هام لكل العضوااات....نبي همتكم ...وتفاعلكم ...

[ميمو الميمو]

السلام عليكم كروشاتي العزيزات
تعبنا من قولة مره ولد ومره بنت ومره مو باين ومره ما فتح رجولة في السونار :su1n:
وملينا من الجدول الصيني الي كل موقع يقول لك شي ومن التجارب الكثيره الي كل تجربة تعطيك نتيجة شكل مره ولد ومره بنت كأنك حامل بتوأم ولد و بنت:t8:


تعالوا نجرب احساس الام نفسها بجنينها هل هو الاصدق والاصح ولا لا ؟:dfrf:


ولا تفسير بعض الاحلام للحوامل ياما حيرونا الناس وشكل البطن وتغير الوجه او الشكل العام هل فعلا لها دخل بجنس الجنين ؟


من وجهه نظري احس ان الرغبة هي الي تولد الاحساس الي تبي بنت بتحس انها بتجيب بنت والعكس صحيح




ابي كل وحده لو تكرمتوا تقول كل نتايجها سواء كانت سونار ولا تجارب ولا احساس ونشوف الي توافق كل هالعوامل :




يالله همتكم خلونا نسوي هالأحصائية وشكرا على مروركم ولا تحرمونا ردودكم

[أسيرة زوجي]

الله يرزق كل وحدة بما تتمناه يا رب

أنا في حملي كان احساسي انه عندي بنت و طلعت بنت و الحمد لله
بس ما أظن إنه الاحساس بيصير حقيقة كل شيء بيد رب العالمين

وهوإلي بيعطي

(ينقل الموضوع للقسم المناسب)

[قلبك انا]

انا الحين حامل واحساسي يقولي ولد بس للحين ما ادري والسونار بعد اسبوع ادعولي يكون صح

[ميمو الميمو]

المشاركة الأصلية كتبت بواسطة قلبك انا

انا الحين حامل واحساسي يقولي ولد بس للحين ما ادري والسونار بعد اسبوع ادعولي يكون صح

اللهم ارزقها بما تتمنى وزياده

[ريمي العالي]

موضوعك مميز وحلو
انا صراحه مااسوي سونار الا بحملي الاخير سويته قصدي عن كشف جنس الجنين
حملت ثلاث حملت في كل مره احس شنو بجيب ويصدق احساسي ميه بميه واجهز البيبي على احساسي
بس الحمل الرابع كنت اتمنى بنت وكنت متامله بتوائم عشان كذا رحت سويت سونار لاني مو قادره احس شنو بجيب
ومو بس كذا حمواتي وخواتي بعد الي تحمل فيهم احس شنو بجيب كل مره اقول لهم بس مايصدقوني ويتعبون روحم ويخسرون فلوس ويسوون سونار وفي الاخر يطلع نفس كلامي هههههههه بس كانهم اقتنعو تو بنت خالتي تسالني قلت لها بعدك لمى اشوف كرشك يكبر وتتوحمي عدل راح اقولك
العلم عندالله سبحانه وتعالى

[om boby]

طبعا الإحساس يصدق 100%
لكن فيه فرق بين انك تحسين اول ماتحملين .. وانك تتمنين بقوة جنس الجنين .. الأخير طبعا هو اللي نتيجته مو مضمونه ..
..
انا حملي الاول جاني احساس وصدق .. والثاني ماحسيت بشي ابددد واللي زاد الطين بله السونار ماكان واضح فيه جنسه ..وماعرفت الا لما ولدت .. وحملي الثالث حسيت احساس قوي وفعلا طلع صح ... وبحملي ذا ماجاني لا احساس ولا شي ... والله يستر من السونار لايحتار فيه بعد ...
الله يكتب لنا الذرية الصالحة ياارب .

[lonnna]

انا هدا اول حمل ليا..

وحاسة اني عندي توم...
ههههههههههههههه


ان شاء الله الاربعاء الجاي موعدي مع الدكتور واقول ادا احساسي صح ولا لا...


بالتوفيق...

[روزآليندآ]

عندنافي الصين للاسسف ممنووووع الكششف عن جنس الجنيين
انا نفسي ببنت وزوجي نفسه بوولد
واحساسي يقول انه ولد
والله اعلم

[ميمو الميمو]

مشكوووات حبايبي ع التفاعل الحلوووووو والمميز بس عندي استفسار لروز اليندا ليه ممنوع الكشف بالصين يعني لاسباب عاطفيه مثلاااااا

[شموسه 88]

موضوع حلو اوراقي
بلنسبه لبنوتي كنت حاسه انها بنت صدق احساسي ميه ميه بس في الثاني كنت حاسه انوا بنت "برغم الدكتوره اكدتنلي انوا ولد"بس جبت ولد وحمد لله

روزليندا غريب انا كنت في الصين"مديينة شي شي" اعطوني جنس البيبي في الاسبوع 14