تبين خصر نحيف ؟؟ وبطن مخفي ؟؟ تعالي هنا ..!

[**سماسم**]

لكل من تبحث عن الجسم المثالي أقرأي هذا الموضوع :

لكل من ترغب في تحديد جسمها وابراز انوثتها

في البدايه لو سألتكم ....هل الجسم الجميل وراثه او مكتسب ؟

اتوقع اكثر الاجابات بتكون ...وراثه ..صح؟

بس انا اقول غلط ..بتقولون ليش؟ ...انا اقولكم

هو يمكن وراثه ايه لكن يصحب الوراثه طبايع ...بمعنى ان طريقة الجلسه ممكن

تكون منحنيه يعني تجعلين ظهرك احدب >>>ولاحظوا اكثر اللي يجلسونها

مالهم مؤخره ولا خصر

وحتى الجلسه المستقيمة الظهر بعد وراثه او مقوس الظهر على داااخل>>>ولاحظوا

اللي يجلسون كذا لهم مؤخره وخصر

اللي تبي الخصر والمؤخره اتغير طريقة الجلسه ..وبقولكم اشلون

دائما انا اقول دااااائما مو بعض احيانا خلي ظهرك مستقيم ومقوس على داخل

مع الضغط على المؤخره وكأنك تكبرينها متعمده ..وشفطي دائما بطنك على داخل

علشان اتقوي عضلة البطن وتشدها..وحتى وانتي تمشين كبري المؤخره والظهر نفس اللي قلت لك...مع

سحب البطن داخل ...وكل مانسيتي شدي بطنك

واشربي ثلاث مرات الشاي الاخضر

يعني الصبح والمساء والليل

والنتيجه متى؟؟بعد شهر واحد فقط بتحسين بالخصر انه صغر والخلفيه اكبرت والبطن خف

لكن متى بتستخف العالم عليك وبتسألك ..بعد ثلاث اشهور

والله يابنات ..انا قلت والله اللي مابه اعزه منه

ان هذي طريقة اختي ..انا سويتها شهر ..وفعلا بين خصري وانا اساس مالي خصر ذاك الزود

لكن الموت الحمر اختي تمت على الحركه تقريبا ثلاث اشهور


اما احنا خواتها متفاجين من الخصر والله صغيييييييير

والخلفيه ماشاءالله
.
تدرون ليه تفاجنا من الخصر لان الخلفيه كنا نشوفها تكبر اسبوع عن اسبوع لكن الخصر شفناه يوم

لبست مخصر
..ولين اللحين مستمره ..على فكره اساس هي قبل مالها خصر

ولا خلفيه ..وانا بديت اعيد احساباتي وبقلدها لاني ماستمريت

والله العظيم لين اللحين الناس مكذبينها ومعتقدين انها مستخدمه شي

الزبده من الموضوع هذا ....جلستنا اللي نجلسها هي اللي تحكم منظر اجسامنا

واعتقد الا متأكده ان طريقة جلستنا كانت تعيق نمو المؤخره على وراء لان حنا

ضاغطين عليها في المكان اللي لازم تنمو فيه>>>اتمنى انكم فهمتوا قصدي

والمره اللي دايم اتخيط بيدها شوفوا اصابعها فيها مكان مسكت الابره مع انه عظم لكن حتى العظم تغير

ولاحظوا البنت اللي دايم تلبس تنوره ضيقه شوفوا تحديد الخصر عندها


الزبده من الكلام هذا ان العظم ممكن يتغير من طريقة عملاً فكيف اللحم والشحم

اللحين عرفت شنو فايدة جلست اليوغا>>>ياغافلين لكم الله

تدرون انا حاولت اقلدها بس اعترفت لها قبل يومين اني ماقدرت لاني متعوده على اللاب توب ونايمه

على بطني ...قالت بس في البدايه حاولي وعقب والله بتظهر الخلفيه غصب ....بصراحه حمستني


والشرط اللي بيني وبينكم (بأذن الله) ثلاث اشهور والتجربه خييييييييير برهان )

والذكيه اللي من اللحين بتثق فيها وتسويها من اليوم (لانه والله العظيم صدق) وجاتكم على طبق من ذهب ..

[الحب لك وحدك]

معقوووله
ياحليل اثاااري حتى الجلسه تلعب دوووور بجسمنا
<<<< توهااااا تدري
مشكووووورة ياقلبي
الى الاماااااام باابداااعاااااتك المميزة

[Mقمة البرااااائهM]

الله يسعدج.......بنجرب.....بس أخاف تمسكني عصبه..من كثرة الجلسه المستقيمه....

[غلا الشوق]

الحمد الله اني نحيف




مشكورة يعطيك الف عافية

[بنت الريف]

[أميرة الأميرات]

يعطيكي العافية ياعسل

[همسات]

ثانكس حبيبتي

[سوزي2010]

مشكوره حبيبتي

[سموة الشوق]

جوزيتي خيرا خيتي على هالنصيحه الغاليه..

[**سماسم**]

أسعدتني ردودكم وأفرحتني الله يعطيكم العافيه ..
والجلسه المستقيمه سبحان الله زينه حتى لظهر والصدرتشده ..
جدتي الله يخليها لنا إذا شافت أي وحده منا سواء بناتها أو حفيداتها جلستها مو مستقيمه
بأقرب شيء يجي بيدها على إلي جالسه وعلى طول نفهم أنو قصدها نعدل الجلسه ..