكم يا خواتس الغااااالياااات
اليوم كان موعدي الساعة 7 ونص صباحا مشان اعمل منظار رحمي داخلي غير جراحي
وعملته هو طريقته
انه بستلقي على سرير بيشبه اسرة الولادة وبتكون كعب الرجل على حامل خاص بيها وبيكون السرير مستوي
بعدين الدكتور بيدخل جهاز فتح المهبل اللي بيستخدم في الكشف النسائي العادي
مشان يوسع فتحة المهبل وبعدها بيدخل جهاز المنظار من تحت وهو تقريبا طوله وعرضه بيشبه الانتل تبع الراديو تبع الارسال يارب تكونوا فهمتو
بعدين بيكشف من جوا بواسطة تلفزيون بيتفرج على يلي بصورو المنظار وبشوف
العملية كلها ما بتستغرق 5 دقايق
بس بصراحة ما شفت التلفزيون من الالم هو الالم مش شديد بس بيوجع شوية

والحمد لله الحمد لله الحمد لله ما في مشاكل وما في لحمية وبداية الانابيب مفتوحة
كنت خايفة كتير قبل العملية بس الحمد لله ما بتخوف ومش صعبة وما بتوجع كتير

يلا ربنا يرزقنا الذرية الصالحة يارب

[همسات ام]

حبيبتي الحمد لله على سلامتك والله يرزقك بالذريه عاجلا غير اجل

[عبير الورد !]

الف حمدالله على السلامه حبيبتي وربي يفرح قلبك بالحمل والذريه المعافاه
سؤالي هو مااعطاكي بنج او مخدر او مسكن
وكمان ليش مو من فوق السره عملك اياه ؟

[جوهرة سوس]

الحمد لله على سلامتك
ربنا هب لنا من الصالحين امين

[وسناء]

ربي يسعدك ويرزقك والحمدلله على النتيجه
انا المفروض عندي هالشهر مثلها بس مارحت أجلتها للشهر الجاي ومرة متخوفة منها بس ان شاءالله اتشجع مثلك واروح

[ابتسامتي سر سعادتي]

حبيبتي همسات الله يسلم قلبك تسلميلي يارب

[ابتسامتي سر سعادتي]

حبيبتي الله يسلمك يارب والله يسمع دعاك يارب
لا حبيبتي ما في بنج ولا مسكن هي متل ابرة الزيت
ما فيها مسكن
مو من فوق السرة لانه هاد المنظار تشخيصي ولو طلع في شي لا سمح الله بيعملوا المنظار الجراحي اللي هو من فوق السرة
الله يرزقنا الذرية يارب

[ابتسامتي سر سعادتي]

حبيبتي جوهر الله يسلمك يا عمري
تسلمي والله يسمع دعاك وما يحرمنا وجع الطلق يارب

[ابتسامتي سر سعادتي]

حبيبتي وسناء اذا منظارك مثل هاذا اللي عملته توكلي على الله وسويه لا تخافي ما في اي شي
تشجعي واعملي كل اللي عليكي وادعي ربنا يسر امورك ويرزقك

[nadabonn]

الحمد لله على سلامتك حبيبتي انتي لاي سبب عملتي هذا المنظار و هل هو كافي لاكتشاف اي التصاقات او اي شيء غير طبيعي في الانابيب ؟