تجربتي مع اشعة الصبغه

[أمنيه]

شلونكم يا احلى صبايا

انا سويت اشعة الصبغه الخميس اللي طاف

وطبعا اكلت فطور خفيف وبس رحت عطوني دواء ما عرفت شنو اسمه بس قالو مسكن للالم بس انا بعد ما خذيته رحت الحمام على طول (اكرمك الله) واتوقع راح مفعول الحبه هههاي

المهم ماشفت شنو الاجهزه المستخدمه لانهم مغطين الجزء السفلي بس حسيت بوجع من الجهاز اللي يوسع الرحم
بس ما احلى الوجع تبع الجهاز مقابل وجع الصبغه
بعدها حطو فيني الصبغه والله لا يوريكم شفت الموت وصريخ وبكي رغم ان العمليه كلها ما طولت غير ١٠ دقائق

طبعا اليوم جبت النتيجة وللاسف الانابيب الاثنين مسكرين وفيهم إلتصاق
وعندي لحميه بالرحم

وقالي الدكتور لازم يعملي منظار للبطن وللرحم عشان يشيلون اللحميه والالتصاق
وقالي بعدها انسوي الصبغه مره ثانيه

وطبعا اذا ما نفع المنظار وماتصلح عندي الوضع حضطر اعمل طفل انابيب

وطبعا انا للحين زوجي ما بيعرف عن الموضوع ومحتاره شنو اقول له

[يآ أرحم الرآحمين]

يا حبيبتي .. حسيت بكلامك بالرغم اني ما جربت الاشعة
إن شاء الله مغفرة للذنوب و يارب المنظار يجيب نتيجة معك و تفتح الأنابيب
ودام عرفتي مشكلتك فأنتي قطعتي نص الطريق
ربي يرزقك بالحمل

[ahlam-f]

ان شاء الله يا امينه بعد التعب والالم اللي جربتيه ربي يكرمك بالحمل ..

[محبوبة ميمو]

لازم تخبرين زوجك هو سندك راح تحتاجينه
بالتوفيق

[أسيرة زوجي]

حبيبتي لا تاخذي كلام دكتورة وحدة لازم تشوفي رأي دكتورة أخرى

و كثير أحيان يتم الحمل بعد أشعة الصبغة لآنها تساعد على إزالة الانسداد

و لازم تكون الصراحة بين الزوجين لآنه لو سمع عن طريق الدكتورة راح يزعل منك كثير

[أمنيه]

مشكورين بنات عالردود
انا عندي التصاق مو انسداد
يعني الصبغه ابدا ما مرت بالانابيب يعني مافتحتهم الصبغه

وان شاءالله المنظار يجيب نتيجه
انا قلت لزوجي عن اللحميه بس ماقلت عن الالتصاق
بس قتله لا تتأمل كثير من المنظار وهيأ نفسك لطفل الانابيب

وان شاءالله خير الله كريم

[حياتي توأمي]

أمنيه خبري زوجك ضروري

وعادي المنظار صار سهل هالأيام
الله يجعلها فاتحه خير عليج يارب
ومأجورة على التعب كله ان شاء الله
لأن حتى لو مافي التصاقات لابد تسوي منظار لأزالة اللحمية
وبالتوفيق يارب

[أمنيه]

المشاركة الأصلية كتبت بواسطة حياتي توأمي

أمنيه خبري زوجك ضروري

وعادي المنظار صار سهل هالأيام
الله يجعلها فاتحه خير عليج يارب
ومأجورة على التعب كله ان شاء الله
لأن حتى لو مافي التصاقات لابد تسوي منظار لأزالة اللحمية
وبالتوفيق يارب

ماقدر اخبره وانا فهمته ان الدكتوره ما شرحتلي التقرير عدل وانها طلبت مني انتظر موعدي مع دكتوري الخاص
فبوقتها ممكن اقول له عن الالتصاق

انت جربتي المنظار ؟ انا وايد خايفه لان قريت انه بدون بنج وألمه نفس الصبغه :(

[marocchina 1988]

حبيبتي الله ييسر لك يارب إنتي إعملي المنظار بأقرب وقت ياعمري
بالنسبة لزوجك أكيد رح يعرف من الدكتور إلي رح يعملك المنظار لأنه ضروري يمكن يكون لقاء بينهم ويقول له شو سوو بالعملية لهيك مابعرف إيش أقلك إنتي تعرفي أكثر
وجهة نظر

[راوبه]

حبيبتي انا رح اعمل الاشعة يوم الاثنين او السبت و الله خايفة كثير بس حبيت اسئلك حبيبتي انت تحسي الام الدورة شديدة و سويتي قبل عملية او لا يا ريت تجيبيني يا اختي و ربي يرزقك من حيث لا تحتسبين