قصه ولادتي بالطلق الصناعي ،،

شمايل بنت الدمام · 06-21-2013, 10:15 PM

السلام عليكم
بقولكم قصه ولادتي ،،

اول شي رحت موعدي بالمستشفي و شافت ملفي وقالت بعطيك اسبوع زايده قلت لها طيب قالت بس بسوي لك سونار وأشوف وضع البيبي قلت لها طيب
رحت ع السرير قالت ماي الجنين ناقص ولازم طلق صناعي قلت لها متي قالت اليوم وكشفت علي قالت الرحم مفتوح 2 سم المهم ،،،،،

اتصلت على زوجي عشان يسوي لي دخول
سوا. دخول ودخلت واناخايفه وأقوله ولدي انتبه عليه ولا تهاوشه ولا شي قال طيب ،،،

رحت فوق قالوا الساعه 7 العشاء بنحط اول تحميله قلت أوكي ،،

وجت الساعه 7 كان زوجي عندي وقالت يلا موعد التحميله ممكن تطلع شوي قلت للدكتورة لا هذا زوجي عادي قامت تضحك وهو نحرج وطلع

انا من الخوف أقطن خيط و خيط ،،

وتمت بنجاح التحميله ههههههه

وحطت التخطيط ي كرهي له
وقالت بعد نص ساعه يبدأ الطلق

وراح زوجي وانا أقوله شكلي مطوله تره
قال إنشاء الله الفجر تكونين والده وانا أقوله طلق صناعي يوم كامل طلق قال اي شي يصير معاك كلميني قلت اوك

المهم راح ،،

والساعة 9 باليل يبدأ الطلق قالت الدكتوره اذا جات طلقه خذي نفس وطلعيه وسويت هال حركه والله أنها تماااام يفتح الرحم بسرعه ،،

وجلست ع هال حال لين الساعه 2 باليل وجات موعد التحميله الثانية وجت اكشفت قالت ماشاءالله مفتوح 3 ونص وقالت بسوي لك توسيع قلت لها طيب وسويت توسيع وقالت يلا الحين ابره شرجية وبعدها غرفه الولاده مصادقت

سويت لزوجي مسج أني بدخل غرفه الولاده الساعه 3 الفجر ،،،
وقفلت جوالي ورحت تحت

وألم فضيع يروح ويجي وكل ماله ويزيد ،،
وفتحت ماي الرأس سبحان الله دافئ
ويزيد الم وتعطيني كمام تقول ل جات طلق شميه والله انه أوكيه يخليك طائره بالجو ويخفف الم

المهم الساعه 8 الصباح جا وقت الدفع انا نايمه من الكمام هو فيه الم بس من السهر جاني النوم أقول لهم ابي ماي يعطون شوي والباقي بوجهي عشان أقوم وادفع ههههههههه

دفعت 5 مرات تقريبا وبعدين طلعت احلا فطوم

اتصلت ع زوجي وكان نائم يقول هاه وش صار قلت له ولدت قال ماشاءالله يعني حسيت انه بيصيح من الفرح

ام لياان · 06-21-2013, 10:20 PM

عشت معك الجو وتذكرات ولادتي سبحان الله كنو حلم لين ماولدت وبعدها صحصحت

شمايل بنت الدمام · 06-22-2013, 07:37 AM

اقتباس:

المشاركة الأصلية كتبت بواسطة ام لياان

عشت معك الجو وتذكرات ولادتي سبحان الله كنو حلم لين ماولدت وبعدها صحصحت

اي والله كانه حلم أسعدني تواجدك يالغلا

ثلاث وردات · 06-22-2013, 12:30 AM

حمدالله علي سلامتك ومبروووك البنوتة

شمايل بنت الدمام · 06-22-2013, 07:41 AM

اقتباس:

المشاركة الأصلية كتبت بواسطة ثلاث وردات

حمدالله علي سلامتك ومبروووك البنوتة

الله يسلمك أسعدني تواجدك ي الغلا

أم تااالين · 06-22-2013, 12:47 AM

الحمدلله على سلامتك ومبرووك البنوته تتربى بعزكم

شمايل بنت الدمام · 06-22-2013, 07:43 AM

اقتباس:

المشاركة الأصلية كتبت بواسطة habo0ob

الحمدلله على سلامتك ومبرووك البنوته تتربى بعزكم

الله يسلمك أسعدني تواجدك ي الغلا

مامة عبود · 06-22-2013, 01:42 AM

الحمدلله على السلامه والف مبرووك البنوته الجديده الله يجعلها من الصالحات

شمايل بنت الدمام · 06-22-2013, 07:44 AM

اقتباس:

المشاركة الأصلية كتبت بواسطة مامة عبود

الحمدلله على السلامه والف مبرووك البنوته الجديده الله يجعلها من الصالحات

الله يسلمك أسعدني تواجدك ي الغلا

aso. · 06-22-2013, 04:42 AM

الحمدلله على سﻻمتكم

وتتربى بعزكك ان شاء الله

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تعالو ذبحني التفكير...هل يسمح بالطلق الصناعي بعد قيصرية	HNO2012	إستفسارات مرحلة الولادة	12	09-19-2012 07:08 AM
أفكر بالطلق الصناعي تعالو ردو علي	باربي كيوت	إستفسارات مرحلة الولادة	13	06-28-2011 02:57 PM
ولدت الحمد لله و جبت احلى يوسف - قصة ولادتي و الطلق الصناعي -	Om Youssef	إستفسارات مرحلة الولادة	30	04-15-2011 02:20 PM
الولاده بالطلق الصناعي.. بليز ساعدوني	Bera.88	إستفسارات مرحلة الولادة	8	04-11-2011 01:07 PM
ايش رأيكم بالطلق الصناعي؟	منى	إستفسارات مرحلة الولادة	7	03-01-2010 03:00 AM