ممكن دكتورة تطمنى لو سمحتم........

[بطوطة]

السلام عليكم ورحمة الله وبركاته
انا اخر ميعاد دورة ليا كان 20/2/2011 مع العلم انها بتجيلى كل 30 يوم.

فذهبت للدكتور بعد اسبوع وماكنش باين حاجة خالص وطبعا روحتله بعد ما عملت شريط الحمل تقريبا عملته 4 مرات وكل مرة يطلع خط فاتح جدا والخط التانى غامق.
ولما ملقاش حاجة قالى تعالى كمان اسبوع ورحتله بعدها باسبوع كشف ولقى كيس الجنين بس صغير جدا ومفهوش جنين قالى تعالى كمان اسبوعين بس ملحقتش اكمل اسبوعين وبعد ما روحتله بيوم لقيت دم بنى نزل عليا طبعا روحتله وقالى دا انذار اجهاض وكشف تانى وكان الكيس كبر بس برده لم يظهر الجنين وكتبلى على حقن ودوفاستون برشام .

الحمدلله الدم وقف بس كنت عايزة اعرف اول حاجة
انا فى الاسبوع الكام ؟ وعدم ظهور الجنين دلوقت فى الكيس دا شئ طبيعى ولا لا وممكن يظهر امتى؟
ولو حاصلى اجهاض لقدر الله عملية التنظيف دى بتبقى عاملة ازاى بظبط لو فى الشهور الاولى ؟
انا اسفة انى طولت عليكم بس عايزة اطمن ارجوكم طمنونى
ودعواتى لكل حامل ان ربنا يثبتلها حملها يارب ويثبتلى حملى امين يارب ان شاء الله

[نسمة المساء]

حبيبتي ما بعرف بس ما حبيت أدخل وما أرد
الله يثبت حملك ويرزقك الطفل السليم المعافي البار الصالح آميين

[بطوطة]

متشكرة يانسمة المساء امين يارب العالمين.....



مفيش اى واحدة تعرف اى حاجة وتطمننى دا انا داخلة مخصوص عشان اخواتى يطمنونى ولو اى واحدة حصلها كدا تقولى ياجماعة طمنونى ارجوكوووووووووو

[بقايا انثى 84]

السلام عليكم اختي الغالية ، اولا انتي اتركي الخوف والتفكير عنك ولا تستعجلي وثانيا انا اعرف انك حامل الان لكن لمذا لم تعملي فحص الدم الرقمي ؟ فحص الدم الرقمي يبان عدد الهرمون وفي الاسابيع الاولى يقاس عمر الحمل من هذا الهرمون وبعد ضهور الجنين ونبضة يقاس عمر الحمل من حجم الجنين وتطوره ، طبعا هذة الطرق تكون بالاضافة الي حساب عمر الحمل من اخر دورة حيضية . اختي ايضا ربما يكون الدم انذار اجهاض او بعد الفحص المهبلي فاحذري واصبريعشرة ايام على الاقل ثم اعملي تصوير مرة اخرى وبشرينا انشاء الله .

[بطوطة]

انا والله متشكرة ليكى جدا بقايا انثى84

انا فعلا قلقانة وخايفة جدا واكيد دا بياثر عليا اكتر انا بصراحة معنديش معلومات عن الفحص الدم الرقمى بس انا خايفة اعمل اى فحص لانى باخد حقن هرمون فاممكن تاثر على الفحص انا ان شاء الله معادى مع الدكتور كمان 3 ايام يارب خير ان شاء الله ويطمنى ويثبت حملى ويثبت حمل كل واحدة يارب ان شاء الله.....