هنا تجمع حوامل الشهر (الرابع والخامس والسادس)

[دنيتى غريبه]

المشاركة الأصلية كتبت بواسطة ليونيته

انا مضطره اسوي مرتين سونار اروح العياده عند الدكتوره تعطيني حديد تقولي لازم اشوف البيبي وبعد اسبوع موعدي الاساسي في المستشفى الدكتور يسويلي سونار وانا خايفه وش الحل

ليش مظطره كنت انا اول اسوى زيك بس احين ظليت على دكتوره وحده احسن

مادرى بس ان شاءالله مافيه ضرر سئلى دكتوره شوفى وش تقول لك

[شموخ الكون]

طيب انتي ليش تروحين لدكتور الي في المستشفى
والدكتوره الي في العياده خليك عند واحد وبس
ومن ايش خايفه دام انك الحمدالله ماتحسين بشي ووضعك طبيعي

[ليونيته]

لاءن اذا ماسويت عندها سونار بتقولي لاتجين عندي تاخذين حبوب والحبوب الي عندها احسن من المستشفى والتلفزيون لسونار واضح ماشاء الله احسن من المستشفى عرفتي مدري وش الحل وماقدر اجلس عندها المستشفى اهم اني اروح اراجع عندهم

[شموخ الكون]

مشكلتي مع سواقي اخلاقه ياختي اسلوبه وطريقته في التعامل معنا
كانه يقول احمدو ربكم اني قابل اقعد معكم كانه قاعد عندنا كرم منه وعطف
اليوم فتحت باب السياره الي قدام ومسحت فيه البلاط قدام الناس والله فقد اعصابي
ياختي الله يصيبهم شر لابد منه

[دنيتى غريبه]

في ربيع ثانى سئلتها قلت لها تبين تظلين عشان نجدد اقامه قالت ايه بقعد
يوم الاربعاء جددنا اقامتها بس ماقلت لها ن جددناها
المهم يوم سبت من بعد ماخلصت تجهيز البنات وكان احد يقول لى نبشي كنبات وشلت مخدات الكنبات الا اشوف ذاك الوسخ ياكثره تحته من شهر مانظفته
وشلت فرش من عليه لانهم وسخين
وبعدها دخلت المطبخ وشلت فرشات صغار من دواليب وشفت غبار والوسخ خلاص طلع جنونى

ناديت عليها قلت لها هذا بيت فيه شغاله انتى تشتغلين ولا بس شغل وكل قعده على تلفزيون ماشفتها الا تصرخ على تقول لى خلاص انا بعد عشره شهر بمشي
خلاص وبدا صراخ قلت لها كل اسشبوع نظفى دواليب المطبخ تقول لا في شهر مره
والله انها ماتنظف مكيفاتالا انا اقول لها ودواليب

واحين لما جيت اسوي عشاء اشيك على دواليب واشوف الغبار ياكثره وش اسوي معها
والله انها جننتنى شكلها زفته متعمده تسوي كذا يكفى انها اذا رحنا بيت اهلى او بيت اهلى كل تطلب منههم تاخذ بدون ماتقول لى



هذي قصتى معها بشوف ابو حمود بقوله يكلمها بكره لانى انا اعصب بسرعه وضغظى يرتفع وسكر بعد وانا موناقصه هم سكر وضغط

[ليونيته]

انا خايفه من كثره السونار كفايه اني من الشهر الاول وانا احط كريم في جسمس كرتزون خطير فيني اكزيمه حاده بسم الله عليكم الله يشفيني والله يستر والله اني ادعي ربي يجيني البيبي كامل الخلقه ومعافه انا حزينه

[دنيتى غريبه]

شموخ شكل سواقك مع شغالتى

جايهم جنون ههههههههههههههههههههههههه

[دنيتى غريبه]

ليونته مادرى وش اقول لك
غير لازم تاخذين
استشاره من دكتوره افضل

[ليونيته]

وش جنسيت خدامتك الله ياخذها لا تكلمينها انتي محناجه لها علشان الولاده هي متعمده شافتك باقي شوي وتولدين قالت اخرب واروح عنها الله لا يوفقهم

[شموخ الكون]

ليون ترى انتي مثلي انا نفس الشي
اروح عند دكتوره في العياده اذا كنت تعبانه ولان السونار عندها اسرع مافي مواعيد واروح عند دكتوره في التخصصي لاني بولد فيه واكره السونار عندهم يعطونك موعد عشر ايام اسبوعين تقولين مستشفى حكومي