اسئلة عن اعراض الحمل واختبار الحمل المنزلي،افيدوني جزاكم الله خيرا

[سيران]

حبيباتي واخواتي:
أول مرة في تاريخ دورتي كلها متأخرة علي الدورة يومين
انا ماباخد منشطات ولاحبوب ولامعالجة
ودورتي متل ماقلتلكون نظامية مية بالمية
عندي كان الام الدورة مبارح بالليل ولما فقت الصبح مسح بفوطة أكرمكم الله لاقيت شويييييييية بني يادوب
وبعدها من الصبح لهلق اختفت عندي اوجاع الدورة كلها ومافي شي ابدا لا افراز بني ولاشي
يمكن تقولولي احلل
انا حللت مبارح بس مو عالريق وما كنت محصورة
طلعلي سالب ورحت عالسوق ورجعت طالع خط ثاني واضح جداً
كمان رح تقولولي مادام ماطلع بأول عشر دقايق معناها مو حمل
بس سؤالي هو،شو اللي بخلي التيست يعطي خط تاني
يعني مو في مادة جوا التيست بيتفاعل مع هرمون الحمل وبيعطي خط؟؟
في ناس بتقول انو ممكن هرمون الحمل بكون ضعيف لطالما العينة ما كانت على الريق
لهيك ما بين إلا لبعد ما تركز
وفي ناس بتقول هاد خط التبخر
اخواتي انا مو حابة اشتري تيست تاني
ولا حابة اتأمل
بليز اللي عندها معلومة عن اختفاء اعراض للدورة وبعدين طلعت حامل تفيدني
وكمان اللي عملت اختبار وظهر خط ثاني واااضح بعد ساعات وطلعت بعدها حامل كمان تفيدي
ولا اللي بعدين اجتها الدورة بليز بدي تجاربكم وردودكن ودعواتكن
وهي صورة التحليل بعد ساعات
الله ينولكن اللي في بالكن ويرزقكم جميعا بالذرية الصالحة

[سيران]

بنات وين الردود بدي تجاربكم وخبراتكم
بلييييز مالي غيركم

[ابتسامتي سر سعادتي]

حبيبتي والله ما مريت بتجربتك ولا عندي خبرة بس حبيت ادعيلك ربي يسر امرك
كلامك صحيح احيانا بيكون حمل وما بيبان ع طول ممكن يظهر الخط التاني بعد فترة
الحل الاضمن تعيدي التحليل المنزلي ولوطعلك خطين حللي دم وان شاء الله ربي يسر امرك :)

[حياتي قمراتي]

حبيبتي الام الدورة مو يعني انو مانك حامل
لانو انا فكل دورة لما كنت حامل يجوني الامها
لهيك حبيبتي انصحك تستني كمان و عيدي التاست لانو الورة متاخرة بس يومين

[3nood]

ان شاء الله تكوني حامل ♡

[سيران]

بنات شوفو صورة التست

[ابتسامتي سر سعادتي]

حبيبتي واااااااااااااضح جدا الخط الثاني
روحي جيبي شريط ثاني وحللي ع طول يارب حامل

[سيران]

شكرا حبيبتي وربي يرزقك يارب
بس متل ما قلت الخط ماطلع لبعد ساعات
صحي الخط غامق بس مافيني اعتمد عليه طالما ماظهر بسرعة
بليز ادعولي ماتجيني الدورة ياااااارب

[يآ أرحم الرآحمين]

وين هالغيبة سيرررران .. اشتقنالك ^^
شوفي حبيبتي انا أنصحك تنتظري يومين تانيين اذا ما جت حللي شكلك حامل لأنو الخط الثاني واضح جدا مو بس خفيف او ظل

[سيران]

هلا فيك سلطانة
والله عندي عزر بغيبتي واشتقلكون كتير
بليز ادعيلي ماتجي الدورة
بالله الخط مو واضح؟؟؟؟؟صحي طلع بعد ساعات
بس ماله خط تبخر وهاد يلي مجنني
ادعيلي ادعولي والله ناطف قلبي وقلب زوجي على ولد