ليكى قريبه او صديقه او تعرفى واحده متأخره ف الحمل؟؟؟ ارحميها بالله عليكى

[nada tira]

ليكى قريبه او صديقه او تعرفى واحده متأخره ف الحمل؟؟؟
ارحميها بالله عليكى
السؤال عن الحمل او حتى النصيحه واحيانا الدعوه كل ما تشوفيها كمان بتبقى زى السكينه التلمه اللى بتدبحى بيها اللى ربنا لسه مرزقهاش بطفل تخيلى
انتى ممكن تقابلى صحبتك دى ف الشارع لمده دقيقه واحده سلام سلام
وتقوليلها الكلمه المعهوده "ها مفيش حاجه" وتروحى بيتك وتعيشى حياتك وتاكلى وتشربى
وهيا يا عينى مراره الكلمه تفضل حاسه بيها ولا تاكل ولا تشرب وممكن متنامش الليل من الحزن والبكاء
هتقولى بطمن عليها عايزه افرح بيها
لما تحمل اكيد هتعرفى إن شاء الله بس انتى ادعيلها فى سرك
هتقولى عايزه انصحها تروح للدكتور الفلانى دى فلانه راحتله ومعاها بسم الله ما شاء الله عيال دلوقت
هيا اكيد راحت لكذا دكتور والعلاج من عند ربنا ولما هتغلب يا ستى هتيجى تسألك
وكلوا كوم واللى كل ما تشوفك تقولك هوا الدكتور الفلانى مفيش غيره
لازم تروحى
طب خلاص انا هحجز واوديكى
افرض هيا المشكله عند زوجها وهوا بيتعالج ومش عايزه تقول
افرض زوجها ولا هيا لاقدر الله الدكاتره قالولهم مينفعش يخلفوا اصلا ومش حابين يقولوا لحد؟
افرضى محتاجين يعملوا حقن مجهرى ولسه بيجمعوا ف الفلوس
وكمان نظرات الشفقه وان اى حد يشوفك تعبانه او مدايقه من اى حاجه ف الحياه يطبطب عليكى ويقولك اصبرى انتى بس ربنا كبير
,
الناس متخيله ان اللى لسه مخلفتش قاعده زى الست بتاعت الاعلان اللى حاطه ايدهاعلى خدها والراجل بيقول "ربنا مرزقكيش بطفل اكفلى طفل يتيم يرعاكى لما تكبرى"
ومش فاهمين انها ممكن تكون ربنا مصبرها على الابتلاء ده ومش بتفكر ف الموضوع طول الوقت بالطريقه دى وان كلامهم هوا اللى بيخليها تحزن بالعافيه
ده غير اللى تخاف على عيالها من الحسد واللى تخبى حملها او اللى متراعيش شعور حد
مره كنت فعياده دكتور نسا وواحده واخده ابنها يجى عنده 8 شهور وصوتها جايب اخر الدنيا وهيا بتلاعب فيه وتهشك فيه كأنها طفله بتلعب بعروسه ومش مراعيه انها فمكان عام قبل ما تراعى ان فى ناس لسه ربنا مرزقهاش
غير الاهل اللى حبهم لولادهم بيخليهم يسألوا كتيييييير و يتدخلوا زياده ف الموضوع ده
وممكن تكونى مقضيه اليوم عند مامتك او حماتك ومش بتصلى تقولك مصلتيش ليه وتقوليلها انك مش بتصلى علشان الظروف الشهريه وشكلها يتغير وتقولك معلش وتدايق كأنها اول ولااخر مره وتقولك اهى فرصه ما تروحى للدكتور وتاخدى منشط الشهر ده يمكن ربنا يكرم!
ولا تقولى لحد انك عندك مغص ولا مصدعه ولا همدانه يفرح اوووى ويقولك بشره خير
انا بوجه كلامى للناس اللى حوالين المتاخرات ف الانجاب علشان مهما شرحت احساس المتأخره ف الانجاب عمر ما حد هيحس بيه غير اللى مر بيه
انا متكلمتش عن اللى بيقصدوا يجرحوها بقصد دول مش عارفه عقابهم عند ربنا هيكون ايه
ولا عايزه استفيض ف مراره الشعور انك من الدكتور ده للدكتور ده بالسنين وعذاب حقن المنشطات غير التكاليف والقلق والامل اللى بيضيع لما يجى ميعاد التحليل او قبله وتعرفى ان كل التعب ده مجبش نتيجه
مهما شرحت صعب اوصل الشعور ده لاى واحده ربنا كرمها واتجوزت بدرى وربنا رزقها بالحمل على طول من غير ما تتبهدل ولا حد يجرحها
وفى كمان بعض اللى اتأخروا ف الحمل وربنا كرمهم بينسوا بعد كده احساسهم الاول كان ازاى وبدون قصد يدايقوا اللى لسه مخلفتش زيهم
الناس عموما هما اللى بيزودوا حزن المتأخره ف الحمل
وبيكرهوها تروح افراح او اى مناسبات او تكلم حد ف تليفون حتى
رحمه ربنا واسعه وكله بأوانه
بس انتو كمان
ارحموهم

منقول

[أم معاذ إن شاء الله]

كلامك جاء على الجرح
خاصة بعد العيد الله يهديهم الناس كلها بتجرح و الله اعلم فيه منهم بقصد و فيهم الي ما يقصدش
بس سؤال الناس عن الحمل و دعواتهم و كاني عاقر رغم انه فيه منهم الي خلفت كمان متاخر
و في العيد تشوفي الكل عندهم اطفال حواليهم و انا وحدي بس الحمد لله ان شاء الله تكون فيها خير و الله يعوضنا عن صبرنا

[*ميحرمنيش منك*]

اي والله ياختي انا بقالي سنة و10 شهور ةالتدخل بتاع الناس ذبحني بس حد يسألني تدمع عيوني لكن الحمدلله مافيني شي تعالجت انشاءلللهؤ عن قريب اللله يفرحني ويفرح جميع المسلمات المتأخرات ياااارب

[بحــ العيون ــــــــر]

ربنا هب لنا من أزواجنا وذرياتنا قرة أعين واجعلنا للمتقين إماما
رب هب لي من لدنك ذرية طيبة إنك سميع مجيب

لي ولكم وجميع المحرررررررررومين

[nada tira]

امين الله يرزقنا حبيباتي و جازي صبرنا خير انا من لما عروس 8 شهور و الناس بتاكل وشي و كمان قالو جوزي ما بخلفش

[nanou]

يسلم فمك
و الله بالحرف وصلتي معاناتي مع الناس و أسئلتهم خاصة يوم العيد هذا رجعت للبيت ابكي من التجريحات مع العلم انو صارلي سنتين و شهرين متزوجة و اهل زوجي نصحوه يتخلى عني و يتزوج من جديد تخيلوا حسبي الله و نعم الوكيل يعني لو كانت بنتهم يرضو لها هذا الشيء ؟

[nada tira]

المشاركة الأصلية كتبت بواسطة nanou

يسلم فمك
و الله بالحرف وصلتي معاناتي مع الناس و أسئلتهم خاصة يوم العيد هذا رجعت للبيت ابكي من التجريحات مع العلم انو صارلي سنتين و شهرين متزوجة و اهل زوجي نصحوه يتخلى عني و يتزوج من جديد تخيلوا حسبي الله و نعم الوكيل يعني لو كانت بنتهم يرضو لها هذا الشيء ؟

حسبي الله ونعم الوكيل انا صارلي 3 سنين متزوجة كاني 13 سنة الله يهديهم حبيبتي و يرزقك ان شاء الله

[بحــ العيون ــــــــر]

الله يرزقنا يا الغلا
ولسع بدري عليكي وش اقووول انا ولي 8 سنين بس خليهاااااااااااااااااااا على الله

[رونـــق!!]

..

الله يعين ,,

نصيحة قيمة أختي ,,

ربي يعطيك العافية..

[nada tira]

المشاركة الأصلية كتبت بواسطة رونـــق!!

..

الله يعين ,,

نصيحة قيمة أختي ,,

ربي يعطيك العافية..

الله يعافيك خيتو