إستفسار عن الدكتورة إيمان الطريري بمركز ذرية

[صغيرونه حنونه]

إستفسار عن الدكتورة إيمان الطريري بمركز ذرية
إستفسار عن الدكتورة إيمان الطريري بمركز ذرية


مرحبا شخباركم بنات

اولا الحمدلله رب العالمين
ثانيا اول مره اقوم بخطوة اطفال الانابيب لان متاخره12 سنه
وجت عيني على مركز ذريه عند ايمان الطريري ..
ليش اخترتها لان مابي اتكشف عند دكاتره رجال

ثاني الدوره بديت باابر التنشيط مينجون لمدة 6ايام وبعدها اجيها تشوف وين وصلنا..
طبعا حالتي انسداد في الانابيب والزوج سليم ..

[حياتي توأمي]

الله يرزقك يارب الخلف الصالح

[ملكة الذووق]

الله يرزقك يارب انا اعرف وحده زينت عندها وتمدحها قوه ومشاء الله تبارك الرحمن حامل هي الحين وعلى وشك ولاده

[صغيرونه حنونه]

الله يبشرك ويطمنك مثل ماطمنتيني والله يقدم اللي فيه الخير ويكتبلي الذريه الصالحه انه قريب مجيب

[يآ أرحم الرآحمين]

الله يرزقك بالحمل السليم يارب

[" ملاك "]

رددي ربي اجعل لي من امري فرجا ومخرجا وارزقني من حيث لا احتسب

الله يفرح قلبك

[ملاك الليل]

ما شا الله الله يبارك لك وان شا الله تبشرينا بحملك ، كنت عندها في شهر شعبان السنة الماضية وربي ما كتب لي الحمل بس بشكل عام هي حبوبه مره وتتجاوب معك وتعطيك مجال للاخذ والعطا

وكنت اراسلها بالجوال اذا حصل لي شي وتجاوب ما شا الله ما تطنش والمفروض كل طبيب كذا ،

أنا كان عندي تكيس وتبويضي مع التكيس يكون ضعيف وزوجي كمان عندو ضعف ، وكان في احتمال يصير لي فرط تنشيط وعطتني حبوب تستخدم لارتفاع هرمون الحليب عشان ما تحصلي مضاعفات وقالت هذي دراسة جديدة تستخدم ل حالتك وقالت اذا رحتي للصيدلي وقالك غلط ما تستخدم كذا لا تسمعي له انت حاله خاصه ، وهذا شي حلو بعد ،،

وراح تحسي بحنانها وقت السحب والترجيع والله يكتب لك الخير

المركز بشكل عام مرتب ويفتح النفس ونظام المواعيد عندهم ممتاز ما فيه انتظار كثير بس عيبهم في التجميد ما يجمدون اقل من سته ولازم يكون منهم درجة أولى اذا كلهم درجة ثانية ما يجمدونهم

[ايلاف]

تم تعديل موضوعك
يمنع التلميح للدردشة او التجمع



وفقك الله

[صغيرونه حنونه]

يابنات اللي استخدمت ابر مينوغون كم بويضه طلعت معها؟!

[صغيرونه حنونه]

خواتي مين اللي حملت عندها ومين اللي فشلت انابيب