اول مرة أشارك في هالقسم بليز محتاجة حل حق حالتي

[Askazya]

السلام عليكم
طبعا اول مرة ادخل هالقسم بعد فترة زواج دامت سنة ونص بدون حمل
انا حللت هرمونات و غدد و حجم البويضات و الحمد لله وما شاء الله كل شي تمام
و كويس بس عندي مشكلة انو انا عندي كيس وظيفي وكل فترة اروح المستشفى
استعملت حبوب منع الحمل 5 اشهور 3 اشهور قبل زواجي و شهرين بعد الزواج وتركتها
وحجم الكيس 6 سم ينقص لحد 4 سم ويرجع بعدين نفس حجمه و الدورة الفترة الأخيرة بدت
تتخربط صارت تتأخر 10 ايام من كل شهر وكلما رحت المستشفى قالو لي ما يأثر ع الحمل
وماله اي علاقة وانا طول هال فترة سنة و نص وانا ابي احمل كلما نزلت علي الدورة اقول
الشهر الجاي بإذن لله

وانا عندي احساس قوي انو الكيس هو سبب تأخر حملي
لأنني ما ليت شي ما استعملته أدوية و علاجات وفحوصات وتحاليل و تمريخ و أعشاب
حتى الأبرة التفجيرية استعملتها ع أساس يصير حمل بس ما صار و الحمد لله ع كل حال
أنتم ايش رأيكم بالموضوع
ممكن يكون الكيس هو سبب تأخر الحمل عندي
و ايش رأيكم اشيله اسوي العملية و لا لا ايش تنصحوني

و للمعلومية رحت لخمس مستشفيات و اكثر من ست دكتورات منهم اللي نصحتني اسوي العملية
ومنهم اللي ما نصحتني و وحدة من صحباتي كان عندها أكياس مو كيس 7سم 5سم 10سم
وسوت العملية وبعد شهرين من العلمية حملت وعندها برضو كيس دموي فير الأكياس الوظيفية ربي يتمم لها
فرحتها و نصحتني اني اشيله تقول شوفيني قدام اكبر مثال و تجربة وحملت لو لا الله ثم العملية

و اللي تعرف دكتورة نساء بالجبيل شاطرة الله يخليها تقول لي مرة تعبت نفسيتي و راضية بأي شي يصير وقت العلمية
وانا اللحين بس انتظر دورتي تنزل لي عشان اروح أخذ موعد طالبتهم ابي فزعت كم مرة خايفة وجالسة ابكي
وكلما فكرت بالعملية فت اكثر

[بنت المرحوم]

الله يرزقك حبيبتي

شوفي زوجك وخليه يحلل ممكن المشكلة عنده

انا زميلتي عندها كيس ع المبيض وصل 9 سم
وشالته هو والمبيض والى الحين ماحملت لها 7 سنوات
الله يرزقنا جميعاااا

[غفران شكران]

حبيبتي الله يشافيكي ويرزقك ان شاء الله توكلي على الله وشيلي الكيس لانه جراحة المناظير تطورت وان شاء الله خير ولكن اولا على زوجكي اجراء التحليل



اختكم غفران