زوجي جرحني

[فطوومه]

السلام عليكم ورحمة الله وبركاته ..
شخباركم خواتي .. مبارك عليكم الشهر الفضيل*
مشكلتي ان زوجي
* يحب يطلع مع ولد خالته اكثر مني وهاي الشي وايد جارحني هو ماقال لي لكن كل شي واضح .. صارحته مره وطلع لي اعذار وقال اني ابالغ .. تخيلو اتصلت له قبل اربع ايام وقلت له تعال تغدى معاي رفض وقال بتغدى عند امي وبجيك الساعه 2 وقلت له اوكي وجات الساعه 2. مادق علي نطرت لحد الساعه 2 ونص واتصلت له قلت له وينك ؟! تخيلو شقال .. قال انا مع ولد خالتي رحت اتغدى وبنتمشى شوي وبجيك طبعا قلت له باي وسكرت وقمت اصيح. الحركه جرحتني حسيت انه اكيد مايحب يقعد معاي وﻻيحب طلعتي. حركته جرحتني اعتذر مني وقص علي. لو ماتصلت له ماكنت عرفت. انه طلع يتغدى .. وجاني وماعطيته وجه ابدا وقام يقول شفيج قلت له انت ادرى قال ﻻني طلعت ؟ قلت له يعني عارف ليش تسال قال ليش عادي ماصار شي .. طبعا يوم قال ماصار شي اناانفجرت عليه انت تقص علي تقول بتتغدى عند امك ورفضت تتغدى عندي وتقوم تطلع مع ولد خالتك جرحتني وانت اصلا ماتحب تطلع معاي وﻻتحب تقعد معاي .. طبعا ماعرف شيقول لي تخيلو قال احب اطلع معاج لكن مع ربعي وناسه. ! طبعا انا هني خلاص تاكدت انه مايحب يطلع معاي لكن سامحته ونسيت الموضوع .. اليوم العصر كلمته وقال لي بطلع اتشرى حلويات للفطور قلت بروح معاك ﻻني زهقانه ورفض وكنت حاسه انه رفض ﻻنه بيطلع مع ولدخالته لكن اصريت اروح معاه. رفض وقال بجيك فليل قلت له بروح معاك شالمشكله انا ماعندي شي واخيرا قال لي انا قلت حق ولد خالتي بمره ونروح .. تضايقت وصحت ونمت بقهري .. معنى اسوي له كل اللي يبيه ادلعه والبس له حتى وانا حامل ومالي خلق ماكنت اهمل نفسي معنى ماكنت احب اشم ريحته لكن ابدا ماقلت له كنت اتحمل ريحته وعطيه كل اللي يبي .. واليوم ماقدرت اطوفها له قلت له خلاص انت جرحتني واضح انك ماتحب طلعتي وقلت له يا انا ياولد خالتك تخيلو يطلع مع ولدخالته ويجيني متى مافضى واول مايقعد عندي يقول لي بنام ويرجع لبيت اهله ينام يعني بالعربي يجيني عشان يسكرحلجي .. مو بس هاي الموضوع احنا كل خلافاتنا دوم يحطها براسي ويقول انتي السبب وﻻعمره طلع نفسه غلطان دايما يقول انا الغلطانه .. تعبت نفسيا بنات صرت انام وانا دموعي على خدي مع انه يحبني لكن ليش مايحب يطلع معاي .. معني انا وحده احب الكشخه حتى فالبيت اكون كاشخه والحمدلله الكل يشهد على جمالي بس انا قلبي مجروح انه يحب يطلع مع ولد خالته ومايحب يطلع معاي ومليت من كثرمايحط براسي كل المشاكل .. تخيلو انكم تحبون الشخص لحد الجنون وتحبون الطعه معاه واتعشقون الطلعه معاه وتحسون بوناسه قد الدنيا لكن هو مايبادلك نفس الشعور شي يجرح .. نفسيتي تعبت منه كل المشاكل يحطها براسي وفوق هاي اموت عليه. ودوم احن عليه يجي يقعد معاي وانا احس اني غلطانه احن عليه يقعد معاي احس هالشي خلاه يتاكد ان لو زعلني برجع له وكانه ماصارشي .. انا تعبت :(

[عائشه مصطفي عمر]

انا اقولك شي وحطيه براسك زين انتي تعطي زوجك اكبر من حجما ومكبره الموضوع ومضخمتي براسك والموضوع مايستاهل الرجال كلهم بيحبو يطلعوا مع اصحابهم لانهم يستانسو ولما يرجع للبيت ويلقاك مطنشه وتعاركيه اكيد حيطفش انت تعالي بالسياسه حببيه في البيت مو تعاركيه ع الماشيه والجايه وثاني شي ما تعطيه اهتمام كثير هو حيحس بها الشي وماتخلقي مشاكل ولا تبكين حيضن انك ضعيفه واح اقولك شي الجمال والشكل مو كل شي الراجل يحب المراة بطبعها مو بلونها وشكلها لان مع الزمن رح يروح وماتبقي غير العشره الطيبه انتي طولي بالك لان الزواج صبر واهم شي ماتعاندي وتفرضي رأيك هو بنفسي حيحس بتقصيرا حقك والاهم من هذا كله الدعاء انتي قولي الحمد لله انه مع ولد خالتك مو مع وحده تانيه لا قدر الله انا انصحك لان اعرف دواء هذا النوع من الرجال ولا تحرقي دمك ولا تكلميه لما يتاخر وشوفي ردت فعلا اذا كانت ايجابيه معناتا يحبك واذا طنش ف وقتها حقولك شن تسوين واتمني اكون ساعدتك
رمضان مبارك

[فطوومه]

المشاركة الأصلية كتبت بواسطة عائشه مصطفي عمر

انا اقولك شي وحطيه براسك زين انتي تعطي زوجك اكبر من حجما ومكبره الموضوع ومضخمتي براسك والموضوع مايستاهل الرجال كلهم بيحبو يطلعوا مع اصحابهم لانهم يستانسو ولما يرجع للبيت ويلقاك مطنشه وتعاركيه اكيد حيطفش انت تعالي بالسياسه حببيه في البيت مو تعاركيه ع الماشيه والجايه وثاني شي ما تعطيه اهتمام كثير هو حيحس بها الشي وماتخلقي مشاكل ولا تبكين حيضن انك ضعيفه واح اقولك شي الجمال والشكل مو كل شي الراجل يحب المراة بطبعها مو بلونها وشكلها لان مع الزمن رح يروح وماتبقي غير العشره الطيبه انتي طولي بالك لان الزواج صبر واهم شي ماتعاندي وتفرضي رأيك هو بنفسي حيحس بتقصيرا حقك والاهم من هذا كله الدعاء انتي قولي الحمد لله انه مع ولد خالتك مو مع وحده تانيه لا قدر الله انا انصحك لان اعرف دواء هذا النوع من الرجال ولا تحرقي دمك ولا تكلميه لما يتاخر وشوفي ردت فعلا اذا كانت ايجابيه معناتا يحبك واذا طنش ف وقتها حقولك شن تسوين واتمني اكون ساعدتك
رمضان مبارك

مشكوره حبيبتي بس هو اللي وصلني حدي وﻻ انا اصلا ماعرف اتهاوش مع حد وطبعي انسانه هاديه جدا وماحب المشاكل لكن ماعتد اتحمل وجيته بالسياسه لكن مافي فايده
مشكوره ياقلبي ع المرور

[♣.Lyaal]

اسمعي ياااختي صصح كﻻم اختي .. عائشه ..
هما اكييد ينبسطو مع ربعهم انا جات فتره لزوجي كل يوم اصحى من نومي بعد مانتغدى او نتعشى يروح لامه واخواته ﻻنهم ساكنين قدامنا الين ماطفححت قلت له مااتمنى غير شي واحد انو يكونو اهلي ساكنين معانا بنفس العماره عشان وقت ماتروح ححق امك انا اروح عند امي بعدين مسكته برواااقه ومن غير صياح الرجال يكرهو الصياح قلتله انا فيني شي ؟ مقصره بحقك في شي ؟ قالي لا قلت له طيب حرام عليك انت سايبني وقت دوامك ﻻكثثر من 10 ساعات والنوم 8 ساعات يععني هما اللي صافيتلنا كم ساعه نقعد مع بعض تقوم تروح هناك وتسيبني يعني ان ماتسليت اتسلى ويامنو وايش اسوي بحياتي سكت وقلي والله انتي مافيكي شي غير اني مليت من روتين كل يوم زي بعض مافي تغيير والخ ...
المهم انتي مالك غير حلين وانتي اختاري فيهم اللي يناسبك
يااما انتي تغيري من روتين كل يوم جيبي العاب للبيت كنوع من التغيير بﻻيستيشين او اكسبوكس وغيره جيبي العاب النرد مثل السلم والثعبان والالوان اﻻربعه اممم سوي اي شي ماقد سويتوه جيبي افﻻم واتفرجوها سوا خخلي يدخل معاكي المطبخ ويسوي معاكي فطور او غدا او عشا قوليلو دايما اكون بروحي خليك معاي ﻻ تسوي شي بس اتكلم وابى احس انك جمبي وان قعد مع الكﻻم اعطيه شي يقطعه او يقلبه او اي شي وبعد ماتخلصي قوليلو تسلم يدك طلع اﻻكل شي عجيييب ﻻنك انت قطعت انا مااعرف اقطع او مااعرف اقلب زين المهم الرجال ينبسطو ويطيرو السما من المديح .

او انك انتي تسئليه بكل هدوء ورواقه ايش السبب اللي يخليك كذا وﻻ تتحسسي من الكﻻم اللي حيقولو ﻻنك انتي طلبتي الصراحه
وانا اشوف يياختي انك تسوي الخطوه اﻻولى انك تغيرو من روتينكم امكن هوا زهق بس مايبي يقولها بوجهك غيري وشوفي ان اتغير وقعد خﻻص انتي كسبتيه لكن ان ماتغير اسئليه عن السبب عشان تسعديه
والله يوفقك ويسعدك ويؤلف مابين قلوبك ويسخره لكي وطمنيني وش يصير معك

[مسآلمه]

معليش انتي مكبره الموضوع
او انك حساسه بزياده
خفي عليه شوي.. واثقلي خليه يشتاقلك
تبينه يقابلك طفشان
خليه يروح وينبسط ويرجعلك مروق ومشتاق
لا تنشبينله على المشاوير الصغيره
دامه مايسافر معه ولايطول عنك اتركيه على راحته
ترا الرجال مايحبون الزوجه الحنّانه
حاولي تاخذين الامور ببساطه واكسبيه بالكلام الحلو مو بالزعل كل شوي
كذا بيتعود على جو النكد وتصير حياتكم ممله
الله يهديه ويصلح بينكم ويجعله قرة عين لك ويجعلك قرة عين له

[صهيل مهره]

شوفي حبيبتي كل الرجال يحبون طلعة اخوياهم ويستااااانسون اكثر من طلعتك انتي وعيالك. الرجال مزاجهم في الطلعات غير. يعني لاضيقين نفسك. إذا طلع مع ولد خالته خليه. وانتي حدديلك يوم. وطلوع انتي وياه. بس لاتقارنين طلعتك بطلعات غيرك. هو كذا يحس ويضايق منك. وكثرت زنك في هذا الموضوع راح يخليه يزيد لاشعورين. طنشي ويعيش حياتك ودلعي نفسك وشغلي نفسك إذا طلع مع مولد خالته وإذا جاء لا تنكدين عليه بس حسسيه انك اشتقتيله. ومليتي بدونه وقوليله الطلعه الجايه أن شاء الله ليه يا قلبي ومن هذا الكلام

[الحياه حلوة#]

بسم الله عليكم يابنات حوامل ماقصرتو
ان شاء الله انها بتطبق اللي قلتوه بتتعدل امورها
الله يسخر لك زوجك

[Um Ghala]

حبيبتي انشغلي شوي عنه ولا تحنين و تقولين اقعد معاي و اقعد معاي .. لانه الشي اذا يا بالغصب ماله معنى .. بس لو كان من خاطره بتحسين بالفرق ..

و بعدين لا تقولين على الدخله و الطلعه ولد خالتك وانت وانت وانت .. هو جي يطفش من القعده وياج ..

يوم بتشوفينه يتجهز للطلعة جهزي بوب كورن و خفايف و شغلي فيلم و اقعدي شوفي و تونسي و لا تتصلين حتى فيه لو طلع .. او العبي سوني و قوليله شو رايك ما تقدر تغلبني اتحداك .. يعني تخلينه يقعد معاج بس بطريقة غير مباشرة ..

يعني كوني له صديقة قبل الزوجة .. فكري هو مع الشباب يتونس و يلعب بدون ضرابه ولا حنه ولا كلام ينعاد كل شوي ..

خليه يشوف هالجو في البيت .. والله يسخره لج يآرب ..