محروق قلبي بدي أسمع صوت اهلي بدي اعرف خبر عنون....

[نيهال]

بسم الله الرحمن الرحيم

السلام عليكم و رحمة الله و بركاته

حبيت فضفض لكم لأن والله رح اختنق انا سوريه و مغتربه بالكويت و من تلت سنوات ما رحت على سوريا يعني من وقت تزوجت و لله الحمد صبرت على الغربه لأن الحمد لله زوجي كتير منيح معي صبرت على عدم شوفت اهلي و بلدي لأن الأوضاع مو تمام قلت ماشي الحال عم اسمع صوتهم صرت اعرف انون مو بخير قلت ماعليه احسن من غيرهم صبرت و صبرت ولدت اختي بالبيت بسبب الاجواء بره قلت المهم تكون بخير و عمم توصلني اخبارها بس يقطعوا التلفون فترات طويله حرااااااااااااااام ما عاد اقدر استحمل يا ناس انا بشر انا لحم و دم أهلي من اكتر من شهر ما سمعت عنهم خبر ما عاد اقدر اتحمل و ما بقدر سافر والله خايفه على زوجي ما خايفه يقتلوه هذا اهون من انهم يعتقلوه او يخطفوني يا سمح الله لو يقتلونا اهون بكتير ...


بحب اطلب منكم الدعاء لأهل بلدي سوريا تثتغيث يا مسلمين الله يخليكم ادعوا الله ينصر الاسلام و المسلمين الله مجيب الدعاء أرجو من المشرفات عدم حذف الموضوع جزاكم الله خير...

[فوضت امري لله]

ياقلبي يانيهال

الله يفرجها لكم

بعزته وقدرته

كمان صديقتي هناك بحلب وصار قصف على حيهم

وبين فتره وثانيه ترسل رساله تطمنا عليها

الله يفرجها لكم ويبعد عنكم كل شر

والله يأختي قلوبنا معكم وليس لنا سبيل الا الدعاء بالفرج القريب

[نيهال]

الحمد لله قامت حلب يا اختي حلب كانت نايمه نوم عميق خليهم يحسوا فينا انا من حماة والله صارت دمار هلق استيقظوا اهل الشام و حلب مع احترامي لهم ما بعرف كيف ظروفهم المهم هلق قامت كل سوريا هيك بدنا نكون ايد وحده حتى ننتصر ان شاء الله

[فوضت امري لله]

ان شاء الله يارب تنتصروا

وحلب على كلام صديقتي فوق تحت

خاصه الاحياء الحساسه فيها

الله يكون بعون سوريا كلها ويفرجها لهم ربي

وينصرهم ويرد كيد الخائنين في نحورهم

ويشفي صدور قوم مؤمنين

[فوضت امري لله]

نهال حبيبتي تعرفي انه حلب كلما حاولت القيام

صدوها لكثره الش---- فيها

صديقتي مع بدايه السنه كانت تشتكي من عدم الامن بحلب

وانها تخاف على اولادها

لان بيتها مقابل جامعه حلب

وكانت تقول لي انه تنام واخر الليل تصحى على تفجيرات والشارع منكوب فوق تحت

بس الاعلام ما كان يقدر يوصل لحلب

والان مع دخول الجيش الحر

صرنا نسمع اخبارهم

[نيهال]

الحمد لله عم قول لك ما بعرف ظروفهم بس لحن بدنا نكون يد و حده و هلق قدرنه نكون هيك و لله الحمد يا رب النصر قريب

[عروسه بإذن الله]

الله يفرج همك ويفرحك بسماع صوت اهلك عاجلاَ غير آجل


سبحان الله وبحمده ’’ سبحان الله العظيم

[لؤلؤ مكنون]

الله يصبرك ويصبرنا والله انا كمان باخر الدنيه واهلي بالشام وظروفي ما تسمح اكلمهم الامرة في الشهر وهن كمان ظروفهم بالشام معدومه الله يعينهم ويفرجها ع سوريا كلها

[نور منوره]

ياعمري والله مانملك الا الدعاااا الله ينصرهم يارب ويفرج همنا وهمهم

[نيهال]

أمين يا رب والله أكم أخوات و أنا بحبكم كتير الله يفرج همكم متل ما فرحتوني بردودكم الحلوه جزاكم الله ألف خير