بنات الدمام و اللي تعرف سوق الجمله تدخل...

مشاعل الدوسري · 09-21-2011, 04:50 PM

السلام عليكم و رحمة الله و بركاته

راح أبدى بشغل التوزيعات و قالو لي بسوق الجمله الاقي تحف رخيصه على
ريال و 2 و 3
و مافوق و كل الاشياء اللي تتعلق بلتزين حق التوزيعات
فامااعرف وين بلضبط موقعه اعرف سوق الجمله جهة المكياج و العطور
عند المجمع اللي فيه مكياج و حووست المشاغل
لكن مااعرف اي جهة تبع سوالف التحف اللي بسعر الجمله فاياليت الافاده للي تعرف ضروري بكره بروح...

انتظر ردودكم للافاده ....... .

مشاعل الدوسري · 09-22-2011, 01:15 AM

شدعووووووووووووووووه ماكو حد يرد

راقية بذوقها · 09-22-2011, 03:34 AM

خيتوه في محل قريب الدنيا الصغيره اللي كانت ابو ريالين قبل
ماادري اسمه الافكار مدري وشو مااذكر
يبيع كل اشياء التوزيعات والاشغال اليدويه بأسعار الجمله

غلا الرووح · 10-03-2011, 01:59 AM

محل الدنيا صغيره والافكار الذهبيه
يبيعون ويسوون افكار توزيعات واسعارهم حلووة

بدال لاتعبين نفسك وتحوسين عمرك

وبالنسبه للكاكاو في محل البستان بشارع البيبسي يسوي
شوكولاته مطبوع عليها الاسم وملونه
انا شفتها عند نفاس وحده في بنتها مرره شكلها حلوو
لون الشوكولاته وردي ومكتوب عليها الاسم

لولي عمري · 10-03-2011, 06:20 AM

الله ييسرلنا ياارب

مشاعل الدوسري · 10-03-2011, 07:45 AM

مشكوورين على تفاعلكم
لكني رحت الحمدالله
و نزلت بلضبط عند مسجد الملك فهد
و قباله محلات و دوواعيس
في محل اسمه بايوني و كذا محل جنبه
تووحفه أشتريت ميداليات على شكل عرايس الدرزن ب 18 ريال
و الدرزن عبارة عن 12 حبة
وووووو أشتريت علب صغيرة للخمرية و أشتريت عطر للخمريات و الكريم و أمي هي اللي بتخلطها
لان جيت اشتري الخمريات الجاهزه غاالية مررررره
الدرزن ب 70 ريال و أكثر مايسوى فا أشتريت الفازلين المخصص
حق الخمريات نص كيلو ب 40 ريال
100 ملي اتوقع عطر مدري شنو اسمه حق خمريات
بتخلطهم امي مع بعض و لازم تخليهم كم يووم بعدين بعبيهم
بلعلب اللي أشتريتها

درزن ب 10 ريال و الدرزن 12 حبة
طبعا سعر العلب على حسب الشكل
في أشكل كشخه و هيك لكن أنا أخترت أقل سعر
و أشتريت ب 50 ريال يعني كله على بعضه تكلفت الاغراض
اللي شريتها 275

بدال ما أدفع في الخمريات 350 دفعت 130 بس
بدال ماأدفع 1728 ريال في الميداليات لان اللي شفتهم بلنت أسعارهم مع الشوكلت ب 18 و بعضهم 20 و طالع
أشتريت الدرزن ب 18 ريال
أنا خذيت 8 درازن ب 144 ريال يعني 96 ميدالية

و الشوكلت بوقته بشتريه من أي محل

ماراح أبالغ في التوزيعات نوعين من التوزيعات للبيت
مع صحن شوكلت و غير الكب كيك بنسويه بلبيت تعلمت
طريقة الكريمه اللي تنحط فوقها عاد بوقتها أخلي البنات يسونه

و للمستشفى بشتري أي نوعية شوكلت و أنا بزينها
طبعا أنا اللي بصمم البطاقات و بسويها بلبيت بطبعها
لكن بوديها للمكتبه
عشان يغلفها تغليف حراري و يقطعها
لي يعني الشغله ماراح تكلفني كثير لان كله بيكون شغلي
و الأستاند
أنا صممته أنشالله بروح للمحل عشان ينفذ التصميم

شكله اللي بخفسني بلسعر الأستاند لانه مره كبير بيكون

عباره عن مدينة البنات أنا مسميته هيك أنشالله بس أخلص من
تنفيذه بحط الصور عشان تستفيدون من الفكره و بكتب لكم التفاصيل اللي صارت
بأذن الله

" قلب غيث " · 10-04-2011, 10:14 AM

مشالله تبارك الله ...

بالله بس تخلصين صوريها لنا ،،،
انا ما حسؤي توزيعات لان ما عندنا احد كل اهلي وجماعتي بطايف ...
بس بأخذ صحن شوكلاته ...

مشاعل الدوسري · 10-04-2011, 10:32 AM

انشالله و لا يهمك قلب غيث عشان الغير يستفيد انشالله

سموة المشاعر · 10-04-2011, 01:07 PM

ماشاء الله عليج
صوري لنا اا خلصتي لاني افكر اسوي توزيعات ومحتاره

ريونه · 10-04-2011, 04:41 PM

قلبي في مجال ترويناا التوزيعات
لانه لي نيه اروح ولا عليك امر

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اللي تبي تعرف اذا هي حامل تدخل	عزيزة النفس	منتدى أعراض الحمل والوحام	40	10-13-2011 12:13 AM
بنات الدمام من تعرف د هند في الدمام الاهلي	الجـازي	إستفسارات المستشفيات و عيادات نساء وولادة	3	09-14-2011 04:34 PM
اللي تعرف تدخل	الشمس الشموسة	منتدى موانع الحمل	1	01-06-2011 07:54 PM
....بنات اللى تعرف تدخل تجاوبنى ....	بنووتهـ كيووتــ	منتدى أعراض الحمل والوحام	5	08-01-2010 09:15 PM