تجمع الحوامل الي بيولدون في شهر ذو القعده ^_^

[فجر الباسل]

اناشاء الله اقوم بسلامه وراح اسم بنتي ضحى او شادن زوجي يقول شادن احلا
وفي اسماء لاحتياط مثل قمر وفجر

[احبها حب 1]

للاسف ياحاملة قيمي بنتي طالعه ثاني ابتدائي يعني توها
الله يعين بس

[احبها حب 1]

اذا ولد ان شاء الله عبد الله

واذا بنت جنان او غاده

ويمكن تطلع اسماء جديدة

[%ريحانة الدنيا%]

المشاركة الأصلية كتبت بواسطة ام جنى2009

صباح الخير حلوات كيفكن شكرا الكم كلكم الحمدلله عدت على خير اجاني مغص فجنبي مبارح خفت قلت الله يستر والي زاد الطين بلة بنتي سخنت وخليت ابوها يوديها المستوصف ومارحت معهم كنت تعبانة وطلع معها التهاب لوز ياساتر استر كان مبارح يوووووم الله يعدي الايام على خير

سلامة بنتك ياأم جنى ماتشوف شر ان شاءالله اعطيها ليمون دافي تشربه واخلطي معاها ملعقه عسل وحيخف الالتهاب
وعسى ربي يخلي ايامك الجايه كلها خير وسعاده
لاتوتري نفسك فوق طاقتك ياقمر

[%ريحانة الدنيا%]

المشاركة الأصلية كتبت بواسطة حاملة قيمي

جمره ,,,صادقه بشرتي فاتحه وصارت عر وقي شفافه
احبها حب ..وعليكم السلام ..اذا كانت بنتك من صف رابع وفوق خليها تعتمد ع نفسها
والله يهون عليك بوقتك وبحده يارب
ريحانه ..اما عن الاسماء انا وزوجي كتبنا تقريبا 3 اسماء وننتظر بعد الولاده ترشيح من اهله واهلي
( ليندا ,, همس,, ضفاف ,, )..رغم ان عندي ولد اسمه زياد بس ما احب اطقم بالاسماء
يلا اش رايكم انتم ايهم احلى ؟؟؟؟؟؟؟؟؟؟؟؟؟؟؟

حامله قيمي احس همس وليندا احلى من ضفاف
مع ان ضفاف صح غريب ومميز بس ماينفع يتدلع ثقيل شوي

[%ريحانة الدنيا%]

بحيرة الأسرار لاتتعبي نفسك وربي حتى انا زيك ومو عارفه اشتري ايش ولا ايش
وربي ماأخذت حاجه بعد
وبالنسبه للولاده تحملي ياقلبي مابقى شي اللي صبرك هالشهور اللي راحت حيصبرك اللحين
وربي كلنا نفسنا نولد بدري بس انا اخاف اولد بالثامن
وتجي بنتي عندها نقص مناعه ولا شي نصبر للتاسع
وربك يفرجها
ولاتزعلي زوجك مالكم الابعض مع انه كلنا مع الحمل تصير النفسيات زفت بس مشي حالك
وان شاءالله تولدين بالسلامه ويجي طفلكم يملي عليكم حياتكم بالسعاده يارب

[حاملة قيمي]

المشاركة الأصلية كتبت بواسطة %ريحانة الدنيا%

حامله قيمي احس همس وليندا احلى من ضفاف
مع ان ضفاف صح غريب ومميز بس ماينفع يتدلع ثقيل شوي

اسعدني رأيك ريحانه ...وضفاف اخر ترشيح

[حاملة قيمي]

بحيرة الاسرار ,, اولا هلابك وان شاء الله تنبسطي معنا
بعدين غريبه ليه نفسيتك كذا وانتي اول مولود اتذكر شعوري بالمولود الاول
كنا انا وزوجي حيل مبسوطين لدرجة اتذكر كان يجهز معي من الشهر الخامس
وحنا نجهز له ونراقب بطني يوم بيوم وهو يكبر وحنا متشققين من الوناسه
عيشي لحظات حلوه واولى بحياتك لا تنكديها ..
من ناحيه ماعندك احد معك الله وزووووووجك يكفي عن اهلك واهله
انا ما دخل معي غير زوجي ربي يخليه لي ولا يحرمني منه
ربي يسهل عليك

[عشيري2000]

على طاري النفسيات مدري وش اقول وش اخلي انا عارفه ان الحامل حساسه واي شيء

يطيح دمعتها بس مو معقوله لهذي الدرجه :

صراحه انا في الفتره الاخيره اضغط على نفسي كثير عشان اكون بشوشه عند زوجي وعيالي

بس احسها تمشي عى عيالي لسى صغار بس مشكلتي زوجيالله يهديه صاير يعصب على اتفه

الامور ومايتحمل مني كلمه ونفسه في خشمه لدرجه فضيعه ماتخيلون والله احترت مدري وش

اسوي الاقيها من تعب الحمل والا من زوجي على انه طيب وحبوب بس مدري وش جاه معقوله

مل من فتره الحمل طيب انا شسوي هذي سنه الحياه وهذا ثالث حمل لي وانا اقول ماجبت خير

وبركه اذا الامور راح تكون بهذا السؤ الله يخليلي اللي عندي ونكتفي بهذ القدر ونتفرغ لتربيتهم

ماتتخيلون قد ايش متازمه نفسيتي العيد بعد يوم وانا واياه ماكاننا في بيت واحد لاكلام ولا سلام

ولاتقارب نفسي ولا جسدي ولا شيء بس مااقول الالجل عين تكرم مديييييينه بتحمل على شان

عيون(بتولي)

والله ياجرني على كثر ماجاني وعلى كثر ماتحملت

اللهم لك الحمد كما ينبغي لجلال وجك وعظيم سلطانك

[حاملة قيمي]

عشيري
هونيها وتهون مابقى شي يا معوده كلها ايام ان شاء الله وتسهل ويتغير كل شي
بعد الرجال ما ينلام وده يغير روتينه وده يفرفش
عاد انتي سويله ليلة عيد على قد نفسك يعني لا تتكلفي بس خليه يحس انك
مراعيه شعوره واجمعيها عصفورين بحجر تصفية نفوس وعيديه
قتوه خفيف وعصيره اللي يحب وهدية بسيطه مررره يعرف انك ما نسيتيه
غيري شي بسيط في ديكور غرفتك لمسات بسيطه صدقيني بينبسط رغم بسوطة اللي سويتي له بس اهم شي تغير عليه الروتين ربي يسخره لك ويطيب نفسه وكل عام وانتي بخير