دخلت العاشر الخميس، وبكرة موعدي

[Um Dana]

هلا وغلا كروشات شلونكم؟

يوم الخميس دخلت العاشر وموعد ولادتي اليوم بس مافي بوادر ولادة

المهم قالت الدكتورة لعديتي الاثنين ولاولدتي تعالي وبنركب لك طلق

وعطتني موعد الثلاثاء الي هو بكرة

وانا حدي خايفه

ولا ابي طلق صناعي


مع اني امشي واكل تمر واشرب اعشاب


قولولي ع حل تكفون

[خوخه بريه]

الدعاء والصدقة والاستغفار
ربي يفرحك يااارب
ويرزقنا يالغلاااا
ويتمم لناع خير

[شموسه]

هلااا فيج

شوفي انا صار معاي مثلج واستمريت بالعاشر 3 ايام
وشربت زيت خروع
من الصيدليه وانتي بكرامه جاني اسهال ورحت الدكتوره قالت لي عندتج1 سم مفتوح قالت استمري عليه لين تحسين بطلوق بس هي وسعتلي يعني اكشفت علي

وربي يسهل عليج يارب

[اللهم لك الحمد]

الله يهونهاااا علينااا كلنااااا

[شهرزاااد]

حبيبتي لا تستعجلي اذا وضعك ووضع البيبي كويس انتظري يجيكي الطلق الطبيعي
واذا اكلتي التمر والافضل رطب انوي وانتي تاكليه وكثري من الاستغفار والادعية والقران

بعدين انا لاحظت انه اغلب الطبيبات مستعجلين ما يمدي الوحدة تخلص التاسع اعطوها 3 او 4 ايام وعلى طول طلق صناعي واذا ما فتح الرحم عملية ليش كذا انا اعرف انه بعد موعد الولادة بـ 14 يوم وقتها يعطون طلق صناعي طبعا زي ما قلت اذا وضع الام والبيبي كويس

[&&RORO&&]

الله يسهل عليكي ياارب اذا ماجاكي الطلق روحي وتوكلي على الله وخدي الطلق الصناعي ترى والله اخت زوجي قالولها تعالي نسويلك طبق صناعي مارضيت ولا راحت وبعدين البيبي تبرز في بطنهاا والمشيمه انفصلت ومرره تعب البيبيبي وحطوه في العنايه .... الله يكتبلك الخير يارب توكلي على الله ولا تخافي

[na3ooma]

صار لي زيك ببنتي الثانية
دخلت العاشر ومافي بوادر ولادة واعطوني مهله 5 ايام
وبعدها رحت بطلق خفيييييييييييييف وبسيط لكن الدكتورة فضلت تعطيني طلق صناعي
ترى زي الطبيعي ولا يخوف ليش خايفة؟
هو اسرع مو اقوى ....يعني لما اعطتني اياه الدكتورة ولدت بعد 3 ساعات ماشاء الله ماخللت بغرفة الولادة
ونفس الم الطبيعي بالنسبة لي ... والمهله من الدكتورة تكون شوي قصيرة خوفا على الجنين لان لما ينتهي التاسع تتكلس المشيمة وتكون غير صالحه لتغذية الجنين وامداده بالاكسجين فلا تطنشي وماتروحي على حساب صحه جنينك ويمكن جنينك يتبرز اول تبرز له ويلوث السائل الاميني اللي يسبح فيه.



ورجعت اخذته بولادتي الثالثة بس مع ابرة الظهر لاني رحت بدري وبدون طلق محسوس كان موجود على الجهاز وبارد ومنتظم بس ما احس فيه من ضعفه وكان لازم صناعي بس قالو لي مطولة لاني في بداية مرحلة الولادة ولا كان لي نفس ارجع بيتي من الثقل واستنى هناك لاني مرررررره تعبانة خلاص وطلبت منهم ابرة الظهر اذا اعطوني الصناعي علشان انام شوي عندهم < فندق هههههههههه لكن ماشاء الله ماطولت تقريبا 4 ساعات بعد ابرة الطلق وابرة الظهر وولدت

استخيري ولاتخافي والله ان ابرة الطلق الصناعي ماتخوف واللي تسمعيه اغلبها تجارب بكريات ماجربوا ألم الطبيعي وبدؤا بصناعي

[نسيم الـروح]

يااااااااااا رب سهل علينا ولاداتنا يااااااااااااااااااااا رب

ياااااااااااا ارحم الراااااااااااااااااااااحمين